Saturday, July 18, 2009

البحث عن فتنة جديدة

تحديث : الحمود لقناة العربية هناك مطالبات من بعض النواب الشيعة لتغيير نصوص في المناهج وشكلنا لجان لدراسة الامر
---
موضي الحمود : التربية بصدد تغيير بعض المناهج التي تمس معتقدات الشيعة
تعليق : يعني معترفين بوجود مس
---
الطبطبائي : لا يوجد في مناهجنا أي مساس بالشيعة ونحذر الوزيرة من العبث بالمناهج
تعليق : اللي بعده واللي يحب النبي يضرب
---
مستقبلا
تجمع ثوابت الشيعة ... لا أكو مس
تجمع ثوابت الامة ... لا حشا والحشا عن ألف يمين
---
هايف : تغيير المناهج خط أحمر

63 comments:

mantovani said...

يعني الموضوع كله

مسني و امســّك

مسمسني يا أمسمس

مانتوفاني

سيفوه said...

معلوماتي أن تصريح موضي غير دقيق كما نقلته مسجات الأخبار

عاجــل said...

mantovani


انا مع المس بالحلال

عاجــل said...

سيفوه

خل تنفي قبل لا الماكينة تشتغل

وتعال بعدين طفها

ChEMiCaL-ENG said...

العربية الساعة 7

اللقاء اليوم

مع الدكتورة

عاجــل said...

ChEMiCaL-ENG

يبيله

خصوصا بعد قرار السماح للمعلمين البدون بالتدريس في المدارس

كويــتي لايــعه كبــده said...

غباء حكومي

أم

افتعال مقصود!؟

عاجــل said...

يــتي لايــعه كبــده

ارجح الاولى

واتمنى ان يكون الكلام مو مضبوط

بس المشكلة ان تعليق الطبطبائي راح يتم موجود

Um il sa3af wil leef said...

ليش ما يخلون الماده إختياريه ؟

عاجــل said...

Um il sa3af wil leef

او بدون درجات

يعني يا

باس يا نو باس

moodless said...

الهدف راس موضي مو المناهج..كانوا معترضين عليها من البداية وراح يدورون الزلة.. اعضاء نص كم


تصريح الطبطبائي كأنه يقول
مناهجنا صحيحة،، الشيعة هم الغلط
مناهجنا ما تتغير.. الشيعة هم يتغيرون


حسيت اثنين مسكرين الشارع لا هذا راضي يرجع شوي ولا هذا راضي يرجع..مكابر والناس ناطره

عاجــل said...

moodless

الفتن

لا نريدها
ولا نريد من يثيرها

كافي تفلش

بروفسور حمادو said...

سؤال يا سيدنا الشيخ

مس بالسين ولا بالصاد؟

عاجــل said...

بروفسور حمادو


بالسين يا أليل الأدب

بانوراما said...

على جذي يبي لهم شيخ

علشان يطلع منهم الجن ..

عاجــل said...

بانوراما

ما ينفع معاهم


الا التخزيم والجلوس في منازلهم

المقوع الشرقي said...

وليين
لك خلق بهالاهوب
الشتويين
المهري
وهايف والطبطبائي
!!
مير النجرة مع ربعنا أرحم
:)

عاجــل said...

المقوع الشرقي

انا قلت لما اسافر راح اطخ

اشوف الجو البارد عندي صحاني زيادة

بعدين انا متى قطعت
صج ودي اكتب شوية مواضيع غير مؤجلة
بس ماني لاقي قصة حلوة

عندي بوست قريب اعتقد راح يكون غير

ma6goog said...

انا اقول يشيلون مادة الاسلامية بكبرها و يفكونا من ثوابتهم و معتقداتهم لابو اللي علمهم الدين و ابتلش فيهم

ezain_kilah said...

