نوابنا الأفاضل كان خامس استجواب قدم بتاريخ الكويت سنة 1972 كان بسبب غلاء الأسعار في أيام العز والخيرواليوم بدلا من اختلاق المشاكل بسبب كارثة الجهراء صوبوا سهامكم نحو غلاء الإسعار ان كنتم تمثلون الناس حقا
أيها النواب نحن بلد يستورد البضائع نعم
ونتأثر بالغلاء العالمي نعمين
ولكن لدينا رقابة ضعيفة ومحاسبة غائبة لمن يستغلون شهر رمضان وغير رمضان
لرفع الأسعار وامتصاص جيوب ذوي الدخول المحدودة حتى آخر فلس
أيها النواب
بإمكانكم الإستعراض كما تريدون
بس ما تروح تطوف علينا
واذا تبون الحلول تراهي موجودة عند أهل الخبرة وهم كثر
ويكفي تعرفون عن سياسة شراء بعض مزارع الأرز في الهند والإستفادة من خيراتها وكانها منتج وطني
تكفي للمحافظة على مستوى معقول من الأسعار
هذا مشروع تنموي طموح هل أنتم صوبه؟؟؟
يلا همتكم يا شباب ومبارك عليكم الشهر
27 comments:
ليش الحكومة الخامسة ما ادري الرابعه مو راحت اشترت مزارع عيش
ومع الغلا
آخ بس
نسيت اللويه اللي صايره عشان رمضان
رحت الجمعية بشتري برد
وصلت الكاشير انصدمت
رديت البرد مكانه
:/
علينا وعليك
عــــــــــــــاجل
و الله توقعاتك عاليه بنوابنا
الظهر شمس الصيف سوّت لك ضربة شمس
من صجّك ممكن يفكرون بهالطريقه؟؟!!؟
====
Enter-Q8:
بو وليد..أهمه شروا شي بس مو مزارع عيش
هذي السعوديه ذيج السنه لما أرتفع سعر العيش
أعتقد أول العام..شروا مزارع عيش..عشان يقدرون يوفرونه حق مواطنينهم بسعر معقول
رمضان كريم
ZooZ "3grbgr":
أنا مو محذرتكم من روحة الجمعيات
من قال لج ما تسمعين الكلام
ماسمعت عن رحلة سموه الاخيره بالقارة الافريقية
الهدف منها شراء بعض الاراضي المنتجة للارز
قسم بالله هذا الخبر
بذمتكم منو اللي ياكل على الغدا عيش مصري
ولا بتقزرونها ورق عنب
مافيش فايدة غطيني يا صفية
الجيل القادم ما يبون مزارع عيش
يبون اندومي
---
ومبارك عليكم الشهر وتقبل الله طاعتكم
ايــــــــ كل من في قلبه شقي ليلة ..
مافيش فايده ، الحكومه نصها لها يد بهالموضوع ، شلون تبيها تلقى حل؟
الله كريم
ما أحب السمسم
:(
ماني زارعه معاكم
هل كيف يستجوبون والمجلس مليء بمنتجات الخرافي ونواب الحكومه الافاضل التابعين لها وميتين عليها؟؟؟
مبارك عليك الشهر بغلاء الاسعار
والتجار من يقدر يتكلم عليهم
مبارك عليك الشهر
عاد صج الاسعار صايره نار وقاصين علينا يقولون عروض
يبا اكلو تمر ولبن تقزر لول
انا عندي مشكلة
لمن اروح الجمعية فاتورتي دايما 19 دينار
و لمن زوجتي تروح دايما 70 دينار
مع ان نشتري نفس الاغراض
الحين نروح الجمعية ولا ما نروح ؟
مبارك عليكم الشهر
وكل عام وانتوا بخير
__________________________
سموه مو مقصر
شوف مسرحية شياطين ليلة الجمعة
مشهد غلاء الأسعار
مبارك عليك الشهر.
فرناس
مبارك عليك الشهر
والاسعار في زياده مستمره
اكرمكم الله بشهر رمضان بعفو
وعافيه و مغفره
مبارك عليكم الشهر
و تقبل الله صالح الاعمال منا ومنكم وعساكم من عواده
الحين نروح ولا ما نروح ؟
كل عام وانت بخير
مبارك عليك الشهر
النور~
*****************
يوم صعدت الاسعار صعدوا وتحججوا انه مو بكيفهم
يوم نزلت خاموش ماكو حس ولا نزلة اسعار
القانون ينص على عدم جمع وجود المصلحة التجارية مع المناصب الحكومية والعامة بكافة أنواعها. هل طبق هذا القانون؟
خلها تخيس بالفعل
شخصيا مبطقها على الشركات الاستغلالية دار مدار السنة
مبارك عليك الشهر
وعلى الأسرة الكريمة
وجميع من تعز
علينا وعلييك
ومن عواده ان شاءالله
مبارك عليك الشهر
:)
علينا و عليك وعسى الله يتقبل منا و منكم صالح الأعمال
ما ضبطوها هالمرة
مبارك عليك الشهر ... والحكومة ماخذة اجازة عشان يتعبدون برمضان وتنقبل اعمالهم لأن:
عمل الحكومة + رمضان = خطان، الأول اعرج او اعوج والثاني (شهر رمضان الفضيل) مستقيم لا يمكن ان يلتقيان مهما "فحط" الأول !
وعسى الله يتقبل منا ومنكم صالح الاعمال :)
Post a Comment