Tuesday, April 28, 2009

تدخل سمج وشعرانتخابي

يا أطفال يا ناخبين يا حلوين أشربوا الحليب ونامو مبكر قبل الساعة 11 واذا ما نمتوا راح تييكم وزارة الداخلية وتاخذ كل واحد فيكم على فراشه وتلحفه وتقوله قصة
---
دام ان ولادة طايحتله شعر من دهر ودام ان الكثير من المدونات هم طايحين له شعر
---
قررت ان اخوره اليوم
اذا المرشح لا يرعاك الا تكلفا .. فأتفل عليه ولا تكثر عليه التأسفا
ففي المرشحين أنواع وفي الطناش راحة .. وفي القلب صبر للهريس ولو جفا
---
سؤال : لماذا لا توجه الأسئلة للراشد اليوم مباشرة وعلى الهوا؟؟؟
---

حق اللي ما يبي يروح الافتتاح منقول على الهواء في قناة سكوب

عرفتوا ليش الفضلي هو العريف؟؟

59 comments:

enter-q8 said...

اقول ليش ما جاب عبدالله السلمان بعد
للأسف و الله للأسف

kuwaitawy said...

انا قريت الاعلان وانصدمت

عاجـل said...

Enter-Q8

ياريال لا تنسى ان الصليبيخات ضمن الدائرة الثانية

عاجـل said...

kuwaitawy

في شنو بالتحديد؟؟؟

في أحمد الفضلي
لان الراشد حسب معلوماتي متابع جيد لما يكتب في المدونات

DGmaT_SharaF said...

التركيز بينحصر في حديث الراشد نفسه والفضلي تكملة عدد ان جاز التعبير.. بعدين معذور اغلب الاعلاميين محجوزين مثل البوفيهات وهذا اللي صفاله
بس مايمنع انه الفضلي زين ويطرح اسئلة في الصميم وكلنا نبي نعرف اجاباتها

nanonano said...

يعني من صجه علي الراشد؟؟؟

بروح أتطمّش عليه مع أحمد الفضلي؟؟؟؟؟؟

ليش؟؟؟؟؟؟؟؟؟؟؟

Hamad Alderbas said...

ما بقى الا قرار من وزارة التربية يقضي بأن يلتزم حضور الندوات بالزي المدرسي (:

فهد الميع ماراح يشارك بالندوة ؟

KQ8 said...

الراشد اسهمه مرتفعه بسكوب

يحقله اييب احمد عداي فضلي

تجسيد التلاحم بين بين الشعبين الكويتي والعراقي

إنريدن ونسا

عاجـل said...

DGmaT_SharaF

هو عموما العين عليه
وكثيرين يدورون عليه الزلة

واليوم ماسكين عليه
عريف الندوة

Eng_Q8 said...

صح لسانك

وتعيش سكوب

اللهم لا اعتراض

عاجـل said...

nanonano

من صجه والآن يقول انه من صجة

السؤال منو ممكن ييب بداله

عاجـل said...

حـمد

انت تضحك

صدقني لو نعطيهم ويه راح يسوون الهوايل

عاجـل said...

KQ8

نريد هوسه

عاجـل said...

Eng_Q8

سكوب صوت الشعب التمام

الشق عود said...

الحين هديتوا كل شي ومسكتو على منو اللي بيدير الندوة !!؟

الظاهر وايد يدورون الشاره على الراشدّ !!؟

تسلم ياعاجل على الأعلان وراح نكون اول الحاضرين
يستاهل بوفيصل

MOODMAANI said...

اللي اعرفه انه الندوة راح ينقلونها عالهوا مباشرة على سكوب ضمن خدمة اعلاميه مدفوعه

خطوة ذكية من الراشد , يمكن نختلف مع سكوب بس محد ينكر انها اكثر قناة اعلامية منتشره داخل البيوت

بالتوفيق لبوفيصل , رجل ذو اخلاق عاليه في زمن انقرضت فيه الاخلاق

عاجـل said...

الشق عود

بصراحة هذه السنة انا مالي خلق
صكات
ليس خوفا وانت تعرفني ولكني حتى لا اساهم في تعميق الجراح المفتوحة أصلا

يبا اختاروا اللي تبونه
انا مالي شغل
وموقفي معلن في قائمة الدعم

عاجـل said...

MOODMAANI

والله معلومة ممتازة وراح اضيفها للبوست

lawyer said...

كلا بصووووووووووب و كراكوتا بصوووووووووووب


هههههههههههههههههههههههه


الله لا يطحنا بلسااااااانك


بسسسسس التفله حدها يااااااازتلي



من وين يبتها؟

عاجـل said...

lawyer

من الواقع المر
من الامام الشافعي

Mohammad Al-Yousifi said...

