Monday, May 18, 2009

حسمت ... للمرة السادسة

خبر عاجل : قضي الأمر صاحبنا عائد للمرة السادسة
---
غرقوا المنطقة بالطيب فأغرقتهم بالأصوات
---
السعدون والخرافي رفضا رئاسة السن وخالد السلطان قبلها

---

الغيرة سبايب
طبعا واضح المعني أن هناك تزوير في النتائج بهدف اسقاطها لأنها كانت على وشك الفوز


نعيما

57 comments:

Dakhtar Blue said...

LOL

أنا الحين ناطر مانشيتات الجرايد باجر
((قطار الإصلاح يتحرك)) ((طائرة الإصلاح تقلع بكابتنها ناصر)) ((باخرة الإصلاح تبحر بقبطانها الناصر)) عايشين بدوامة والله

مـغـاتيــــــــــــر said...

As expected!

bemunasabat al7deeth 3n ele9la7 >>
3ajel, i would love to know ur opinion in this suggestion >>

http://kashtah.blogspot.com/2009/05/blog-post_4995.html

somthing i wrote from my heart n would love to know what others think about it .. Thanks

حنطفيس said...

هذا الكلام الواقعي الخالي من الاحلام والتفلسف الزايد

مَـــــعْــــمَــــعَـــــه said...

للمرة السادسة وبكل جدارة

وجميع المؤشرات والدلائل والمعطيات خصوصا مخرجات الفرعيات تشير الى ذلك

أبو الدســتور said...

لا طبنا ولا غدى الشر

THE F NAME said...
This comment has been removed by the author.
THE F NAME said...

الخرافي ما ترشح إلا نزولا لرغبة جهات عليا تريد عودته لرئاسة المجلس

يبدو أن البلد تحتاج لحكمته
الديرة ما تسوى من دونه منو إلي بشرع لنا ويذود عن دستورنا ويدافع عن حريتنا ويرد على الوفد العراقي في البرلمان الدولي اسكت يا تراب
فعلا للحكمة رجالها

سوق المناخ said...

بعد السعدون اشكره قال أبيه ألف مرة .. يلا خلونا نشوف الاقطاعيين ، عفوا أقصد الأصلاحيين ، إشبسوون

ديرة بطيخ

As YoU LiKE said...

يمكن يعتذر

بس لو رجع اتمنى يختار الوزراء بعيداً عن المجاملات والمشاورات، اتوقع راح تكون جذي حكومته قوية، شرط اول واحد يشيله فيصل الحجي، تغيرت حكومات والأخ للحين قاعد.

bo bader said...

اللي كان يتوقع تغييره بناء على تسريبات سابقة لاسم جابر المبرك غلطان ,

السالفة كانت تهويشة علشان الكل يرضى بأفضل الموجودين نسبيا

وهذي الكويت صل على النبي !!

M said...

يا جماعة ..
اظاهر ماكو غير ناصر المحمد يرضى بالرئاسة !!

Blog 3amty said...

ماكو شي ينخش بهالديرة :)

كويــتي لايــعه كبــده said...

ما تغرف قديري الا لما تجرب غيري

ناصر المحمد الغير اصلاحي ولا حابر المبارك الانقلابي

طبعا هناك الافضل من الاثنين لكن خارج الحسبة الداخلية للاسرة

اتفق مع العزيز بوبدر ومو طايفة علينا لكن بالنهاية اذا بين هذا وهذا نبي الاهون

Jako said...
This comment has been removed by the author.
ma6goog said...

متوقع

Eng_Q8 said...

شي متوقع

بو حامد said...

نترقب المرسوم ، ولنا عوده

ولاّدة said...

انعدام الكوادر ظاهرة كويتية على كافة المستويات

أخالف من يصف الوضع بدوامة...الوصف في رأيي غسالة تلف يمين ويسار وتقلبنا فوق وتحت وتصب علينا ماي حار وتغرقنا صابون رخيص واتدهمكنا وبعدين تسبعنا بماي بارد وتعصرنا عصار
المشكلة ما نطلع نظاف..نطلع عيزانيين وتالفين العافية

بنت الشاميه said...

يقلون المرسوم زاهب من يومين

وكالة يقولون

Enter-Q8 said...

و سابعه
و ثامنه
و تاسعه
و عاشرة
يا سيدي انت بالكويت و عندنا بالكويت نظرية
ما في هالبلد الا هالولد

KQ8 said...

اذا بيرد مع طاقم بديل وجديد ومتفتح من الوزراء راح تضبط معاه واذا اذا بيرد على نفس الحرس القديم ما ابي اقل ماراح ينفع لكن بقول ان لازم انتعامل مع هذا الواقع

اجار الدين كشمش said...

لايصلح لمرحلة التغير

التي انشالله انها بدات
!!!!!!
ولكن ...ظروف اسريه نقدرها

ونحاول التكيف معها .لعله

وعسسسسى

فمالله

حنطفيس said...

من وين يبت الارقام التفصيليه مالت الدوحه وصليبيخات ؟

بـو حـظـيـن said...

