تذكرون موضوع تعطيل الحياة الديمقراطية لمدة سنتين؟ اكيد الكثير منكم يذكر
راح تقولون ليش ؟؟ شنو قصدك ؟؟ أكيد في شيء
وانا بالفعل أقول ما في شيء كبير
لكن من حقي ابوح ببعض مخاوفي على الأقل في هذه المساحة الصغيرة
---
ان ما حصل بالأمس من تصادم بين قوات الأمن ومؤيدي الفرعيات ليس هو النهاية بل هو البداية
وهذا ليس تنجيما أو افادت به مصادر خاصة
الفرعيات سوف تستمر وقوات الامن جربت قنابلها وهراواتها المعلقة على الجدران منذ دهر
يعني ما حصل قد ينتقل الى مواقع الفرعيات نفسها وهناك قبائل ستدخل دائرة الفتنة
هناك سيناريو تحدي يقول القبائل ستنظم فرعياتها في يوم واحد
وتعال ياجهاز الامن انتشر ولاحق الكويت كلها أو ليدخل الجيش في الحسبة
هناك من أسر لي بأن هناك يشجع تنظيم الفرعيات ليزداد الوضع أكثر تأزيما
والمزاج الشعبي متحامل بقسوة على مجلس الامة
لأنه معطل مصالحهم
معطل التنمية
معطل بيزاتهم
والمطافيق وايد والبانزين متوفر بس المطلوب عود كبريت واحد
السؤال هو شنو السالفة؟؟؟
شنو مخاوفك؟؟
جـــــــــــــــوابي
يصدر قرار بتأجيل الإنتخابات لان الاوضاع الأمنية في البصرة غير مستقرة
الجو حار عليكم ونبي الانتخابات بجو أحسن
بعد رمضان طبعا
نهاية السنة ممكن
مع السلامة
---
جعلت من نفسك مسخرة الكويت قلنا مشكلتكمثلت كممثل هابط واي كلام قلنا مشكلتك
دفعت الخمسين دينار أربعاع قلنا رقلة
يبت هبان بمقرك قلنا عليك أسياد
لكن ليش الدين؟؟؟
ليش تلبس هاللبس وانت لابسه بس حق هالمقابلة
الظاهر انك نويت على نفسك بدون ما تحس
42 comments:
خايف من هالموضوع بس ساكت .. خلنفترض حسن النية!
بالأمس كان لي تعليق مع صديق يشابه ما تفضلت به يا عاجل
إن استمر الوضع على ما هو عليه من فوضى و تصعيد من مختلف الأطراف فالأقرب هو تعطيل الدستور ، حيث لا يمكن حسب الدستور أن يتم تأجيل الانتخابات لما بعد الشهرين
Q8Sky
انا قلت ما كو شيء
لا تخاف
بروفسور حمادو
من الجيد التفكير باكثر من طريقة
لان الساعين لتعطيل الديمقراطية مرتاحين وقادرين على التفكير باكثر من وسيلة
وبيدهم كل شيء
ماكو إلا الخير إنشالله .. لا تحاتي .. مراح يصير شي عقب أمس بانت العين الحمره و مراح يكررونها صدقني
بوتشخيص
انا اتمنى ما يصير اكثر من اللي صار
لكن وين بيلقون احسن من هالوقت
حق المصايب
الناس مو حولك
فعلا تحليل قابل للتطبيق ويخرع ومشكلة إذا صار
نبشوا الشيعة مع مغنية
والبدوا مع الفرعيات
ويبون ينبشون الحضر بمنع مجلس الامة
اللة لا يقولة وصير اللي في بالك
وهذا شفية صج مصخرة عاد كلشي إلا الدين
هذا ماينلعب فية
حسافتج يا كويت
فكر فيه مرة ثانية راح تخاف اكثر
لان العنف حصل بالفعل مو كلام
والفرعيات ما خلصت
---
ماكو شيء لا تخاف
ما عقب الوقت الأصلي
الا الراحة شوي
وتالي البلنتيات
خنريح
نبي شوي دكتاتورية علشان نتعلم الديمقراطية
يعني نموذج خلط
سنغافوري - جزائري
الاولاني على قولة الحربان داس على الكل
والثاني ذبح الكل
تغيير
Incase it's not obvious
I am iffing kidding
دستور يا اسيادنا :)
الحفيتي .. لووووووووووووووووول
سيناريو قابل للتطبيق
واتمنى حكمة الكبار تغلب حماس الصغار
(رغم ان الصغار بالاربيعينات الحين)
---
شهالتنوره اللي لابسها الخبل اللي تحت؟
في ناس ينقص عليهم بهالسهوله؟!؟
بعدين العقل زين
تبي تفسد ال"فرعيات"... احرم مخرجاتها من الترشيح
ولا تلاحق أحد
حتى وان كانت جميعها بيوم واحد
وارحموا البلد من التصعيد والمواجهة
---
ملاحظة: يحق للقبائل التشاور بين بعضهم البعض كما تعمل الاحزاب الغير رسميه والطائفه الشيعيه والعوائل الكبيره وغيرها ولكن بطريقه تحترم القانون وان استلزم الوضع تعديله لشمل وتجريم جميع ال"فرعيات" او وضع آليه مقبوله قانونا لمشاورات القبائل.
