قوية : هذا المانشيت لم ينشر في الطليعة أو الدار او النهار بل في الرؤية السلفية وياترى من غير الحية اللي يغير جلده؟؟؟---
تحديث : وزير الإعلام نفى الأسبوع الماضي وجود أي وثيقة تهدف للتضييق على الحريات الصحفية اليوم نشرت القبس هذا الموضوع فما سيكون رد الوزير السايلنت
---
مدرسة الدفاشة : بالأسبوع الماضي طلب سعدون حماد من الخرافي السماح له بأداء القسم الدستوري على اعتبار أنه أصبح نائبا ، طبعا الخرافي قاله استريح لما يأتيني تبليغ رسمي من المحكمة الدستورية يقول انك صرت نائب ، وحتى لو جاء التبيلغ
المجلس الحين في عطلة برلمانية
وسلملي على الخبرة المتراكمة
43 comments:
الاغلبية الموجودين بمجلس الامة من اسوء عناصر الفساد والافساد التشريعي
والمصارع بطريج
اكملت
ما اعتقد هذة المعلومة صحيحة
لان سعدون الطفل المدلل للخرافي
واذا الخرافي يقدر على شي ماراح يخلية
والمواقف في المجلس الماضي كثيرة
عندى حكومي يدش المجلس ولا دستورية وسلف
هذي نكتة ولا صج !!!؟
Mok
مصيره معلق بيد القاضي
كش ملك
لا صحيحة اطمنك
والخرافي حتى لو كان حماد ولده
ما راح يبطل له المجلس ويقوله يلا اقسم
والقدرة لها حدود
Bad-Ran
مع الاسف صج
حسب المصادر القريبه ان رئيس اللجنة الاصليه اخطأ بعدم احتساب نتائج احد اللجان و ذلك بسس الضغط علي القضاء بانهاء تلك المشكلة و عدم اعتماد شخصين لكل لجنه احدهم للانتخاب و الاخر للفرز
المحكمة الدستوريه امام قرار احلاهم مر اذا اقرت بنتائج الداخلية اقرت بخطأ القضاء و اذا لم تأخذ فيه اصبح القضاء السفيه التي تحمل كل أخطاء الاخرين و تكون حمال الاسيه
الاقرب براي انتداب عدد من القضاة و الوكلاء النيابه الذين لم يشرفوا علي الدائرة الخامسه لفرز الاصوات من جديد
و الامر كذلك بالرابعه
اما بالثالثه و الثانية و الاولى لا يوجد خلاف يذكر بالناجحين سوى الارقام و هذة قضية اخف وطأه
اما سعدون حماد انا لو كنت منه امداوم بالمجلس انحج بالانتخابات و ما اصير نائب مصيبه و بعدين المقارنه سهلة سعدون حماد او عبدالله مهدي ؟؟ظ
عسكر و لا وعلان
طلاقها و اخذ اختها قال الله يلعن الثنتين
سؤال
اذا كان في تصويت ويفرق فيه عدد الناس الي بتدش يعني مثل تصويت نائب الرئيس لو اليدد يصوتون حق علي الراشد مثلا جان فرقت النتيجه
شنو بيصير بالضبط ؟
---------
وثاني شي اللط على الداخليه ولا العدل ؟
ما اخس من الطالب الا المطلوب منه
المجلس كل ما له ويصير احلى
المشكلة انه عضو سابق
تصدق وصلنا مرحلة اعتقد انها سفاهه
شلون هالحمادي هذا يطلب انه يؤدي القسم وليلحين الحكم ماطلع والابلى والأمر ان رئيسنا التوافقي رد عليه ؟!!!!!!