لا هذا و لا ذاك

اليوم خوش مباريات

:)
طبعا مادري منو لأني مو متابع الدوري الافرنجي

ولاّدة سابقاً ... رانيا السعد ...رانية المنيفي حسب الأوراق الرسمية said...

صح لسانك

اعقلها وأتفل

Snow White said...

ارضاء الناس غاية لا تدرك :)

Mok said...

الله يوفقه بو فهد

حنطفيس said...

الراشد يايب الفضلي ّ!!؟

نطالب بشطب الراشد من قائمة المرشحين وسحب جنسيته ونفيه الى جزيرة ساموي التايلندية

وجلد المصوتين له بساحة الصفاة

الله يستر عسى باجر عقب الندوه ما يطلع واحد كاتب بمدونته موضوع متكامل ينتقد فيه لون دشداشة بوفيصل

Q80 Blogger said...

نعيش ونشوف

كل شي صار هالولد !!!!

حتى سكوبي صار !!!!!!

ليلحينكم مقتنعين فيه !!

عاجـل said...

ma6goog

ما عرفنالك

وين بتروح؟؟
يا اخي اذا بتروح كباب الحجة قول
وقول بعد وين بتاكل
وهل بتاخذ حمص من شموع الافراح عشان تكمل

عاجـل said...

ولاّدة

صح بدنك

عقلتها
وفعلتها بذرابة حضر
من انتخابات 2003

عاجـل said...

Snow White

صحيح

والغريب ان التحولات حصلت خلا اقل من سنة
فالمحبوب مكروه
والمكروه محبوب

عاجـل said...

Mok

بو فيصل

عاجـل said...

حنطفيس

كل شيء وارد

عاجـل said...

Q80 Blogger

كالعادة هناك
فريقان


حتى فيما لا يفترض ان نختلف فيه
نحن في الكويت

nanonano said...

بس للتوضيح

طبعا يا عاجل مو حقّك

بس ترا أهيه مو ندوه

جلسة حوار مفتوح

يعني أحمد الفضلي يسأل..و علي الراشد يجاوب؟؟؟

هم

ليش؟؟؟؟؟؟؟؟؟؟؟؟

حنطفيس said...

نانو نانو
وليش لأ ؟؟

قناة اعلامية قابلت اغلب المرشحين الوطنيين
شالمانع انه يشارك فيها ؟؟
ثانيا هذي خدمة اعلامية مدفوعه لنقل الندوة وادارةالحوار يني موببلاش

وين المشكله ؟

مركبنا said...

اذا اعتذر الفضلي لا يضيق خلق الراشد

ترى بوخرشد ما يقصر
حبيب عبى قولته

عاجـل said...

nanonano

يمكن تغيير
في اسلوب التقديم
والخروج من رتابة طريقة العرض

يمكن

بس ما فهمت
شنو مو حقك

عاجـل said...

مركبنا

ما يصير هو متفق مع سكوب

والبديل
بداح
او بوعيدة

عاجـل said...

مركبنا

ما يصير هو متفق مع سكوب

والبديل
بداح
او بوعيدة

@alhaidar said...

عجيب البوست :))

خوش شعر .. واشوة إن تعليقي قبل 11 :)


علي الراشد بصراحة لحد الآن الوحيد اللي داخل بحسبة ال4 أصوات ملوتي .. مع كل احترامي لمرشحي الدائرة الثانية ..
أتمنى كل اللي عنده سؤال يروح اليوم ويسأله جدام العالم ..


تحياتي

joe said...

في تعاون بيناتهم وتعاون مسبق على الطرح

شلكم بسكوب
فلاش احسن !

kuwaitawy said...

اي يا عاجل


انصدمت من يوم شفت احمد الفضلي محاور للجنه

المقوع الشرقي said...

الفضلى محاور جيد بس لو اللة يفكه من اللقافة :)
سكوب قابلت تقريبا الكل
والفضلى قابل نص الكويت برنامجه
شالفرق بين داخل الاستديو وبرة
؟؟؟
مت من الضحك على سمج من وين طالعة:))))
شنو مؤنث سمج
؟؟

Don Juan said...

صج أكو خلاف بين د. حسن جوهر و أحمد السعدون و بسبب هالخلاف ما كان حاضر بندوة أمس ؟؟
أدري شي ماله علاقة بالبوست بس قلت ماكو إلا أسأل واحد عروقه بالماي مثلك :)

شكراً مسبقاً

enter-q8 said...

