Tuesday, August 04, 2009

KTV جابل طايح الحظ

بعد انتهت أغلب القنوات الفضائية من أعداد برامجها لشهر رمضان الكريم
وبعد أن أستلمت الأعمال التلفزيونية كاملة وخاصة المسلسلات الثلاثينية
وبعد بدأت معركة اعلانات الزين عندنا والشين حوالينا
خرج علينا وزير الإعلام مطالبنا القنوات المحلية بالإلتزام بالتعاليم والقيم الدينية في رمضان
للأمانة أنا ما اعرف أن كانت هناك قيم دينية خاصة بشهر رمضان فقط ولا تشمل باقي أشهر السنة
فهل مثلا سب الناس حلال في رجب أو السرقة جائزة في شوال
لا أعلم ؟
هل لبس او مكياج أو تنورة وفاء عامر حرام في رمضان وحلال في غيره
كل شيء وارد لأن الوزير لم يحدد ما هي قيم رمضان الدينية
معالي الوزير أن كنت صرحت من صجك فأعلم أن برامج القنوات لن تتغير على شانك
وأن كنت صرحت مجاملة من اجل نواب التيار الديني فأعلم أن الحلال عندهم هو الغاء التلفزيون بأكلمه
وأن كان هناك مجال لفرض قيم رمضان على قناة
فما عليك سوى في طايح الحظ تلفزيون الكويت
KTV
ترى فيه شغلات تفلت وايد برمضان وغيره
جابله حيلك فيه
ولا تنسى النفط بارك الله فيك ترى الضربة راح تجيك من هناك
كما قال الفلكي صالح العجيري

22 comments:

راعي تنكر said...

دير بالك ترى العبدلله صاير جبريت..انت بعد التزم باللقيمات الرمضانية وتمسك بغطايف المغربيات لا يقفلون مدونتك بالشمع بالبرتغالي

جبريت said...

يحسسني انه العباده بس برمضان ماكو صلاة ورا رمضان

عموما دعوته انا افسرها عن المسلسلات الماجنه الي تطلع لنا

ياخي صار لي موقف بالكويت بغيت اروح اثور بكل كاتب للمسلسلات

واحد سعودي وقفني على الخليج يقولي وين البنات المفاصيخ الي يطلعون بالمسلسلات

بالذمه شنو اقوله هذا؟؟؟

عاجـل said...

راعي تنكر


التزمت لما انتفخت

اما الوزير فأيامه محدوده مثل حكومته الإصلاحية

عاجـل said...

عنيف

كلنا نعاني من هالسالفة

اما صاحب السعودي فقوله دور عليهم بروتانا

ayo0oh said...

اول شي بعلق على كلام الأخ عنيف العبادة مو بس برمضان بس في اشياء لازم تتحاشاها بالرمضان ولاتنسون يا جماعه الرسول صلى الله عليه وسلم قال حتى العين تزني وزناها النظر


مافيها شي اذا حدد نوع البرامج والمسلسلات الي المفروض تنعرض على اي شاشه تمثلنا

مو عيب ولا جهل لان احنا شعب ملتزم

وخصوصا بعض المسلسلات تشوه صورت مجتمعنا بشكل مو طبيعي

انا ما اقول الأشياء الي تنعرض مو موجودة لكنها اقليييييييه

بس اذا كل مسلسل طلع بهالصوره راح يكون عند المشاهد انطباع ان هالشعب عايش جذي

وغير هذا دندرمه ومادري شنو بصراحه الحين انا اشوفه على روتانا

لما اشوف الرقص الاستعراضي اقول امبييييه هذا عقب الفطور الناس تجابله

عقب الدعاء والتسبيح والذكر
يالله حسن الخاتمه
ادري
قرقت وايد بس هذي رايي

@alhaidar said...

يزاه الله خير ..


;p

enter-q8 said...

قسما بالله يا عاجل ما اكذب عليك مو موجود عندي بالمفضله مالت الستلايت واخر مره شايفة يوم انتخابات الرئاسة

Mok said...

