Thursday, September 03, 2009

الجلسة الطارئة تفركشت

عاجل : أعلن رئيس مجلس الأمة عن سحب االنائب جمعان الحربش طلب عقد جلسة انفلونزا الخنازير لعدم اكتمال النصاب

32 comments:

حسام بن ضرار said...

هم زين

enter-q8 said...

طيور و الا خنازير
والله ما درينا شن ومايتهم

عاجـل said...

حسام بن ضرار

تظن ان الجلسة كانت ستكون مفيدة

عاجـل said...

Enter-Q8

هي الخنازير

لكنها مو نازلة لي من زور ودايما اغلط فيها

Mohammad Al-Yousifi said...

so?

عاجـل said...

ma6goog

سلامتك

وما كو جلسة يعني

well_serviceman said...

مو جنه بادي الدوسري بعد انسحب؟

q8ity said...

صيامين مالهم خلق

هالحـــــزة said...

يا رب سترك ...

تتوقعون جاسم الخرافي تحوشه فلونزة خنازير ؟؟؟

جبريت said...

ترا الناس مجرد يبون جلسه تكسبيه ما يبون شي فعلي لحل مشكله متضخمه مؤثره

عنصر وطني said...

جلسة عن الخنازير

ما يجوز ياجماعة

لحم الخنازير حرام

والحديث عنه شنو ...! مش ولا بد

ربنا يكرمكم

حسام بن ضرار said...

لا اظن

بل اجزم انها لن تخرج بشئ عدا تصريحات استعراضيه جوفاء لا تسمن ولا تغني من جوع

Eng_Q8 said...

احسن .. لان مالها داعي

Common_Sense said...

صب حقنه لبن

شدعوه كانوا بعالجون المرض

كويــتي لايــعه كبــده said...

لا والله لها داعي
لكن لا من حكومة ومن أغلب النواب

كل شي بيد الله سبحانه
لكن هل هناك أي خطوات او أي خطة لمواجهة الخطر؟
هل عملت الجهات المعنية اللي عليها؟
والا الديرة كالعادة سبهلله؟

ما نبي استعراض لوز وتوعد بأحد
نبي عمل ما يمكن عمله بشكل "عملي" لمواجهة الخطر على الصحة العامة

عبدالرحمن said...

المسرحين اهم شحقه جلسه حق انلفونزا الخنازير

مو لازم احنا نعرف شنو بيصير وشنو الوزاره بتسوي وشنو المطلوب مو مهمه ارواحنا

المسرحين اهم

وباء بيكتسح البلد ويقولون مو مهم جلسه !!!!

SHOOSH said...

عادي

ما ننطر منهم رجا على أي حال

أهل شرق said...

عادي واحسن ان ما اجتمعوا

لان دايما اجتماعاتهم تنتهي ب

تمخض الجبل فولد فأراً

الحوري said...

آنا ما ادري شمخوف الحكومه من الجلسه الطارئه ...
الطلب كان لجلسه مو استجواب
ليش ما يبونا انعرف شنهي الاجرائات اللي سوتها وزارة الصحة وبعدين ليش ما يعلنون اسماء الاعضاد اللي ما وافقوا على الجلسه

عاجـل said...

well_serviceman

واضح ان موقفه بني على قناعة

عاجـل said...

q8ity

أكثر من مالهم

ما بيدهم شيء

عاجـل said...

هالحـــــزة

حاش رؤساء دول

عاجـل said...

جبريت(عنيف سابقاً)

يكفي التصريحات النارية عيل

عاجـل said...

عنصر وطني

احد قال انهم بياكلونه؟

عاجـل said...

حسام بن ضرار

لها فائدة واحدة

لو النية صافية

هي الحصول على الغطاء النيابي والتشريعي لخطط الحكومة

عاجـل said...

Eng_Q8


ماله داعي لان الموضوع ماله داعي

ولا ماله داعي لان بعض النواب راح يسوون الجلسة شوربة

عاجـل said...

Common_Sense

اكيد لن يعالجوا المرض لانهم ليسوا علماء
ومجلس الامة ليس مختبر

ولكن من الممكن الحصول على موافقة نيابية على لاجراءات قد تحتاج مبالغ كبيرة

عاجـل said...

كويــتي لايــعه كبــده

بدون كلام كل شيء بيد الله

ولكن الله يريد منا العمل

فأين العمل ؟ وأين العاملون؟

عاجـل said...

عبدالرحمن

بالضبط كان ودنا بس نعرف شنو خطط الحكومة اللي النواب أثنوا عليها

عاجـل said...

SHOOSH

عيل نخليهم

لازم نقعد لهم قعدة

عاجـل said...

أهل شرق

من تصريحات النواب

واضح ان الجلسة راح تكون حلبة

لكننا فقدنا فرصة معرفة خطة الحكومة

عاجـل said...

المتفائل

لو بيدها ما تبي احد يشوفها بعد