Saturday, December 19, 2009

تدروشوا .. تدروشوا


بومشاري من حقك تفكر بالإنتخابات القادمة
ولكنك قفزت بعيدا في تفاصيل فكر أبوزيد ونسيت الحسبة السياسية التي خرت فيها الحكومة للفريق النيابي المعارض لها وداست فيها على القانون الذي منحت بموجبه تأشيرة قانونية تراجعت عنها سريعا مع اول صيحة
طبعا لا حظ ان حكومة التنمية الموعودة وهذي بس بروفة صغيرة
باعتكم عشان يمكن تحصل كم صوت من النواب الموقعين على طلب طرح الثقة
ولدي سؤال هل هذه حكومة تتأمل منها الصمود عندما تسير في طريق العمل والإنجاز وتنفيذ المشاريع المعطلة؟
كان بإمكانك كسب ناخبينك بسهولة بكلمة واحدة
ولا حاجة لأن تتدروش بهذه الطريقة
هل كنت تحلم مثلا ان أصوات السلف ستتجه بمجرد أن تقول ما قلته
خذ عندك مثلا هه الردود من مواطن بسيط
لا علاقة لنا بأبوزيد المفكر ونحن ننتقد عدم احترام الحكومة فيزا ضيف
هل كان أبوزيد سيلقي محاضرة فقط أو كان يحمل معه منهج دراسي سيفرضه على النشء
سؤال أخير بومشاري
هل سمعت عن عذر وزارة الداخلية لابوزيد؟؟
يقولك مو قادرين نحميك ونخاف يغتالونك
الله أكبر
عيل وين المنظومة الأمنية؟؟
وين كاميرات راس البعير؟؟
هل صعبة يمشون معاه حماية ولو دورية واحدة؟؟؟
معلش بومشاري
طلعت سياسي هش

25 comments:

nanonano said...

أنت من صجّك!!!!!؟

توني كنت قاعد أشوف الفيديو قبل لا أدخل على المدونه

طارت بوهتي فيه

أنزين سؤال واحد لبو مشاري..ما قعدت بينك و بين نفسك و تسائلت منو المسئول الحقيقي في حادثة الدكتور أبو زيد

عاجــل said...

nanonano


مع اول اختبار

تخلص من كل شيء مع ان السالفة وايد بسيطة

مـغـاتيــــــــــــر said...

مو من صجه !


أنا اخترته بالانتخابات على أساس
أنه ليبرالي ، يقوم يطلع ليبرالي محااااافظ

ما كنت أدري :-)))))


شنو يعني "مع الحرية الفكرية" بس بحدود؟

عاجــل said...

مـغـاتيــــــــــــر

كلام انتخابات مدهون بزبدة

لكن ما عليه
الظاهر وصلنا خط النهاية مبكر
والباقي وقت ضايع

MARSHAL Q8 said...

غريبه ما ياب طاري المانيا الشرقية
ولا الفلبين هالمرة

حقوقي said...

والله مادري ليش مكبرين سالفة ابو زيد هذا

اهي بس المشكلة ان الحكومة شلون تعطيه الفيزا من الاساس

!!

عاجــل said...

MARSHAL Q8

لا هي بالتنمية

عاجــل said...

حقوقي

كبرت لانها فضيحة


وتصدق السطر الأخير في تعليقك يصلح كرد مفيد ومختصر

فريج سعود said...

يقول احنا نروح الحج والعمرة

الظاهر بو مشاري كان يعتقد ان الناس تحسب انه ما يدل الجبلة

والاخ الي سفروه اول ما وصل طب فينا

بالله ودي اعرف شنو موقف الي دعوه الحين

لا من ربعهم ولا من رفيجهم

من قلنا لكم هالحكومة لازم ترحل قالوا عطوهم فرصة

بعدين الي داعينه لو عندهم شويه فهامية جان اجلوا ييته يوم واحد جان بينت الصجية

عاجــل said...

فريج سعود

لو يعتكف

هم ما يشهدون له

ma6goog said...

شالسالفة ؟

هالوين كان شهر 11 و الا انا غلطان ؟


هذا شفيه مستنكر احد يقول القرآن من صنع البشر؟

اصحى يا نايم , لو المسيحيين و البوذيين و الهندوس اللي عايشين بينا يعتقدون ان الرسول رسول و القرآن نازل من الله جان صاروا مسلمين!!

خاوي

عاجــل said...

ma6goog

احيانا لما تكون تعرف تنظر وايد

تخربط وايد

soor said...