هذا خبل ولا شكله جذي !!
عاجل قلت في الموضوع السابق للنيو هي بداية ؟
قارن بين خطاب حل سنة 86 وخطاب حل المجلس الحالي
هناك وجه تشابه !!!!!؟
من اليوم الأول قلناها
ما ظنتي هالشيء يصير
بس ما يبط جبدي الا اشكال صاحب الصورة اللي ما ادري من وين اطلعوا لنا
انترسوا بالديرة
يا معود جذي و لا يطلعلنا بعمامة
ربعنا مو ناقصين تشويش
نخلص من التأبين ندش بالحل
ويصير الحل
ونبتلش بالفرعيات
انا بعرف
الناس كلهم
سواء ربوع التأبين
ولا جماعه الفرعيات
الكويت مو الاولويه بالنسبه لهم
فشلونا
عاد لايكون مرشحينكم عاد مبيضين ويهنا بالمجلس
وموصلين الديره فوق
ولا اخاف بس ان الكويت صارت دوله سياحيه واقتصاديه من خططهم الجباره
مو عيب يوصل شخصين او 3
لان المجلس المفروض يجمع الشعب
لكن يجمع الاكفأ
هم لازم يكون للشخص ممثل له بالمجلس يعرف اهو شنو يبي
وحلو ان كان من جماعته
او ان كان من قبيلته
لكن مو بهالطريقه!
منو هالشاب الجميل بالصورة؟
ودهم..يا عاجل..ودهم..
عاجل
والله اذا قلت ولا ماقلت مايندرى شنو يدور ابذاك الكور ، وترى الحفيتي انا اتوقع فرص نجاحه ابهالانتخابات بعد هالستايل زادة 200% p;
من يهن يسهل الهوان عليه * ما لجرح بميت إيلام
لول هالحفيتي مو عارف شسوي بعمره صاير جنه ارجوز !!
المشكلة أن الأوضاع الإقليمية متوترة وبدلاً من تهدئة الأوضاع، بعض الرعاع يحاولون إثارة المشاكل داخلياً وهذا ما يجب على الحكومة أن تتصدى له بكل حزم وقوة وتضرب بيد من حديد ولا تعطي فرصه لأي حاقد أن يحاول زعزعة الأمن وإثارة النعرات ومخالفة القوانين حتى تفرض هيبة الدولة على الكل
تطبيق القانون بحزم وقوة ما يعني ان الدستور يوقف العمل
القانون وتطبيقه جزء من الدستور
اليوم الناس مع الحكومة
باجر لي وقفوا الدستور الكويت كلها ابتنقلب على الحكومة
ماعتقد انهم بيوقفون العمل بالدستور لأن هالشي مو من مصلحتهم
والله أهبل هالحفيتي
انا أقول لازم يحجر عليه سياسيه لأنه قاعد يسئ لصورة الأنتخابات الكويتيه
وصل على النبي
سهود ومهود وماكو إلا الخير
ضحكني الحفيتي
و الله يبا زين ... انا اتوقع
راح ايي الزمن اللي يشتري فيه اصوات
و ينجح
ولد الديرة
الحرية والديمقراطية غير قابلة للتفريط او المساومة
Bad-Ran
الا هالمرة
طينها
كويــتي لايــعه كبــده
العقل زين بس وينه؟؟؟؟
Q8i Blogger
أهطل
هذيان
انشاله نطلع غلطانين
Mok
هذي هي الصحوة المباركة
kila ma6goog
بالعكس السالفة واضحة عند الجماعة
حتى لو حط خاتم برقبته
Sn3a
لو الامور تصير زينة
احول مدونتي لورق حائط
والزقها بالبيت وارتاح
KrakatoA
وما في احسن من الحين والناس ثايرة على المجلس
Q8Sky
انا قلت اللي بكوري وهو يخصني وما ياثر على غيري
بس اللي بكور غيري يمس الكل
هنا يكمن الفرق
مُحَسّدْ
على الاطلاق سوف يفعلون ذلك وهم سعداء لانهم الحين في فورة غضب
ولما تنشفط الديرة بعد كم شهر راح يقولون نبي مجلس
Snow White
اسوأ من الأراجوز
هذا مخرب
---
لتضرب اليس الاعتداء وقع عليها؟؟؟
فتى الجبل
بل الفوضى المبرمجمة هي العذر لتعطيل الانتخابات
ولا تطبيق القانون مطلب قديم ودمه ثقيل على الحكومة الاصلاحية
ABO BANDER
يحطونه بقفص والفرجة ببلاش
هذا اللي يبيه
mantovani
لما يبيع كل الحيوانات اللي يداويها
الألف لكل طير
عشرة الاف للحصن والحمير
Post a Comment