---
خبر خاص : مصدر موثوق أبلغنا أن شهادة الدكتوراة الفخرية التي حصل عليها الوكيل المساعد للشؤون المحلية في ديوان سمو رئيس مجلس الوزراء نايف الركيبي من الجامعة الامريكية بفرنسا ، ستكلف ديوان سمو الرئيس ربع مليون يورو تحت بند دعم اقامة مؤتمر شبابي عالمي ستقيمه الجامعة الامريكيةوكان أحد الطلبة الكويتيين من قسم العلوم السياسية في الجامعة المذكورة قد توصل للطالب الكشخة وعرض عليه هذه الفكرة وقام الأخير بتوصيلها للمتميز في الاتصالات وحل النزاعات بعد أن رتب الامور مع القسم
وقد أكد المصدر أن خبر دعم المؤتمر الشبابي سينشر في وقت لاحق سواء في صحافتنا أو في الصحافة الفرنسية
ومنا الى من يهمه الأمر من النواب وديوان المحاسبة
26 comments:
ياخذها من مصر أرخص !
:P
ناصر المحمد نايم والا راضي !؟!؟!؟
الناس ميته قهر وغلاء اسعار ومعاملات ما تمشي الا اذا انت ولد فلان والا مقلقس حق فلنتان او ذال نفسك حق اللي ما يسوى! البلد بكبره واقف وهالأشكال طايحتله ليل نهار تنهش من الديره! وبموافقة من المسؤولين !؟!؟!؟!؟!؟!؟
اعضاء مجلس الأمة اللي انت تناديهم هم نفسهم اللي صوتوا للخرافي - عفوا صاحب السمو الخرافي؟؟؟
الخراب أكل البلد واللي ما اخترب المجتمع يشوفه غبي وساذج
الناس بشوت وبيوت وحنا محترقين على البلد
السلطة تبيها بهالطريقة والرسالة واصله لأغلب الكويت بس حنا اللي رافضينها... واللي قبلها هذا هو اليوم مناصب واموال واشغاله ماشية!!!
يا بلد اصحى
ما بقى فيك كثر اللي راح
حسبي الله ونعم الوكيل في اللي كان السبب
سيادة الرئيس نقطة نظام للرد على العضوين
ولد العمة
و
كويتي لا يعه كبده
يوبا لا هو نايم و لا شي
لزوم الديكور طال عمرك
يعني الوكلاء اللي عنده و مدير مكتبه كشخه
ديكوريشين
تدري اشلون اللحين نوصل الخبر حق واحد يحبه بس عساه بالكويت
وايد حرام
بهالفلوس نروح مصر ونيبها رسمية مو فخرية بالعلوم السياسية بعد من جامعة المنوفية
بس جو فرنسا احلا من مصر
مصر حق الفقاره الي ملنا :)))
لنا الله
وانشاءالله اشوفك دكتور انتا بعد يا عاجل
اوووبس توارد خواطر ويا بلوق عمتي
انا اسف ولا تقول اني بايقها بس الصيف الفقير ما يفكر غير بمصر
وكل شنة وانتا طيب
اتمنى توصل رسالتك الى النواب وديوان المحاسبة
تحياتي لك
ياعاجل اذا البورت يجنن والجكر تحت الصفر اشحقه
تغث نفسك باخبار هالارنب
مع ضروسه
انت ما تتذكر فلم لبناني قديم حق سميره توفيق
اسسسسسسسمه بدويه في باريس
بس
عليك الباجي
فمالله
مال عمك ما يهمك
ربع مليون بس ما عنده سالفه لو انا اربع شهادات دفعه وحده عشان يقولون عني مليونير بشهاداته
انا مع بلوق عمتي :×
اوله
ربع مليون ؟
طبعاً ناصر المحمد مايدري عن الوضع .. واذا فاحت الريحة .. حولها للديوان !
انا اول مرة اشوف طالب يتوسط حق وكيل
عشنا وشفنا
كثرت شراء الشهادات فى هالديرة
على الكويتى الواعى الحين ، أن يبحث عن موضة أخرى غير شراء الشهادات
يعنى وبصراحة لو فيكم خير سو شى من غير دفع مسبق !!
تدري عاد..ولا حركتوا طرطوق إذنه
خلوا العيال يستانسون ليش تحبون الحسد اللهم يا كافي حسوديييين
^^ هذا الرد المتوقع من الوزارة على أي واحد يسأل عن هالمخالفة الجسيمة !!
حرام تستغل حرية الصحافة باإفتراء على الأخرين من دون أدلة...إحنا مايهمنا الركيبي أو غيرة ياخذ الدكتوراه الى ينحسب مفخرة للكويت وأهلها... مايجوز إتهام جامعات عريقة مثل الجامعة الأمريكية في باريس، جامعة محترمة بشبهات مالية من دون أدلة !! عيب عليكم ترا سمعة الناس ماهيه لعبه! أنا واحد أدرس إب هاذي الجامعة و مستغرب من تلك الإتهامات و بصراحة لو طلبة إقدرو يمنحون شهادة جان إمنحوها لنفسهم... و بعدين ياجماعة لو صج إقدرو، جان زين لو يغيرون إسم برج إيفل إلى برج التحرير، أو قوس النصر في الشانزيليزيه إلى بوابة الجهرء، أو إسم الجامعة الأمريكية إلى جامعة صباح الأول!!! والله عيب على هلكلام الفاضي و كافي حسد و إفتراء وتربط عصاعص، تحت مسمى "مصدر موثوق" الناس صارت إتخربط وايد هل أيام ..
أول شي خمسة وخميسة
وعين الحسود فيها عود
وعسى الله يزيد التعليقات الماضي منها والآت
:)
يا حسرة على سنوات التعب والدراسة
أثاري الموضوع ما يبيله الا ربع مليون يورو؟؟
بخصوص تغطية ندوة الأدباء، ازالت هناك نظرة تقليدية "للمحاضر" وانا ما أحب أحاضر، من هنا الاختلاف
صارت بينا محادثة تلفونية على العموم، احنا ربع الحين
:)
هالفقمة صار دكتور .. الله يا الدنيا
يا حبذا لو تذكر دليل قاطع
مصدر موثوق مايوكل عيش.. ربعنا مو تكانة بسرعه يقلبون حجيهم..
قالها ليل الين
خاكو سرت
العزيز عاجل
ليس لي سوى تكرار تعليق كتبته في الحلم الجميل حين نبهني أحد الزملاء على الخبر
الركيبي على المدح المكتوب بالجريدة بس ناقصة جائزة نوبل للفيزياء و جائزة مهرجان كان السينمائي
:)
بس مو ملاحظ الربع علاقاتهم وايد متطورة مع فرنسا؟
(*_O)
تحياتي
لا حول ولا قوة إلا بالله العلي العظيم
الدكتوراه صارت حالها حال قوطي الفول من كثرة هاللي خذوها بالقوتره
شكلك بأسبانيا ؟
شوف التهاني و التبريكات بالدكتوراه الفخريه
http://www.nationalkuwait.com/vb/showthread.php?t=33269
إنجاز عظيم و الله
يبا فرنسا اكشخ من مصر و خلوه بالمرة يستانس على جم كلمة فرنسية بالشهادة
حتى فرنساااااا ... !
اذا وصل الخبر للنواب بيسوون مثله
Post a Comment