Monday, November 19, 2007

المطار بند

خبر عاجل : مطار الكويت مشلول بسبب اضراب نقابة الطيران المدني
---
الحكومة يركبها 70 عفريت لما أحد يقول لها زيادة الرواتب لكن في الكوادر الوضع مختلف فمن يصرخ ويضرب ويهلق ياخذ كادره وزيادة ومن يطالب بأدب أخلاق ورقي ينحط على الرف
يعني الطريقة ما عادت خلطة سرية أصرخ وخذ اللي تبي
برأي بعد خمس سنوات لن تكون هناك مطالبات برفع الرواتب لأن كل الوزرات أخذت كوادر خاصة
شربيها ياحكومة

30 comments:

nEo said...

الخصخصة هي الحل

فريج سعود said...

زين يسوون حكومة ما تيي الا بالطق على راسها
الوزير ياخذ معاش خمسة الاف دينار وكل شيه بلاش سيارته موبايله سفراته حتى طق... بفلوس وعنده بيت
وجان زين كلهم عباقرة مثل المحيلبي
والي معاشه اربعمئة دينار عسى ما طق... قالوله هات

حمد said...

يقيم المنبر الديمقراطي ندوة تحت عنوان (مقصلة الرقابة في معرض الكتاب) المتحدثين
ليلى العثمان و ميس العثمان وهبة بوخمسين وعقيل العيدان وذلك في الساعة 7:15 مساءا يوم الثلاثاء بمقر النيباري في ضاحية عبدالله السالم ق 4 -شارع سيد علي سيد سليمان منزل 4 جادة 48
والدعوة عامة

Mohammad Al-Yousifi said...

خرطي

سدرة العشـــاق said...

:)
(:
:)
(:

bo9ali7 said...

حكومة ضعيفة ماتدري من طقاقها
حكومة جنها الامهات اللي يخافون من عيالهم

Anonymous said...

غابه
---------

ومثل ماقال نيو الخصخصه هي الحل

Q80 Blogger said...

والله فشلونا .. صارو الكويتيين ما يهمهم شي غير زياده الفلوس

بس من الحكومه .. لو الشعب شايف الديره تتطور اشوي جان سكت

بس نشوف الديره من اردى لي اردى .. وآخر شي الفلوس تروح حق العراق والسودان وبنغلادش .. يقولون احنا اولى فيها

عندنا غباء سياسي ولا منه

أبــو بنــــدر said...

وا حسرتي علينا يالعسكرين ما عندنا نقابات تطالب بحقوقنا
وإلا 15 سنه بالحرس الوطني ولي الحين عريف انا وكل دفعتي
الله كريم مرخص الحريم


هههههههههههههـ

ezain_kilah said...

ما أعتقد إنه بعد خمس سنين الكل بياخذ كادر...بعد خمس سنين الكل بياخذ كادر مضروب في خمسة

كل شويتين راح يطلع واحد او أكثر في نقابة ما, يستغل الطمع الموجود في النفوس علشان يسوون لهم إضراب ويروح ياخذ له قسط حق سيارة يديدة

يعني معقولة إن كل الموظفين فقارى ومظلومين؟

وعليه وعلى حالج يا كويت

على نفسها جنت براقش said...

اهما لو يفكرون ان حريتهم مسلوبه جان ما ركضوا ورا الفلوس و لكن اختاروا العبوديه بمفهومها الجديد

هذا ورثهم لعيالهم
ما دروا ان لو ان نصير يد وحده ناخذ حقوقنا كامله مكملة
لكن نظرهم تحت ريولهم

حلم جميل بوطن أفضل said...

وصلني أن الحكومة قد قررت إلغاء الكوادر التي أقرت الإسبوع الماضي

صحيح؟

حلم جميل بوطن أفضل said...
This comment has been removed by the author.
بروفسور حمادو said...

عاجل

أحذرك من على نفسها جنت براقش ، ترى أفكارها بدت تصير ثورية

:)

bass said...

عاجل

عندي سؤال

هل تعتقد أنهم يستاهلون كوادر ؟

السؤال الثاني

في اعتقادك هل تكافئهم على أضرابهم باقرار كادرهم ؟

عاجـل said...

nEo

الادارة الجيدة وبعدين كل شيء يهون

عاجـل said...

فريج سعود

نبي المشاريع الكبرى
نبي تطبيق للقانون
ضبط الاسعار
القضية الاسكانية
مو كوادر شنو الفايدة بدون ضبط اسعار
رجعنا لنقطة الصفر وتاصيل اسلوب الاخذ بالقوة
نحتاج وايد مو كل واحد يحل مشاكله بروحه

عاجـل said...

حمد


قادمون
باذن الله

عاجـل said...

kila ma6goog

تقصد الحكومة

عاجـل said...

سدرة العشـــاق

نقاط تفتيش

عاجـل said...

bo9ali7

الام تحب عيالها مو تلعب بحسبة اللي خلفهم
هذي مرت ابو

عاجـل said...

حمودي

البقاء للاقوى

عاجـل said...

Q8i_Blogger

الحل الفردي كل يدور عن حل فردي لمشاكلهم
لان القدوات كل واحد قاعد يسوي شذي

عاجـل said...

ABO BANDER

العسكريين
يسوون شيء واحد
ما ابي اقوله

عاجـل said...

ezain_kilah

المزيد من الربادة

عاجـل said...

على نفسها جنت براقش

هذا فوق مستواهم

لكن هم عينة مخلوطة بالطرارة والويه العريض
والطلبة عندهم اسهل من شربة الماي
عرفتوها؟؟؟؟؟؟؟؟؟؟؟

عاجـل said...

حلم جميل بوطن أفضل

خبر صحيح
وما نشرته لانه خبر مركب فيه اكثر من طرف ويحتاج للتاكد

عاجـل said...

بروفسور حمادو

كلام ما زاد عن المطلوب

عاجـل said...

bass

اختلط الحابل بالنابل هل اساوي الاطباء مع موظفي احد الوزارات

----

الموضوع كبير لان المعالجة اصلا غلط مو لجهة وحدة بل مع الدولة كلها وطالما انهم فتحوا الباب لبعض الجهات خل يشربونها
وعموما صار انقلاب كبير
تابع البوست القادم

فتى الجبل said...

والله مساكين اللي يستحقون
عاقبوهم بجريرة اللي ما يستحق