قبل لا أحد يقولي شلك بتلفزيون الكويت واصلا محد قاعد يطاله أقولك انا مو قاعد اتابع ولكن تلفزيون الكويت برمضان يصير لزقة مثل لزقة المهارةعند الإشارات ولما نفتح الجريدة يطيح عليك بروشور الزين عندنا
طبعا على شنو ما ادري
---
المهم الإعلان اللي فوق هو اللي نشوفه يم الإشارات ولا حظوا ما كو لحية وحده في الإعلان
وهو ما يعني ان برامج المطاوعة ما تجذب الناس لأنها اصلا موجودة بكل وقت وحتى في أل بي سي
ولكن وهنا الموضوع لما تفتحون البروشور مال تلفزيون الكويت
شنو تلقون؟؟؟
تلقون الصجية وهو أن تلفزيون الكويت ووزير الإعلام خايفين موت العمي من نواب نما الى علمي وما يبون مشاكل ودندرة
وعليه شحنوا خطة رمضان بــ 14 برنامج ديني لكل الإتجاهات الدينية
وخذوا الأسامي
ثلاثون قصة في مسجد الرسول
فتاوى الصيام
مع الإسلام
نور القلوب
مع النبي يوسف
روائع الصديق
حديث القلوب
الادب الرمضاني
الكلم الطيب
ندوات دينية
30 سؤال
يوميات صائم
خواطر العوضي
خير يدوم لك
---
طبعا لحد يقول هناك برامج اخرى ولا أنت تبي المسلسلات أكثر لكن ما اقوله هالكم من البرامج يكشف امرين فوضى الخطة البرامجية اللي حتى مو قادرة تنظم عناوين البرامج ومواضيعها المتشابهة
الامر الثاني هو التأثير السياسي الذي فرض مثل هذا العدد من البرامج الدينية وكأن المسلمين في الكويت عرفوا رمضان من سنتين
وسلامي الحار للقلوب وللي يحب القلوب
واللي يحرق القلوب واللي يبرد على القلوب
23 comments:
تس تس يعني تسلم
ياخوي كلامك كله عدل
واهم جمله قلتها ان الكويتين كأنهم صاروا مسلمين من سنتين بس
والحكومة لي الحين مو عارفين يتعاملون مع الاخوه الاسلاميين الغير مؤمنين بان في ناس غيرهم مسلمين بالبلد
وشحقه كله برامج دينيه؟ لول
يعني من صجهم
ولا الناس مسلمين بس برمضان؟
اشكره خايفين من النواب
انا اقول التلفزيون الكويتي من اوله لي اخره ما يشوووووووووووووووووووووووف شر لا اهو ولا وزراءه الي مرو مرور الكرام عليه لأجل مسمى وزير ومعاش الوزير العالم وصل لتقسيم المواسم ووضع برامج تناسب الموسم بشكل بسيط وبجوهر الموسم نفسه يعني مثلا انتخابات يدخلونك بالسياسه بشكل جدي وساخر وقت الدين دين
لكن عندنا رمضان الموسم الوحيد الي يصير في التلفزيون لرؤية قصص دعاره وفسق وفجور وبعدها برنامج ديني متكرر باليوم 11 مره
تبي النكته
بما اني شنكولي فما فكل يوم اول ما يأذن اركب السيارة اروح اتفطر عند الأهل و العادة احط الرادو على تلفزيون الكويت
و صارلي الحين ثلاثة ايام عن نفس الموضوع
اذا أذن الفجر و انت قاعد تاكل او تشرب تكمل اللقمة و الا لا؟
و هات يا تحليل و تعليل و بلا بلا بلا على شحقة المفروض انك تكمل اللقمة
بالعافية
""فوضى الخطة البرامجية""
أي خطة برامجية؟
اذا تبي تسأل اسأل عن مدير القناة الثانية (شيخ) اللي تهاوش مع مخرجين أحد البرامج في رمضان اللي فات وفضحوه بالجرايد انه ماخذ 12 ألف من البرنامج تحت بند "متابعة وتنسيق" وهذه السنة رفض جميع ما قدم له من افكار برامج بسبب اللي صار.
مشكلة تلفزيون الكويت هي نفسها مشكلة الخطوط الجوية الكويتية ونفسها مشكلة الرياضة. فساد. والكل يدري عنه لكن المتنفعين هم المسؤولين عن هذه المؤسسات... حاميها حراميها. الاصلاح يبدأ بقرار سياسي لم يتخذ بعد بل العكس هو الواقع أي دعم الفساد وأفراده.
الزين ما درا عن هوا دارهم
شكرياااا عزيزي
على طاري البرامج الدينية
انا ملاحظة انها ما تطلع الا قبل الفطور بنص ساعة
ساعة الذروة اللي الواحد يكون بقمة اليوع
مادري ليش يعني؟
"الكويتين كأنهم صاروا مسلمين من سنتين بس"
الله ينور عليك
ليش مايلغون وزارة الإعلام ويفكونا منها ومن مصاريفها كل دول العالم المتحضر ألغتها ماشوف الدنيا وقفت عندهم؟؟؟
ماكو برنامج
حب القلوب ؟؟؟؟
حتى الي يشتغلون هناك ما يشوفون البرامج هذي
اتوقع حتى المخرج حاط على ام بي سي
بالفعل ماكو تنظيم بين البرامج ، بس حط برامج دينيه وخلاص ، وارضي كل الطراف حتى وان تكررت المواضيع وصارت "لخبطه" السالفه
خلنا على نومتنا وايد أبرك من التلفزيون
و الله كلامك عدل ..
ضحكتني والله !!!
ويا ليت في هالبرامج شي جديد ولا مفيد
كله تكرار في تكرار
وزارة الإعلام أشهرت اسلامها
مبارك عليك الشهر
ويوم انه الزين عندهم
ليش ماميش أعلانات..مقارنة بالفضائيات الثانية
وشكرن
عاجل عندي سؤال
الحين
برنامج 30 قصه للرسول صلى الله عليه وآله
وبرنامج 30 سؤال
اذا رمضان طلع 29
شلووووون؟؟
وبعدين يبيله القهوه الشعبيه
قلوب وجاي لومي
:")
يا معود زين ما قالوا نفس سكوب
قمرهم كلهم
قبل كنت اشتغل بوزارة الاعلام
و كنت اتذكر الطبطبائي و الشايجي ايام ما كانوا يلبسون عقال
بس اللي اتذكره على حد علمي لما اول سنة ورى التحرير ان الوزارة مفلصه يعني حتى الشباب مالوت اذاعة القران الكريم ماكو لحية
مايخالف جاملهم
معلش احنا بنتبهدل
لا و يايبين اليهده و حاطين بوسترات بالشوارع..جنّه صج
الدستور ينص على ان حرية التعبير مكفولة , فيا اخ عاجل ليش التحلطم الزايد اذا تبي اشتر القنوات هذة وسوي الى تبي فيها ان شاء الله تخليها كبارية ..
ودمتم البوست جميل والتحلطم مالك اجمل :)
مومنهم من الناس لنهم لغاية الحين ماتعرف الجماع يفطر ولا لا
تشرب ماي واذن تكمله ولا لا
واحد قعد من النوم شرب ماي ورد نام واكتشف انه توه الساعه 9
يعني حق شنو هالكثر برامج دينية ماادري
بس شلون ياخذون فلوس اهني رقص واهناك فتاوي
انصحك تشوف افلام العيد لنها صج الزين عندنا مثل افلام السينما
wonderful blog
make money on the internet
www.theway2profits.blogspot.com
wonderful blog
make money on the internet
www.theway2profits.blogspot.com
Post a Comment