صار لي يمكن سنة لم اشاهد تلفزيون الكويت

Blog 3amty said...

والله كلامك منطقي !

ZooZ "3grbgr" said...

loooooooool

ييت بعلق نسيت تعليقي لما قريت التوبيك

أخلصك على رمضان؟

صارلي 4 سنين ما شفت شي ابدددد

اللهم الا الدروازه لأنه عن الكويت

وكثروا اللي مثلي

:")

كويــتي لايــعه كبــده said...

تلفزيون الكويت ليلحين موجود؟

بعد ظهور قناة الجزيرة وضربها العلني بالكويت في عهد المقبور صدام حسين كان هناك توجه ورغبة سياسية في مواجهة هذا الهجوم الاعلامي. اتبعت الكويت سياسة الدينار الفاشلة في دعم قناة العربية لكنها بالرغم من المساهمة بها الا ان توجه العربية كان عكس المرغوب. بعدها توجهت القيادات السياسية بنية تأسيس قناة كويتية اخبارية متخصصة وتم التنسيق لها وتخصيص مكان لها داخل تلفزيون الكويت بالاضافة الى الكوادر الفنية والادارية...

الا ان الفساد المتراكم والمقصود في الاعلام الحكومي الكويتي أقوى من الرغبة السياسية والحاجة الماسة الى هذا القطاع في أحرج الأوقات.

اتمنى من الراعين الرسميين للفساد الاعتبار من ما حصل.
افساد أي جهاز بالدولة يجعله عاجز حين نكون بحاجة له وهذا ينطبق على جميع انحاء الدولة من تعليم وصحة ورياضة ونفط وأمن وغيره

ميمة السبيت said...

** تلفزون الكويت تشوفه برمضان بس حزة اذان المغرب و ساعات حق الامساكية

بس هذا حده

Edrak said...

مايسير ماكو شي يعجبكم تصريحه مافيه شي

esTeKaNa said...

أهو وزير يعني لازم يصرح
ولا تبيه ساكت؟
هذا يومه،خله يصرح عن خاطره
:P~
اتفق معاك مافي قيم خاصه لرمضان فقط
قيمنا طول العام
ولكن..لنفترض حسن النية المقصد ان لرمضان حرمة فلا تجرحونه بعرض ما لا يتفق مع حرمة رمضان بس
:))

Mohammad Al-Yousifi said...

تصدق تصريحات وزراءنا تصلح انك تسوي عليها كتاب نكت

عبدالرحمن said...

اخوي العزيز

انا مادافع عن الوزير

لكن الحق ينقال

طلبه هذا صج انه مايقدم ولا يأخر لكن بداره زينه

يعني الشهر هذا المفروض ماتزيد فيه الخربطه احتراما لمشاعر وصيام الناس انت شايف ان هل شهر يزيد فيه التفصخ والتخربط بالقناوات يصومون طول السنه ويفطرون على روسنا برمضان لما احنا نصوم


اهو صج طلب الوزير صوري وديكور لكن المفروض نشجعه مو نرفض دعوته جذي

مو كل شي ننتقده دعوم جذي

ومشكور

Anonymous said...

اقول خلونا من تفاهة الحكومة عندنا وبالاخص معالي الوزراء

ابي سالفة محاولة الانقلاب الي بالمنطقة وين ؟؟؟؟؟
1- قطر
2- الاردن ورقعو السالفه بسحب جناسي الفلسطن
3- الي يعرف يقولي

بروفسور حمادو said...

شوف الراي صفحة 3 اليوم ، وطالع المناشدة إلى الشيخ أحمد العبدالله

http://www.alraimedia.com/Alrai/Resources/PdfPages/AlRAI/10992/P03.pdf


الربع بيبدعون فيه

:)

Eng_Q8 said...

خله يبا خله من يطالع تلفزيون الكويت اساسا ؟؟

أهل شرق said...
This comment has been removed by the author.
أهل شرق said...

من الآخر

تصريح واحد غبي ومايفهم بشي

عاجـل said...

ayo0oh

بابا لا يسوي قرقر واجد