زين وما حددوا وين المساس بالضبط؟
إنزين اي مادة؟ تاريخ ولا تربية إسلامية؟

عاجــل said...

ma6goog

تبي تعميها اكثر؟؟؟

عاجــل said...

ezain_kilah

واللي يرحم والديك

ترى الغشم وايد ولو لقوا شيء راح يستخفون
لانهم ما يقرون بالأصل و يكرهون على السمع

بعد هالمرة يقرون
ما راح نخلص

المقوع الشرقي said...

هنيئا
البراد والخضرة والوجه الحسن
واحنا زموته
اللاهوب والغبار والويوه الودره(شوفت عينك)
رحماك من هذا العذاب
بانتظار غير
يبرد علينا
:)

عاجــل said...

المقوع الشرقي

عقبالك

مركبنا said...

ما يحر الا قرار ان صح يكون طامه

انها اجلت ايقاف الاعتراف بالجامعات المشؤومه اياها !

تفاديا للصدام !


وفتحت باب فتنه الله يعينا على الي جاي !


!

بـو حـظـيـن said...

قال رسول الله -صلى الله عليه وسلم- :

(ما ضل قوم بعد هدى كانوا عليه إلا أوتوا الجدل)

bo bader said...

مو الاستجواب اللي فات كان تخصص حضر وبدو

هالمرة الدور على السنة والشيعة وانت ماشي

سنتين على هالمعدل والواحد فينا ما راح يحاجي حتى أبوه واخوانه

مستحيل يكون كل هذا غباء وثوارة !

أبو الدســتور said...

والله يدورون المشاكل


حسبي الله عليج ياموضي

مناهجنا درسناها و درسوها عيالنا
ماشفنا فيها شي
ليش الفتن
ليش

Blog 3amty said...

مقيولة : الليي يمسك مسه

Eng_Q8 said...

واضحة

يبون يلةونا بتوافة الامور

شيعة وسنة .. انزور القبر والا لأ .. خليجي 16 ... العفاسي علشان مسلم

اقولةم

المال العاااااااام وماراح ننسى المال العام لذا خلةم يوفرون التعب على روحةم

حاطب ليل said...

متى يتقاعدون ويفكونا
بلا هالمكيافيليه اللي غثونا فيها
"علبني"
يلعبون سياسه
سياستهم سامجه بارده

Fantasy360 said...

سؤال: ما هي الثوابت والمعتقدات والعادات والتقاليد؟

جواب: هي قيود غبية يفرضها الأموات على الأحياء

مثل ما يبنا توني بلير يدرس الوضع بالكويت..
لي ما ننتدب سلمان رشدي ويدرس هل كيف في مس ولا مافي مس

عاجل.. مو قلت لك من الأول أخذ كاس الفودكا مني .. بس ما رضيت

Um il sa3af wil leef said...

أوافقك الرأي بدون درجات احسن

صوت الكويت said...

يا جماعة السالفه كلها إن بعض النواب الشيعة التي لها مرجعية بالخارج تريد أن تضيف منهج التربية الإسلاميه حسب المذهب الجعفري كأحد المواد التي تدرس بالمدارس

Enter-Q8 said...

انزين في مس بالمسيحيين
خلنا نلغي التربية الاسلامية
و الا اشرايكم البديل يكون اشعار متنبي الكويت
دعيج الخليفة

عاجــل said...

مركبنا

والجماعة أصلا يبونها

الحين اللسان الحلو والوعود الكلك ما تنفع

عاجــل said...

بـو حـظـيـن

الجدل فينا خلقه

عاجــل said...

bo bader

وهالعالم الهفأ مسرع ما تركض ورا كل طائفي بغيض

عاجــل said...

أبو الدســتور

تسلي صيفنا

المصيبة انها ما نفت او عدلت تصريحها

عاجــل said...

Blog 3amty

محد مسني

عاجــل said...

Eng_Q8

الحريات والمال العام معا

عاجــل said...

حاطب ليل

هم يلعبون

والجهلة في الدوامات يتخانقون

عاجــل said...

