Tuesday, March 04, 2008

أسد علي وفي الإزالة نعامة



فيديو انسحاب الحكومة والشكر لبدران وبي كويت
خبر عاجل
خبر عاجل
خبر عاجل
جهاز امن الدولة يعتقل الدكتور ناصر صرخوه وهو نائب سابق وهو في طريقه الى جامعة الكويت حيث يعمل هناك كأستاذ
---
تحديث
كور مخلبص : الوزير العوضي ..الحكومة ستحضر جلسة الغد
تحديث
أبو النحاسة بوردح : الوزير الحجي .. غدا نقرر نحضر أو لا .. واعتراضنا اليوم على الإجراءات وليس على الزيادة
---
تحديث
فلوها : الرئيس يرفع الجلسة الى الغد لعدم عودة الحكومة
---
أبو النحاسة بوردح : الوزير الحجي ..مصرون على حقنا بتأجيل التصويت لأن الموضوع غير مدرج على جدول الأعمال
---
خبر عاجل
الحكومة تنسحب من جلسة اليوم احتجاجا على تصويت النواب على زيادة الخمسين دينار والرئيس يرفع الجلسة لنصف ساعة
---
حالة من الترقب بسبب احتمالات تعرض النائبين عبدالصمد ولاري الى مضايقات من الجمهور أو احتكاك بين النواب

45 comments:

بوصالح said...

حكومة ما تمون على ولا نائب

مشكلة والله ... الله كريم

إحنا الي ندفع الثمن

و على فكرة .. القضية صحيح أمن دولة لكن نتمنة تغليب صوت المؤسسات الدستورية

فنحن ضد الإعتقالات بدون وجه حق

As YoU LiKE said...

عقبـال الثانيين .. مال يتلونهم واحد واحد.

انا قلت الحكومة ماتنسحب من شي محسوم الا اذا لم تكن المناقشة مرتبطة بجدول الاعمال.

اما عدنان ولاري محد راح يقرب لهم الا اذا دازين الوطن جم واحد لهم عشان يولع الوضع.

عاجـل said...

بوصالح

خل يمونون على نفسهم بالاول بعدين خل يضبطون النواب
---
رغم حساسية الموضوع الا الاجراء الطبيعي بعد رفض حضور التحقيق هو الضبط والاحضار وهذا عادة لا يتم بنعومة

عاجـل said...

As YoU LiKE

المواضيع متكودة وايد ستاخذ شتخلي
الزيادة من صوب التأبين من صوب رفع الحصانة من صوب .....الخ

سدرة العشـــاق said...

الله يستر على هالديرة بس

عاجـل said...

سدرة العشـــاق

انشاله
يسمع منك

بوتشخيص said...

عطوهم ويه وايد كلموهم بالطيب ما ياو النيابة .. لازم يحضرون شنو اهما فوق القانون!!! خو اشحقه خايفين كلها كلمتين بيطلعون ما في قانون يجرم للأسف!!!


احلى شي عبدالمحسن جمال رايح ندوة و عليه ضبط و احضار .. سبهلله

عاجـل said...

Butash5e9

محطة امن الدولة دائما تخوف وخصوصا اللي عندهم تجارب سابقة

Bu Jassem said...

عاجل يالنوخذه وتشوف الي غيرك ما يشوفه تتوقع شنو النهاية لكل الأفلام الي حوالينا هاليومين؟
ترى صرنا مسبهيين مو عارفين شنو بنوصل له
وودنا باي نهاية بس نبي نخلص
لا من إزالة ولا زيادة ولاتأبين
وعفية جاوبني صج وخل نشوف مع الايام توقعاتك صح ولا غلط

فتى الجبل said...

والله مو نعامة
الا قاعدة تكمل مسلسل هدم الدستور

bo bader said...

عاجل اسمح لي أجاوب بو جاسم بالنيابة عنك وأظن أني أمون :

النهاية يطلع ولد الشرطي هو اللي حب بنت المجرم بس أبوها المجرم طبعاً ما يحبه لأنه ولد عدوه اللدود .

بس ولد الشرطي مصمم يتزوجها فيخطفها وينحاش وياها ويتزوجون بعيد عن عيون أبوها .

