Wednesday, May 06, 2009

انتقل الى رحمة الله

للمرشحين في الإنتخابات اهتمامات خاصة جدا أعترف أني أكتشفت بعضها مؤخرا ومنها نشرة الوفيات
في السابق كنت أظن أن العزاء واجب مفيد انتخابيا للدخول والتعرف على ناخبين جدد
لكن أحد الأصدقاء صدمني عندما نبهني بأن نشرة الوفيات التي تصل عبر المسجات تشكل حسرة يومية لبعض المرشحين
لأنهم يرون أنهم خسروا أصواتا كانت مضمونة لهم
وهذه الحسرة زادت مع نيل المرأة حق التصويت
واليوم الأسود هو الذي تتجاوز فيه الخساير مرحومين أو ثلاثة
والله الدايم هو الدايم ولا دايم غير الله

29 comments:

حنطفيس said...

اذكر موقف صار بأنتخابات المجلس السابق
كنت مار عزا ودخل احد المرشحين قدم واجب العزاء وقعد يم عيال المرحوم , جان يقول بصوت عالي : ترى المرحوم وعدني بالصوت وهذا دين انتو ورثتوه !!!؟

الكل انصدم , جان يقوم ولد المرحوم وقاله انت قدمت واجب العزاء ويلللا قم عطنا مقفاك

عمركم شفتو قلة حيا اكثر من جذيه !!؟؟

ولاّدة سابقاً ... رانيا السعد ...رانية المنيفي حسب الأوراق الرسمية said...

أدخل على موقع مرزوق الغانم الإلكتروني وراح تشوف تقديم واجب العزاء للدائرة الثانية بالإسم في تيكر

آخر فنتق


سؤال: الناس قام يفرق معاهم الصوتين والثلاثة؟؟؟

Mohammad Al-Yousifi said...

أمس جمال العمر يترحم على المنيس

زمن

why me said...

شي غريب


!!

bo bader said...

بالتسعينات يوم كانت الانتخابات طبيعية كل أربع سنين ، كنا لي قعدنا بالليالي بالمقر نتذكر بو فلان اللي توفى العام وبو فلان اللي توفى قبله بكم شهر وكنا فعلا نترحم عليهم .

الحين تروالي ما تؤثر وايد مع الأعداد الحالية

Mok said...

ما ادري شقول

بس لفت نظري صورة اسيل على يمين مدونتك نورت:)

q8ity said...

اشوه انها دشت الائحه :)
ما بقت
انا نفسك بس عندي المليفي مكان السعدون

بنت الشاميه said...

لاحول ولا قوة الا بالله
المرشحين صاروا كل من يدور بدفاتره القديمه عن اسماء...مسحها وهو ناسي

ما دايم الا الله

enter-q8 said...

خط سير المرشح
المقبرة صباحاً للدفن و عزاء بالديوانية
المقبرة عصراً للدفن و عزاء بالديوانية
بين المغرب و العشاء المقر
بعد العشاء فراره على الدواوين
يعني اذا في اغتيال الواحد ما يتعب لا المجرم و لا امن الدولة

ديرة بطيخ said...

لا حول الاه
ماصار هذا صوت جذي ذالهم :)

ديرة بطيخ said...

عاجل جنه اكسرت خاطرك اسيل من بعد اليوتيوب وضفتها بقائمتك

مع ان الي اعرفه ان لا وجود للعاطفه عندك في هل امور

Unknown said...

يعطيك ألف ألف عافية يا "بالكويتي الفصيح "

أخيرا حطيت صورة حبيبتنا أسيل العوضي على يمين مدونتك

والله أنا كنت واثق أنك كنت راح اتحطها اتحطها, والأيام أثبتت أنك كويتي ولد كويتي و محب لبلدك

lawyer said...

لا حول ولا قووووووووه الا بالله !!


لي هالدررررررررررررجه !!!!

Eng_Q8 said...

الله يرحمه

عاجـل said...

حنطفيس

صج قليل أدب ودفش وما يعرف الذوق

عاجـل said...

ولاّدة

سوالف حضر ذربين

عاجـل said...

ma6goog

لأن المجال مفتوح ومحد سده

عاجـل said...

why me

جدا

عاجـل said...

bo bader

اللي قاعد أشوفه واسمعه غير

ويفشل

عاجـل said...

Mok

لا تقول شيء

هؤلاء هم الأفضل لدي في الثالثة

عاجـل said...

q8ity

اللي يسمعك كأن نجاحها واقف علي


يبا الناس شنو تبي هو اللي يصير

ما تعرف الكويتيين شلون يفكرون؟؟؟

عاجـل said...

بنت الشاميه

خصوصا اللي معلق على كم صوت

عاجـل said...

Enter-Q8

محد فيهم فكر يسكن بصليبيخات
ترى وايد أجدى

عاجـل said...

