في خطـــوة مفاجئة ناشد النائب السابق عبدالله النيباري سمو أمير البلاد اصدار مرسوم للضرورة بهدف اجراء الانتخابات البرلمانية على نظام الدائرة الواحدة
---
بو محمد احنا عشان الخمس انحل المجلس وقامت الدنيا بساحة الإرادة والخرافي منع الجمهور من الدخول الحين انت على البراد تبي الدائرة الواحدة
الحكومة بالخمس تلعوزت وعطتنا بدل التصور تصورين والراي رايين ولما صيرناها خمس ولما الحين ما جربناها تبينا ندش بالدائرة الواحدة
بومحمد ترى ربعنا ممكن يفلون الانتخابات ويقطون السالفة براسك ويقولون المعارضة هي اللي طلبت واحنا نشاله نحتاج قرنين وثلاث ثواني عشان نعطيكم تصور جيد
لو كنت مطالب بإعادة نادي الإستقلال صدقني كان وايد أنفع
25 comments:
ههههه
حلوه الأحلام
خله يحلم يا عاجل .. الانسان حر بخياله :)
بس ناقصنا عبدالله النيباري
الكبر شين وينك يا حمدالجوعان الله يرحم ايامك
اشفيه قام يخوره النيباري !!
لم اطلع على التفاصيل ولكن هل الفكرة مرتبطة بنظام الدائرة بصوتين ام بنظام القوائم ؟
تفرق السالفة وايد
His request might be unreasonable at this particular time, but it makes sense if he’s frustrated with the current divisions, one look at the 5 divisions and you practically can read the type of voters in each one you could almost place every “da2era” and match it to religious backgrounds, tribal relation or even financial status… regardless his request came waaaaay to late and totaly at the wrong time
كلش مو وقتك ولا صوبك الحين
مو وقته
النيباري قاعد يسخن بالوقت الضايع
ما صدقنا خمس
يبى واحده الحين
يقولون التدرج زين
الدائره الواحده تعني ان ولا واحد من ربع النيباري راح يوصل
فهل اقدر افسر تعليقه انه يوم فلس من الانتخابات وبظل الخلافات اللي قايمه بينهم قال يبا علي وعلى اعدائي؟
الله اعلم
Q8i Blogger
كل المعجزات الكبيرة بدأت بحلم
bass
شفيكم على بومحمد؟؟؟؟
الريال اعتزل كما طلب منه
EXzombie
هو مطلب قديم لكن التوقيت والطريقة
كلش مو موفق فيها
مُحَسّدْ
سؤال مهم
حمد
نعم تفرق
هو قطها هكذا والتفاصيل في الصحف
CiViL_ENG
المشكلة
محصورة في التوقيت والطريقة
اصلا الموضوع مو سهل والمفروض البرلمان يناقش الموضوع
---
شلون نقبل بالدائرة الواحدة عن طريق مرسوم ضرورة يعني هم بدون برلمان
ونرفض ال الخمس وعشرين الي مرت بمرسوم ايام الحل؟؟؟؟
بوتشخيص
كلش
كلش
kila ma6goog
نعم
صحيح
mtfa2el
يسخن حق شنو؟؟؟
ما كو شيء
forzaq8
اصلاح دفاشة
العرزاله
مو مهم النتيجة
لكن على الاقل كنا نبي نعرف الآلية
والمشاكل طول عمرها موجودة
ما غلط الريال
أنا كان ودي أستفسر من الأخ عاجل و هذي صارت خوش مناسبة مشكور بو محمد، سؤالي لعاجل:
ليش قانون الدوائر عطى الناخب أربع أصوات؟ إشمعنا ٤؟ و هل هذا التحديد بأربع أصوات فقط كان من مطالب ربعنا على وقت نبيها خمسة أم صار كإضافة من الحكومة لما تقدم القانون؟
سبب سؤالي هو إن مع هذي الطريقة بالتصويت شكلها النتايج معروفة من قبل الإنتخابات.
أفدنا أفادك الله مستر عاجل، خاصة إني أشوفك هالأيام سرك باتع ولا حسد.
A.H
سري باتع لو توقعت وضربت معاي
---
الحكومة قدمت تصورين
والنواب اختاروا واحد منهم هذي قصة الخمس وعدد الاصوات
Post a Comment