نعيماً..

لوووووووووووووول قتلتني والله

Um il sa3af wil leef said...

والله رقم ..يابته شيخه الغانم :)
منافسه :)

انور عبدالله - القصر الأحمر said...

السلام عليكم

والله ما ادري شكله خالد السلطان حطها اعناد عشان سالفت الخمور

بس السعدون حسب ما قريت راح ارشح نفسه للرئاسة ولكنها رفضها ان تكون له بشكل عرفي او حسب ما اقولون الاكبر سن

المتفائل said...

اقول حق المرشحه السابقه
وراعية الدوانيه المختلطه
شيخه الغانم
انتي لو حاطه مناديب حالج حال باجي المرشحين جان ما قلتي هالكلام
آنا كنت مندوب احد المرشحين بالثالثه بمنطقة اليرموك
وكانت نسبة التصويت بالصندوقين للرجال ٧٠٪ تقريبا
الاصليه عدد الناخبين ٨٧٢ وصوت ٦٨٧
والفرعيه ٩٥٢ ناخب وصوت ٧٣٠
العيب مو بالانتخابات العيب بمناديبج اللي ما احظروا باللجان
الظاهر كانوا يتابعون الانتخابات من دوانية قرطبه

Q8i said...

ذبحتني ضحك بـ سالفة شيخه الغانم
لووول

\\\\\\\


عاجل شسالفة المسجات عن النائبات الاربعه

شرايك تحط بوست تيمع فيه كل المسجات :P

A.H said...

LOL
ما أدري شنو قصدك ب"نعيما" بس وايد ضحكت
ممكن تحط النتائج التفصيلية على الأقل في هالدائرة
أو إذا عيزان قوللي المصدر لو تكرمت

AuThoress said...

نعيــــماً ، فعلا
خصوصا كلما تذكرت مكالماتها/ دعواتها لـــي "شخصيا" لمحاولة الحضور لــ ديوانيتها البهية على الموبايل في اوقات مفجـــعة



يحليلها ونعيما

عاجــل said...

Dakhtar Blue

ما تطلع منها الا بالسفر

عاجــل said...

مـغـاتيــــــــــــر

تم قبول النداء

عاجــل said...

حنطفيس

والله وايدين ودهم يفيشون بالطوفة بسبب نوعية احلامهم

عاجــل said...

مَـــــعْــــمَــــعَـــــه

يا الله حيوه

عاجــل said...

أبو الدســتور

مبطي
مبطي

عاجــل said...

THE F NAME

رجل المرحلة الراحلة والحالية واللاحقة

عاجــل said...

سوق المناخ

لم يصرح للوطن التي لفقت له هذا التصريح

وهو بدون الإصلاحيين راجع راجع

عاجــل said...

As YoU LiKE

انسى

عاجــل said...

bo bader

نحو المزيد من الإخفاق
وهذه المرة العيب واضح من طرف الحكومة

عاجــل said...

M

لا بهذي غلطان

فيو ايد ودهم وبيموتون عليها بعد

عاجــل said...

Blog 3amty

في ناس عبالهم يقدرون يخشون شيء

عاجــل said...

كويــتي لايــعه كبــده

انت مثل اللي أكل أكلة ما عجبتها ونسى
وطلبها مرة ثانية وتذكر أول مرة بكل حسرة

عاجــل said...

ma6goog

مع ان الوضع كان غير لما انحل المجلس

عاجــل said...

Eng_Q8

الحياة تجارب

بس حقنا مو حق أحد ثاني

عاجــل said...

بو حامد

ترقب

عاجــل said...

ولاّدة

انا على العكس
أرى ان الخير وايد في كل مكان بس العين

ما تروح صوبهم

عاجــل said...

بنت الشاميه

انا حلمت فيه
مثل عادل امام

عاجــل said...

Enter-Q8

يا ليل
يا عين
يا ليل
يا عين

انا أقول ليل

عاجــل said...

KQ8

ما ابي اعرف الطاقم ولا التفاصيل

الموضوع منتهي من العنوان

عاجــل said...

اجار الدين كشمش

التكيف
قد يصلح مع مدير أو وكيل

لكن مع دولة
معنى التكيف هو نخفض من مستوى المجلس حتى يتماشى مع قدرات الحكومة

عاجــل said...

بـو حـظـيـن

فوق تحت بعد

عاجــل said...

Um il sa3af wil leef

من طيب المعشر واللسان الحو

عاجــل said...

انور عبدالله - القصر الأحمر

وعليكم السلام

عاجــل said...

المتفائل

يا عمي لا تتعب نفسك
هذي من ضمن اجواء الانتخابات تروح وتاتي معها

عاجــل said...

Q8i

لا يا عم ما ابي احطهم
خل غيري يسويها

عاجــل said...

A.H

قصدى شريف طبعا

والنتائج تلقاها بالجريدة أمس ص 4

عاجــل said...

AuThoress

زين انك مارحتي
شكلها تحب تتحكم في كل شيء