ليش سعدون مستذبح على المجلس.....؟؟؟؟
الله يهداه السيد الرئيس ليش ما خلاه يقسم....ماااا يشوف الكويت كلها واقفه متعطل العمل فيها ما كو شيئ يمشي
وهو كل هذا يبى يخدم ناخبينه.....صج انه نائب مجتهد.....ويابخت ناخبينه فيه
بوحماد داش بشراع و مجداف
ههههههههههههههههههههههههه
q8ity
لا انا اختلف وياك
حماد يونس وسوالفه طماشه
حمودي
السؤال الأول ما عندي جواب حاسم
اما الثاني فالبركة في المحكمة الدستورية
كويــتي لايــعه كبــده
علشان تقزر عليه اكثر
kuwaitawy
وينسى وايد
q8yeen
لازم يرد شسوي ابتلش
حده مستعيل
ع البي ام
وعلية من القهر
:P
يامعود هذا مينون وانشالله ماينجح
بالأول طق مدير العلاج بالخارج
والثانية حط يهال بديوانيته عشان مايشيلونها والثالثة انا متهاوش وياه بالجنسية ، انا رايح استلم الجواز و واقف بالدور وعقب ماوصل الدور دش علي عرض الحبيب ويبي يكلم الظف وحياتك خليته فرجة للموجودين
انشاءالله سقوط سقوط
سعدون راح
سعدون جاء
سعدون عليه العوض
يعني لو سعدون دخل بيصير مجلسنا مثل مجلس اللوردات البريطاني؟
كله زي بعضه
انت شخبارك؟؟
مو أهو مستعيل على الدوس على رأس الحكومة...والا نسيتو كلمته انه الحكومة تماشي الي يدوس على راسها....
انا سميته العضو حمدون تخطط براحات وهدة
الله المستعان خله يدش عشان يكمل المشهد الكومدي ونشوف الي وصلتوهم يغتالون الديمقراطيه ويطبقون سياسة والله لبط راسك....
فريج سعود
هواية
هواية حده مستعجل
حياتي هدف مو عبث
اكيد من القهر
ولا هالخير من وين ياله الا من المجلس
بنت الشامية
مجتهد لدرجة انه مستعد للضرب والكفح
حسام بن ضرار
داش بطراق وبوكسات
kuwaitforus
اهو مقزرها
بعدين الموضوع متروك للقضاء الجميل
White Wings
حماد راح
حماد جه
الله خذ
الله جاب
الله عليه العوض
..... الفنطـــاس
ايه ايه
ياريت
ملعون يبي يلحّق عالعلاج في الخارج قبل رمضان
kila ma6goog
يلحق
يمدي
ما ادري جني اشم
انه ماراح يشوف كرسي المجلس
القضاء بشوت الداخليه فنقر
مجرد
احسسسسسسسسسسساس
وحماد الوحيد الي الناس مستانسه عليه لانه خلقه لايرقى الي المجلس
فمالله
اجار الدين كشمش
احيانا الابقاء على الوضع بهدف حفظ الصورة متماسكة افضل من تركها عائمة على بحر من الشكوك
يمكن الموضوع كله يتفشكل
عادي
وهالمرة بيطلع وينفي
الويه مغسول بماي بو....ل
عزكم الله
فتى الجبل
ما اظن ينفي لانه الحين مقتنع انه نائب منع من اداء القسم وتعال فهم
انت شوف منو اللي بيطيح ومنو بيصعد .. كل واحد اردى من الثاني.
خلها على الله
As YoU LiKE
لالا العفو
انا حماد ما ابدله بنائب ثاني
هذا تحفة
والله حتى لو مجلس الامه يتغيرون نوابه 100 %
يتروالي بتظل الديره ترجع لورا
وبعدين لو فرضنا ان في نائب واحد بس اصلاحي
مايقدر يتكلم
ولا صوته رايح
انا فقدت الثقه بكل النواب
وماكو شي اسمه نائب اصلاحي
اشوه اني ماقيدت
ولا بفكر اقيد
كل يوم عن يوم خبر يضيق الخلق
والمشكله محد تكلم عدل
بس باجر الكل بيمل وبيسوي اللي هالحكومه تبيه يسويه لان ببساطه ماله خلق يحافظ على ديرته
اف احترقت اعصابي
Sn3a
سلامة اعصابك
واضح ان هالسنة ماكو سفرة حلوة
لاتحاتي اول 8 انا مسافره اييبلكم هوا بارد
Post a Comment