يوم درى أبوه الشرطي حاشته جلطة ودخل المستشفى ، لأن الصدمة كانت وايد قوية عليه وما تحملها !

في المستشفى راح الولد يزور أبوه ومعاه العروس - علشان يطيح الحطب وياه - فلما شافها الأبو شهق وقال لولده هذي اختك اللي عبالنا ماتت صغيرة ، طلع المجرم هو اللي مربيها !

بعدين الأبو صحا ضميره قبل لا يموت وقال حق ولده سر خطير :

قاله : يا ولدي أنا مو أبوك !

أنا أمك !!!

كافي والا أزيد !

=====

صدقني يا بو جاسم حالتنا متعومسة مثل هالفيلم الهندي ...

تحياتي

بو حامد said...

السؤال هل يجوز تنسحب الحكومه بعد تصويت وزيرين ؟

سلمنتي

---

ناصر صرخوه ، باقي 5 غيره
واثنين نص 3 ترفع عنهم الحصانه

فريج سعود said...

كل الي بغته الحكومة هو مناقشة موضوع زيادة الخمسين واتاحة الفرصة لحديث اثنين مؤيدين واثنين معارضين
وكان حال الجلسة اليوم ينبيء بعدم وجود المعارضين من النواب
لو كان الخرافي قطع الطريق عليهم في اعطائهم ما يريدون كانت الزيادة قد اقرت اليوم
بس الخرافي اليوم ما ادري شفيه متنشّن ومتنرفز وشخّط بالكل بالحجي والعدوة ودميثير الي انقص ويهه وهو قاعد يمه

Aldenya said...

وعاش عاجل


:>

نور الليل said...

أمن الدولة : كلب مسعور فـــُكّ طوقـــُه .

وانتم بكرامة

هذيان said...

عاجل

أجراء أمن الدولة صحيح
أسمحلي أرد على
as u like
بما ان عسى عمرها طويل كول على الشواطئ اللبنانية فسعادة الخرافي لن ينجح جلسة رفع الحصانة حتى تتم حماية أستثماراته في لبنان ولا تقطع عن البقية في سوريا
ما شفت ناصر الخرافي رفع وبعدها سعادة الخرافي جبس
شكرآ

كويــتي لايــعه كبــده said...

لا يجبل علينا الخرافي وهو ماسك ايده بس!

السابقه اللي يبون يثبتونها ثبتوها وخلصوا.
وعرفوا حجم ردة الفعل عندك. بس هذى هي؟! الله يعين الكويت من الجاي لانها ما اعانت نفسها بالحاضر. هيبة ديرتك وصلت الى الحد اللي يسمح لهم اللعب على المكشوف.

واحد حرية رأي وثنين فلافل لو سمحت.

سؤال: لو اللي صار صار بايران (الدوله الام) كان شنو ردة الفعل؟ كان تجرؤا من اساس؟

وليــــــــه! صرت طائفي. مادري شفيني ما ايوز من الدفاع عن ديرتي. طبع وصخ. ان شاء الله اعقل واعرف مصلحتي واتعلم من الخرافي (الله لا يقوله!)

كويــتي لايــعه كبــده said...

الكلب المسعور بعض المرات تحتاجه.

عاجـل said...

Bu Jassem

علشان اكون نوخذة صج لازم اقول الصج

وجوابي الوضع صعب جدا وانطر شوي راح تتضح

عاجـل said...

فتى الجبل

ما عندهم ما عندي يدتي

عاجـل said...

bo bader

مرخوص
---
الفيم الهندي ارحم

عاجـل said...

بو حامد

يصير كل شيء يصير

عاجـل said...

فريج سعود

يمكن الضغط النفسي
يمكن تنسيق حكومي مع الخرافي
خل نفلها
المهم يروح وقت

بوتشخيص said...

اسمحلي عاجل ..

برد على نور الليل ..

الكلب المسعور هو اللي يعض الإيد اللي أكرمته .. و الكلب المسعور على قولتك مثل ما في شين .. ترى في ناس ماتوا عشان هالديرة ..تفهم هالتضحية؟

خلنا نفرق شوي ولا نعمم .

تحياتي

عاجـل said...

