Tuesday, June 02, 2009

ديــــن آند ديلوكـــا

قمت بزيارة هذا السوق النمساوي في الآفنيوز يوم أفتتاحه وكررت زيارته له كلما كنت أتغدي في بوتشر
لقد أعجبتني فكرة التغيير في نوعية ما نستهلكه من أطعمة وأن كان هذا السوق غالي جدا
وهذا هو جوهر الموضوع الغلاء
ففي اعتقادي أن العالم مليء بالأسواق التي يمكننا الإستيراد منها بأسعار مناسبة
لتخفيف مصاريف الأسرة الكويتية

كاكاو نمساوي
مربى
والله محد مستانس على هالمحل غير الجالية النمساوية التي هي عبارة عن السفير وحرمه
أكيد أجار
عندهم مخبر جيد بس منو بيطق درب الآفنيوز حقه .. خلونا على الخبر اللبناني

35 comments:

Zaydoun said...

دين آند ديلوكا متجر أمريكي مو نمساوي الله يهداك... وبدايته كانت في نيويورك

:-)

enter-q8 said...

شسالفه

nanonano said...

المنائيــــــــــــش

ما صارت

ذكرتني

عاجـل said...

Zaydoun

ماهو موجود في الكويت افتتح من قبل الرئيس النمساوي عندما زار الكويت
وكل ما في المحل مكتوب بالنمساوي

لا يكون تشابه أسماء

عاجـل said...

Enter-Q8

اعلان تجاري مدفوع الثمن

خلاص يبا لازم الواحد يمشي حاله

عاجـل said...

nanonano

بدون سعرات صح؟؟؟

Mohammad Al-Yousifi said...

لا أعتقد انه سيربح

وايد غالي مقارنة بكارفور

Someday said...

هو يا حافظ
وييين داشه انا؟!؟!
شسالفه!
عاجل يوما بلووقك باقوووه!؟!؟
:PP

عاجـل said...

ma6goog

اللي فتحوه عمرهم ما خسروا

Someday said...

توني أقرا التعليق
الحين هذا و اهما دافعين لك طايح فيهم جذي؟؟!
الله العالم لو ماكو موني جان شبتكتب
:P

عاجـل said...

Someday

اطمئني داشه صح

بس هذا اعلان مدفوع اثمن وانا محتاج جم فلس قبل موسم السفر

عاجـل said...

Someday

ما أتوب

Anonymous said...

عاجل الله يهداك إنت شماكل من عندهم؟
الخبز عندك صار خبر

وتقول كل شي مكتوب بالنمساوي؟
ماكو لغة نمساوية!!!

عيال عمنا هناك يتكلمون الماني واللي إهي اللغة الرسمية في النمسا... لذا وجب التنويه :-P

Eng_Q8 said...

اشفيها الخدمه الليليه الله يذكرها بالخير

عاجـل said...

Dakhtar Blue

كليت قبقب كبير يخرع

وانا شلون بعرف أفرق كله احرف غريبة وفوقها نقط بعد

عاجـل said...

Eng_Q8

يا أخي بينها وبينها معزة من ايام رمضان

عاقد النونه said...

ما قط شريت منه شي...بس أكلت في المطعم مالهم...صراحة كان الأكل خطييييير....و وايد ناس إتكلم عن أسعاره العالية وأنه راح يخسر بس ما شاء الله كله المكان متروس أوادم و هات مشتراااا

عاجـل said...

عاقد النونه

أنسى يخسر لان الناس عندنا تحب تتحدى
وتتفشخر

lawyer said...

اهو جمعيه موجوده في امريكا


لكن سوا فيه اسبووع نمساوي


مره اسبوع التسوق الفرنسي

ومره اسبوع التسوق الالماني



وكل مره شي





مليت كل يوم اطق درب عشاان الجووووووووت ميلك و ماكووو

عاجـل said...

lawyer

ما كو توصيل منازل

أنا كويتي said...

بما أن رمضان ياي

عندهم حلوة عيش؟؟

المقوع الشرقي said...
This comment has been removed by the author.
ساره النومس said...

تجربة .... يمكن اي ويمكن لا :)

Q80 Blogger said...

احلى شي فيه قسم الفواكه
حده غريب

والموز البنفسجي صج غير طبيعي



وبعدين .. الغلاء عند بعض الناس ضروري
عشان يتشيحطون على بعض
وياحظهم التجار :)

Fahad Al Askr said...

أكثر شي أحبه فيه قسم الأجبان، تضرب لك من هالجبن وتلحقه بخبز منهم وتالي تمر على مال زيت الزيتون وشوية منكهات، وتطير الشاليه وعيش حياتك

أما يوميا فيكفي إن أسعاره أرخص من وايد مطاعم فوقه وحواليه، لا ومع منظر أحلى خاصة لا قعدت برة على الشارع الداخلي

حاطب ليل said...

انا كرهتهم
ماخلوني اذوق الكافيار

اجار الدين كشمش said...

هذا محل برجوازي امبريالي
انا لا ادخله
يثير طبقة البروريتاريه

اللي هي انتوا !!!1 اشحقه رايحين ؟
بس ادواره على الخبز والجبن والتطمش
كيلو الكافيار ب4000 دينار

وبالمباركيه ب 120 دينار بس غير علبته

فمالله

lawyer said...

اجااااااااااار الدين



والله محد البرجواااااااازي الا انت


ياعوينتي علينااااا

قرشه حليب بنص دينار

و جبيييييينه بدينارين




انت شموديييييك اتسعسع عند الكافياااااااااار



لا عرفنااااااه و سألنا عن سعررررررررررره




يمه منك بس

المقوع الشرقي said...

مرت قيادى كبير بالكويتيه سابق كانت مسندرتنا

ما اتريق الا من توست لندن يجينى فرش
....
الحين أرقاق وانقز
:)
اشوه فجوه
عشان تساوا الروس
:))

....عن أذنك عاجل
أجار

وين بالمباركيه عند الحواي
:)

Anonymous said...

غالي وايد؟؟؟

الدســتور said...

اليوم تغيير

joe said...

صحيح انه غالي بس في شغلات تسووه على سعرها

Um il sa3af wil leef said...

سوق المباركيه أحلا منه
كل شيء فيه
ويا زينه ..هذا علشان أحفظ إسمه يبيلي خمس أشهر

bo bader said...

سؤال ماله شغل بالموضوع :

أكيد انت تتكلم عن دين آند ديلوكا

وإلا البوست فيه رمزية وإسقاطات على حالتنا ؟

تحياتي

اجار الدين كشمش said...

lawyer said
هههههههههههه

والله انا قايل كلهم بسكتون ويطوفونها الا انتي ام قلبين واربع عيييون
هههههههههههه

المقوع الشرقي
الكفيار بالمباركيه مو عند الحواي
موجود عند الايرانين في سوق التمر اللي يبعون جبن واجار ..وحسبي الله على ديلوكا رفعوا السعر الي 350 دينار
بس حطي بالج ترا هالايام حر ويمكن مووو فرش

الاحسن اذا عندج احد رايح مطار دبي السعر ب 400 دينار وفرش

انشالله وافي الجوااااب

فمالله