Monday, August 31, 2009

لقيماتي .. لقيماتي ... شعر حداثي

مثل فنجان الدم الذي أعلن عنه العام الماضي وعرض هذا العام قررت الإفراج عن قصيدتي الحداثية العامودية التي ستكسر حزاوي ولادة المتموضعة
---
لقيماتي .. لقيماتي
لقيماتي .. لقيماتي .. سناجب ثكلى
أقترب منها مكاني .. ونفرت منها شفاهي
قالت والشوق مضرج في شيرتها
ماذا دهاك؟؟
رددت .. كرشي أعياني
---
لقيماتي .. لقيماتي .. سناجب ثكلى
كرات القبوط خامدة في ثكناتها حائرة
خدود خبر العروق تتلوى فقيدها.. مقبلها الأسطوري
الهريسة المتماسكة تهتز بيأس داعية العابث بتلافيفها
المكابيس مكبوسة من هجر هابسها المخمس
الكل يناديني فلا أستجب
طناش المعاند
والسكاكين والملاعق واقفة على الحياد
---
لقيماتي .. لقيماتي .. سناجب ثكلى
شوربة فاقدة الحياة أكرعها
سلطة غنية بالفقر ألتهمها
مياة معدنية أطفحها
مؤشر الميزان يبعث لي بالبشرى
نزول نزول ودمعة الفرحة
لقيماتي .. لقيماتي .. عذرا خليكي ثكلى

44 comments:

Nikon 8 said...

عوافي
:)
ما تحطون شربت فيمتو على الفطور ؟

جبريت said...

عيل وين السمبوسه والحلو ورا الفطور والقهوه والشاي والحركات؟؟؟

اكيد بالشعر الي وراه

حسام بن ضرار said...

صح لسانك

أتلمس في كلماتك بعضاً من قبسات مدرسة اللاجئ العاطفي

ولا انا غلطان؟

Fahad Al Askr said...

والسكاكين والملاعق واقفة على الحياد

البيت مكسور، جبره الله يجبر بخاطرك

لازم يكون

والسكاكين والملاعق واقفة على حياد

عيزت أعلم فيك

كويــتي لايــعه كبــده said...

مسكين دبل اللي مسوي رجيم برمضان

بالنسبة لي بطل اللي يحافظ على وزنه بس


صك الليت
شب الليت

ChEMiCaL-ENG said...

السلام عليكم


من وحي الصيام

الدســتور said...

عاش شاعر البلوقات
بالكويتي الفصيح

nanonano said...

ويـــــــــــــي

خنت حيلي..مسوي رجيم؟؟؟؟؟

أحد يسوي رجيم برمضان؟؟!!؟

بس حبيت أضيف بيت

لقيماتي يا لقيماتي..يا مسمنه البناتِ

عنصر وطني said...

صادوق بالكسر يا بعدي

Unknown said...

الشعر عجييييب
فيه من القوة والجزالة
والفصاحة والاصالة
وتذوق فني وحصة تعبير واملاء

بس احس ان نزار قباني اللي فيك لحد الحين ما تفجر

نور الليل said...

انت منصجك اتسمي هذا شعر ؟؟؟

هذا كلام لما يقترب من اللغة الأدبية بعد

SHOOSH said...

تصدق ؟؟

قاعده أقرى لجبران خليل جبران

قريت شعرك

كرهت جبران

و سكرت الكتاب

مو بس سكرته .. حذفته من الدريشه

صح لسانك يا جبران الكويت

Mohammad Al-Yousifi said...

ما قدرت اكمل القصيدة من كثر الشيرة

As YoU LiKE said...

وين دعيج الخليفة عنك

ولاّدة سابقاً ... رانيا السعد ...رانية المنيفي حسب الأوراق الرسمية said...

رمضان كريم
إشفيك على ولاّدة؟
:)

Eng_Q8 said...

والله يطلع منك

استمر يزاك الله خير ولا عزاء حق ولاده

:p

t.q8 said...

ههههههههه

:)

احيك على هذي القدره الي خلتك
تسوي رجيم بالرمضان

enter-q8 said...

ايها الاخوة المدونون الاعزاء نشكر الله و نحمده ان تولى برعايته زميلنا عاجل من محاولة الاغتيال التي خطط لها متنبي الكويت لاجئ عاطفي اثر غيرته العمياء و حقده بعد ان رفض المدون عاجل بيع قصيدته له
هذا سيتم فتح المطبخ عفوا الديوان لأستقبال التهاني بسلامته بعد الفطور

well_serviceman said...

خوش شعر بس ذكرتنه باللقيمات واحنه نحاول نساهاا هههههه

قواك الله

هالحـــــزة said...

لوووووووووووووول

الفراغه شلون قايلة كاااااااااك

alala said...

دبـــق دبـــق

:)

عاجـل said...

Nikon 8

الله يعافيك كل شي موجود الا انني ممتنع عن التصويت

عاجـل said...

عنيف

سلامتك
اللي تقول عنه أذوق منه مثل اكل رواد الفضاء

عاجـل said...

حسام بن ضرار

هو الشمعة التي أنارت لي الطريق حتى طحت رواسي بالحفرة

عاجـل said...

Fahad Al Askr

ما شاء الله بكل شيء فاهم

ولا بعد مسميني انا الفاهم

عاجـل said...

كويــتي لايــعه كبــده

والله قاعد اجرب وبشوف شكثر بصمد

بس ما نبي مطفي الليت لاني اخاف من الظلمة

عاجـل said...

ChEMiCaL-ENG

ذهني صفى أكثر من اللازم

عاجـل said...

أبو الدســتور

تكفه لا تخليني أصدق وايد

يكفينا صك الليت شب الليت

عاجـل said...

nanonano

شسوي

اما كذا ولا فلا

عاجـل said...

عنصر وطني

خوش صيده يبيلها بوست من البوستات القوية مالتك

عاجـل said...

Addictioneer

لأاني فجرت فيه وانتهي الامر

والله يستر من الجاي

عاجـل said...

نور الليل

وانت من صجك تصدق اني اكتب شعر؟؟

عاجـل said...

SHOOSH

وانا علشانك راح اواصل المشوار وراح أطلع اول ديوانية عفوا ديوان شعر

يضم كل لقيماتي

عاجـل said...

ma6goog

لانك ضعيف

عاجـل said...

As YoU LiKE

صصصصصصصصصصه

لا تعلمه عني

عاجـل said...

ولاّدة

أبدا
أبدا

انا قاعد اتشاقى وياك

عاجـل said...

Eng_Q8

بعد
بعد ما شفت شيء

عاجـل said...

t.q8

ادعى استمر

عاجـل said...

Enter-Q8

مش حنسلم
مش حنبيع

مش حنوافق عل التشريب

عاجـل said...

well_serviceman

وين تنساها هذا سيل الله يحفظك

madloul al-eyadah said...

يالهذه اللقيمات الثكلى
.
.
ذكرتني بسمبوساتي اليتيمة
وقدح الفيمتو الثائر
.
.
.
دمت مبدعا رائعاً
قصيدة رائعه بحق

aL-NooR . said...

شنو نوع الشعر ؟

صح لسانك
:P

************

عاجـل said...

madloul al-eyadah

أقدح الى أن يجدح شراره

عاجـل said...

aL-NooR .

نوعه دوعني