معليش عاجل تصحيح للمعلومة
سكوب و البيرق عارضين نقلها على الهوا سكوب قالت تبي تحط اللوجو مالها و هالكلام مع اللجنة الاعلامية فأكتفت اللجنة الاعلامية بان تحط صورة احمد عداي الفضلي بالبرشور مال الندوة
يعني علي الراشد و اسمه ينفرض عليه و هذا اهو ولد سكوب اللي صك على بوعيده من كثر ما يطلع فيها طبعا بالتنافس مع القلاف

كويــتي لايــعه كبــده said...

الساعة طافت ال11
يصير أعلق؟

مع تحية للداخلية المهتمة بتوافه الامور طبعا


مستوى الطرح بجلسة الحوار دووون المستوى اللي كنا متعودين عليه من الراشد

bofaisal said...

الندوة الإفتتاحية للمرشح عبدالرحمن العنجري

الأربعاء 29/4/2009 8:30 م

النزهة - ديوان العنجري - مقابل شارع دمشق

عنصر وطني said...

الوضع من أسوء الي أسوء
وعلى الوطنيين السلام

عاجـل said...

أحمد الحيدر

هم قالوا ندوات ام النت اسهر مثل ماتبي

بس ياخوفي يطفوا النت

او حتى الكهرباء

عاجـل said...

{~المباركية~}

انا افضل قناة العدالة

عاجـل said...

kuwaitawy

خل الصدمات للبلاوي
هذي ما فيها شيء

عادي

عاجـل said...

المقوع الشرقي

سكوب قابلت الصقر
قابلت امة محمد
ومحد زعل

عاجـل said...

Don Juan

هو الأكيد انه وافق على الحضور

بس في من قاله دير بالك هذه حفرة ممكن تتودر فيها بدائرتك
خاصة الشباب كانوا تقريبا مطرودين من التكتل الشعبي

فالرجل آثر السلامة
وقال بلاها ندوة

عاجـل said...

Enter-Q8

ودي اعرف شنو الكارثة اللي صارت

ووين ذيك الأيام اللي كانت الحملات الانتخابية حدها تتغطي بالصحافة
اليوم تلفزيون ويغطون لك مباشر

والله يبا زين

عاجـل said...

كويــتي لايــعه كبــده

يصير ونص

انا مو مسوي ندوة

عاجـل said...

bofaisal

أبشر

عاجـل said...

عنصر وطني

يعني نهاجر نيوزلنده

يقولون هناك خوش مراعي

enter-q8 said...

اليوم كلمت علي الراشد وجه لوجه و قلت له الراي المطروح و بمدونتك وقلت له راي
وقلت له لو نبي و قال نفس راي بعض الاخوة ان غيره طلع و هم لبعض مواقفه اللي البعض ماخذها عليه
قلت له بالحرف
ان علي الراشد لو ماكان غير هؤلاء لما واجه النقد هذايعني عادي سعدون حماد بس مو علي الراشد
للأمانة كان جدا متقبل للنقد و انت تعرف اخوك كــاش اتفقنا على نقاط و اختلفنا على نقاط و منها سكوب الله يديم النعمة لما قلت له يا بو فيصل قناة تدعي للانقلاب على الدستور فقال اهم يقولون انهم يبون يوصولون صوت البعض و ما عندهم خطوط حمراء فرديت عليه و قلت له يعني عادي يتم التعرض للذات الاميريه قال لأ طبعا قلت اجل انت قاضي و تعرف ان الترويج او المنادة بتعليق الدستور او حل مجلس الامة حل غير دستوي اهو تقويض الحكم
قال نعم و لكنها قناعتهم و قلت له المشكله اننا نساهم بانتشارها و عندي الوطن افضل من سكوب بالف مره
و كذلك على مقابلته للقلاف
اوقول مو كانه صار بوست

عاجـل said...

Enter-Q8

زين ما سويت
ووياريت تتبنى انت فكرة لقاء بين الراشد والمدونين خاصة اللي ما خذين موقف منه بعد ماكو معجبين فيه
طبعا انا ما اقصد مدونات شاركونا الفشل
لكن اقصد اصحاب الراي المستقل

والراشد مهما خاره ماراح يكون كثر خوارة ناس ثانية تحملناهم سنين
يعني ما يت عليه

enter-q8 said...

و الله انا اللي امون عليهم كلمتهم و قالولي خالد انقل انت الصورة و الكلام
لكن اللي اعرفه انه متابع جيد و قلت له يا بو فيصل لو انك مو نظيف كان محد اهتم