Fantasy360

اول شيء الفودكا قوي علي وانا نعوم

ثانيا ما ابي اتعود على شيء مو متوفر

ولا ابي اقعد اهيل من طيارة لطايرة شني مضيف

اخيرا الفودكا تبي بيئة
الكويت ما هي بيئة كلش

عاجــل said...

صوت الكويت

يا عيني

عاجــل said...

Enter-Q8

ما يكفي

نبي محمد بن راشد

خلف بن هذال

ومتنبي الكويت

Sn3a said...

بيه وين الفتنه
بيشوفون اذا المناهج تتعدل ولا لا
ووقتها قولو فتنه

اخاف بس بتتعدل;p
مسكينه ماقالت الوزيره شي غلط

q8ity said...

الديرة ما اتعرف تركد يومييين

عنيف said...

نهايتنا ما راح نغير شي بالمناهج وهذا كله فتنه بفتنه عشان يغطون مفاتن الحكومه وننفتن بالفتائن المعروضه ونتفنن بتحليلها المتفنن ولا شرايك اخوي عاجل؟؟؟

فريج سعود said...

مس النائبات يبطل الوضوء

Coffee said...

لوول الردود ضحكتني
والله يعينا على المداحر
خلكم بدون مثلي أحسن أقصد بدون مذهب يعني
والا الرسول صلى الله عليه وسلم شنو كان مذهبه؟
ههه خنمشي أحسن
وتسلم على البوست

Coffee said...

عاجل الله لا يهينك
ياليت البوست الياي يكون عن الدينار اللي بيعدمونه! والله محتره على عملتنا ونبي احتجاج يبرد الجبد

ابو عبدالملك said...

ياحجي ياصاحب المدونه
ترى هذي عقيده تعرف يعني شنو عقيده يعني اي غلط فيها انت غير مسلم تعرف يعني شنو غير مسلم يعني خالد مخلد بالنار
اي نعم انا ضد تغيير المناهج
كيف نغيير منهج علشان ناس راهنين عقولهم لاناس يعتقدون انهم معصومين
والله ليش معصومين لانهم من ال بيت صلوات على محمد ياسبحان الله
يعني وليد الطبطبائي معصوم دام معصوم ليش لما طرد الفالي قمتوا تسفلون بالنعصوم وتقولون انه اخطاء
لانه سني الله هو في ايه

عاجــل said...

Sn3a

وين الفتنة؟؟؟

سلامات خير

عاجــل said...

q8ity

مو هذا اللي نقوله

عاجــل said...

عنيف

صحيح
صحيح

عاجــل said...

فريج سعود

ما عدا

عاجــل said...

Coffee

مع الكاتشاب ولا بدون؟؟؟

عاجــل said...

ابو عبدالملك

واللي يرحم والديك ما ني ناقص مواعظك

ابو عبدالملك said...

سهلات يا عاجل

Coffee said...

مع كاتشاب اشورانه

ابو عبدالملك انت وين المباحث عنك؟ من شاف بروفايلك اللي يسد النفس الله شيل الكويت منه انت مكانك اهناك بالكهف

ابو عبدالملك said...

coffee
على فكره المباحث تدري اني انا على حق واذا على الكهف
ف اسامه بن لادن بكهف وشوف شنو سوى لاسيادك امريكا

Coffee said...

ابو عبدالملك اشدخل امريكا!
اقول هد الكمبيوتر والانترنت عنك لانهم من صنع الكفار والامريكان وروح عند ربعك بالكهف وغرقو في طائفيتكم وذبحو الناس وشوفو منو المخلد بالنار ذيج الساعه

أي راد ثاني بسحب عليك مابي اخرب بوست االريال

ابو عبدالملك said...

coffee
اذا شي من امريكا مايضر الدين بل يساهم بنشر الدين يجوز تستخدمه بشرط ان يكون لايضر صحتك
ام انت تاخذ كل شي منهم ولو دخلو جحر ضب لدخلتموه
ولا ترد يكون احسن