ديرة بطيخ

هذا انت قلتها لا وجود للعاطفة عندي

هي اختياري السياسي البحت
المنسجم مع خطي السياسي

وأي احداث جانبية
ماكانت لتؤثر
لو انقلبت الدنيا

عاجـل said...

Kaifani

يعني انا قبل كنت بدون
:)

الحين صارت محبة الكويت
تختصر في أسيل بس؟؟؟

يلا ماشي
صرنا وطنيين أخيرا

عاجـل said...

lawyer

وأكثر وأكثر

عاجـل said...

Eng_Q8

بعض المرشحين

يقولون

الله مو وقته

حد القلم said...

يعني انا اقدر حياديتك لكن هل من الحيادية افراد مرشحين بالدعم دون غيرهم .. ؟

لذلك اسمح لي اعلق على بعض مرشحينك و اعذرنا لجهلنا فيهم

مسلم البراك فايز فايز و ما يحتاج دعمك بس الي بيفرق الترتيب اذا طلع الاول بينحل المجلس غير دستوري لانه نائبة من نوائب الدهر و اذا اندقر و طلع تحت الخمسة بيخفف لقوه و بينحل المجلس دستوري بعد شهرين اما اذا خسر فراح يكمل مدته

بالنسبه حق اسيل فاعتقد لو انها اعترفت انها تعتبر روحها امرأة كويتية و اعتذرت حق بنات الكويت جان ما حطيتها بلستتك

اما د. رولا فانا احترمها و تستحق اصوت لها و اايدك لانها الوحيدة الي تستحق الصوت بلستتك و لانها انسانة متخصصة و نشاطها قوي بالجمعية الاقتصادية و فاهمة البلد وين ماشي و ما تتدخل بشي ما يخصها مثل المفتي اسيل

اما احمد السعدون فما اقول الا اما آن لهذا الفارس ان يترجل و كذلك للنيباري و كلنا يذكر موقفه من المديونيات الصعبة و محد تكلم عليه

اما د. العبد الجادر فما اذكر من انجازاته بالمجلس الا انه نجح بالدكتوراه و اخذ له شهادة من جامعة الزقازيق المصرية بعد ما فاز بالعضوية و لذلك نقول من اين لك هذا و مو بس جذي اقول له مخلي مشاكلنا و مشاغلنا و قاعد تدرس .. وينك من اهمومنا الا انت وين و الصوت وين

اما العنجري فهو شر خلف لخير سلف .. شتبي من واحد فشل بادارة تحالف وطني كويتي صغير و تبيه ينجح بادارة بلد كامل .. !

الوحيد الي يستحق الصوت علي الراشد لانه صوت اصلاحي و شاق دربه صح و عرف وين الطريج الي تؤكل منه الكتف

اما صالح الملا فالله يهديه و يهدينا و يبيله شهر تحطه بدار وحدة مع نبيل العوضي و تقفل عليهم

اما معصومة فماكولة و مذمومة و استقالتها اثناء توليها وزارة الصحة اهي الي مهدت للوضع الي نؤول له الحين بحيث اصبح ظهر رئيس الوزراء مكشوف اذا كل وزير يستجوب استقال حتى قبل مناقشة الاستجواب فما تستحق الا اني اصفر و اعطيها كرت احمر

و تكفى عبد الله الرومي شسوى حق البلد وجوده بالمجلس زي عدمه و يخلينا نخسر كرسي غيره اولى منه فيه غير استجواب علي الجراح ما سمعنا عنه شي

و الوسمي الله اعلم وجه جديد و يستحق التجربة بالنظر الى تجربة والده

هذي وجهة نظري و اطلب منك انك تبرر لي ليش اخترت كل واحد منهم .. ؟

ترد علي اهني و تفرد بوست كامل تبين فيه انجازات كل واحد منهم و ليش اخترته بعد اذنك

و اعذرنا على الفجاجة و الدفاشة

عاجـل said...

ابن زيدون

كان بودي صج أوضح لك
فأنا صدري يتسع لدفاشتك

لكن أول سطرين أفسدوا كل الكلام
تقول لي
---
اقدر حياديتك لكن هل من الحيادية افراد مرشحين بالدعم دون غيرهم .. ؟
---
انا كم صوت يحق لي اختار في ورقة الترشيح؟؟
الجواب 4
يعني طبيعي راح ادعم 4 أو اقل
انت مو تسوي شذي ولا بتقطها بيضا بعد؟؟؟
ولا انا ما يصير بعد؟؟؟
وقائمة الدعم اوضح بالبداية انها خيار عاجل لو كان موجودا في دائرة من الدوائر الخمس
وخاصة في الثالثة
دائرتي الحالية
وهي ملزمة لأحد ولا تمثل غير صاحب المدونة

اما التبرير
فوايد سهل
مرشح منسجم مع خطي السياسي
ومرشح ثاني أحسن الاسوأ

وسلامتك