سقطت كثير من الاقنعة خلال الاسبوعين الماضيين .. وانكشفت الحقائق ..
والسؤال للشعب الكويتي : كيف ستحسن الاختيار هذه المرة ؟؟

Anonymous Farmer said...

عاجل

خله يحجي ويخربط يا معود علشان تطلع الصجية

خنت حيلي صارله فترة يروح ويرد على هالأفكار

بس مو قادره تطلع منه الحجوة

و الغير هامة كلش ملش من الأساس

----------------

على أي حال

بوذي أمين ولا درويش متصنع

Enter-Q8 said...

هالرجل بغسل ايدي بتيزاب منه
عقب ما شفته بالندونة و يصفق بحرارة للسعدون على سالفة رئيس الوزراء و تصريحاته على وزير الداخلية ما يشوف موقفه

عاجل انت تعرف اني ما ارضى على اي كويتي ينسب من خارج الكويت حتى لو كان ذابح اخوي، لكن بيني و بينك كنت اتمنى بو زيد كويتي ومالومه لأن كلامه نتيجة و الحكومة سبب

Common_Sense said...

يبا نحن مسلمون شفيكم :D

PS.
هالصوت اللي قاعد يضحك وره مو عيب

KuwaitVoice said...

شي غريب والله

ناس تنتقد بومشاري على كلامه المتأسلم والسلفي والتوجه المحافظ اللي ظهر فيه ومتحسف ان عطاه صوت

وبنفس الوقت عندهم السعدون رمز وزعيم ومايصير احد ينتقده وخط أحمر ويزعلون اذا احد قال عن السعدون ان منافق ومتأسلم ونصاب ومصاب بالزهايمر ،وهو نفسه السعدون حاول يغير المادة الثانية ويخلي الكويت دولة سلفية عندها لحية طول لحية نبيل العوضي

على الأقل بومشاري قال رأيه وكيفه أما السعدون حاول يأسلم الدولة ويمحي شي اسمه دولة مدنية بطرق عملية


انا اقول الشخص تأسلم ولا ما تأسلم عندكم .. يظل رمز وزعيم وصنم تعبدونه

بومشاري ضامن اصوات "الليبراليين" حتى لو جاهد ضد الأمريكان وحطله برنامج يقول فيه



تباً لكم

نمووول said...

شنو يعني الحرية
ومنو يحط حدودها ؟

انت حر تقول الي تبيه
بشرط انك ما تعارض فكري وعقيدتي ؟

شكراً

عاضـه said...

حقا ، لا علاقة لنا بأبوزيد ذو الفكر الضحل
و نحن نؤيد الدوله باتخاذها اجراء بحق
من تراه لايستحق دخول الكويت حتى و ان
كان يحمل تأشيرة دخول
.و لا باس ، بل من حق النواب السؤال
عن سبب المنع ، و ايضا من حق السلطات
بالاجابه او الامتناع

White Wings said...

ليش منصدمين؟
متوقع جداً من العنجري، وبالفعل، كما قال في أول المقابلة، هو يردد دوماً نحن كويتيون محافظون، ولكنا نصوم ونصلي ونحج، يكرر هذه الجملة دوماً
لذا، لست مستغربة من كلامه لكن مستغربة من استغرابكم
:)

well_serviceman said...

العنجري ، إنتهى!

تناقض كبير لا يمكن للمرأ ان يفهمه..

mtfa2el said...

ما قال شي غلط

بالعكس كبر بعيني بموقفه هذا

العنجري مو قايل شي يديد هالكلام يكرره من زمان

بعدين حتى لو عطوه فيزا ..غلطة و صلحوها
:)

bo7ammod said...

انا مو مستغرب ابدا ! لان بندوتة بالنزهة بالانتخابات كان قايل انه بالكويت ما في لبرالية بالمعنى الغربي .. و اننا بالنهاية كويتيون محافظون .. و الاسلام ليس حكرا على فئة دون اخرى.. عموما اشوفة منسجم مع ما كان يطرحه بهالجانب

حـمد said...

استغفر الله مو جنه بيذلنا بصلاته ؟

يعني لو كويتي بيقول ان القرآن من صنع البشر بيطرده من الكويت والا شبيسوي ؟

اي دستور واي بطيخ يبه الريال قالها على دين اباءنا واجدادنا مادري شكو يدعي التمسك بالدستور ويدعي فهمه لما قاله عن ان الكويت دولة مدنية ودولة قانون !

nEo said...

بومشاري يحليله دمه خفيف ، انا متأكد الفيديو و كامل ، مو اخر شي غمز حق المذيع و قاله اقص عليك ، صح ؟


بعد اذنك حطيت لنك على الموضوع عندي