Aldenya

وطب الملعب

عاجـل said...

نور الليل

رغم اني لا احب استخدام هذه الاوصاف الا اني لا احب اقحام تلك الجهة بكل قضية خاصة وان ما يدور حولنا امر كبير

عاجـل said...

هذيان

كلام عدل وياريت احد يفهمني شلون يصير الضبط والاحضار

عاجـل said...

كويــتي لايــعه كبــده


قلعتك محد قالك دافع عن ديرتك بس ابيك دائما تسجل اللي قاعد يحصل هاليومين وبشوف واحد يقلب مرة ثالثة راح نقزرها عليه ملطشة وما ابي اكمل

عاجـل said...

Butash5e9

خذ راحتك هذه ساحة مفتوحة

عاجـل said...

يا شباب ياحلوين

اللي ناوي يعلق على زميل ثاني او يرد عليه دربه خضر ولا يستأذن مني البيت بيتكم

بوتشخيص said...

عاجل .. تسلم ما قصرت أكيد لو ما نحس هالمدونة راقية بطرحها لو مهما اختلفنا جان ما علقنا و كتبنا ..

على حسب اللي أعرفه عن الضبط و الإحضار هو إجراء يتم عبر النيابة العامة إما تصدره بتلقاء نفسها .. أو تصدره بعد أن ترى جدية تحريات المباحث و أمن الدولة .. و على فكرة ما يطلع هالأمر بسهالة إلى أن يستقر في يقين النيابة إنها إجراءات ليست كيدية.. و غالبا هالإجراء يتم بضبط المتهم وين ما كان .. و تفتيش المسكن و القاء القبض على من مشترك معه بالجريمة ..

و اللي أعرفه إن إذن النيابة يتضمن هالأمور .. و عشان ناس وايد يختلط عليها الأمر ..

ترى الضبط و الإحضار من إجراءاته إن يكلبجون المطلوب و هو إجراء قانوني و ليس تعسفي مثل ما البعض يصوره ..

يعني حتى في أمريكا لو بركبون المتهم دورية لازم يتكلبج ... لو حتى التهمة مهاوش قطوة .


و انشالله أكون أفدتك و أتمنى إذا كنت غلطان أحد يصلحي و شكرا ..

عاجـل said...

Butash5e9


صحيح
صحيح
صحيح
كما قال البحبحاني

mowa6en said...

شكرا على المعلومات وعلى التحديث

هذيان said...

يا زينك يا عاجل صدرك وسيع
نختلف معك في مواضيع نتفق غي مواضيع
لكنك عقلاني

وليدنا يا أخي ونحترمك

بل ونشد على يدك كي ترشح نفسك لمجلس الأمة ونساندك بس بليز بعدها ماني شاى مخدر مثل الجماعة أياه
والسلام عليكم

كويــتي لايــعه كبــده said...

قلعتك وياي

لاتخاف قاعدين نسجل بس شالفايده. تسجيلاتنا مالت امس ما نفعتنا اليوم.

Bad-Ran said...

منزلين فيديو الانسحاب بيو تيوب .. جيك

http://www.youtube.com/watch?v=-rG6YN1ccXg

عاجـل said...

moowa6en

حاضرين يا مواطن

عاجـل said...

هذيان


لا الله يخليك الا الانتخابات وشكرا على الثقة
---
تقصدين ان الشاي المخدر ما بنت الشامية مو زين ؟؟؟؟؟

عاجـل said...

كويــتي لايــعه كبــده

الوعي له ثمن اتعب شوي شنسوي

عاجـل said...

Bad-Ran

شكرا جزيلا وعملنا اللازم والموضوع صار وايد حلو

White Wings said...

شوشونا
شنحاتي؟ الخمسين والا عبدالصمد ولاري والا صرخوه؟
أف

عاجـل said...

White Wings

لو بيدي امسح كل هالمصايب بأستيكة واسوي لك الدنيا بمبي لكنها مع الاسف بمبة

Eng_Q8 said...

شر البليه ما يضحك

عاجـل said...

Eng_Q8

خلنا نقزرها ضحك هاليومين لاننا بحاجة لفترة نقاهة

Aldenya said...

حزين .. !! ؟

الله يطمن قلبك