Wednesday, January 06, 2010

القروض أزمة نيابية نيابية

بالأمس قلنا ان الحكومة لم تتقوى على النواب الا بعد أن دب الخلاف - بزيادة - فيما بينهم لدرجة أن صاحب الحنجرة الذهبية وزير المالية تجرأ على القانون ووصفه بالمسخ واليوم ويا سبحان الله شبت بين المطير المتشبه
بالسلف والسلفي التاجر الشيخ خالد بن سلطان في الجلسة المكملة لجلسة الأمس الملغية
---
السلطان مؤيد لقانون القروض ورافض لصندوق المعسرين ولأنه لا يعرف غير دولة جمعية احياء التراث أعلن ان دولة التراث لم تصدر أي فتوى شرعية رسمية بمعنى انه نفى وجود الفتوى التي التزم بها المطير المتسلفف
وطب بالمشايخ لما قال لهم ان اللي زودهم  بالمعلومات ما عطاكم المعلومات كاملة لأن تطبيق القانون ممكن اما صندوق المعسرين ففيه مثالب شرعية كبيرة جدا
والمطير زعلان لأن السلطان مذاكر من وراه وما علمه ان حصل على فتاوي من مفتى السعودية وعتب بالعلن عن السطان لانه لم يلتزم بقتوى دولة التراث بعدم جواز قانون القروض وزاد الشيلة وقال له بالجلسة : علماء الكويت أعلم بواقعنا والسعودية ما فيها أصلا بنوك اسلامية
---
النائب السلفي علي العمير طينها على السلطان وأعلن أن فتوى جمعية دولة احياء التراث موجودة وهي لم تصدر الا بعد أن أستمعت لكل ما لدى السلطان من معلومات عن القانون
---
على جانب الجلسة
الرئيس الخرافي مفور : لن ان اسمح ان يقول لي أحد أن المجلس مثل شركتي ولن أسمخ أن يتحول المجلس لديوانية مسلم البراك
حماد قاصفا من جديد : احدى النائبات  اقترضت 50 مليون دينار من البنك الصناعي
علي الراشد من جديد : قانون القروض يدوس ببطن الدستور ... الله يخليك واقتراحك عن زيادة عدد الوزراء شيقولون عنه ؟؟؟ أدري بتقول قطيته بحر ولكني أقول الله يستر من نسخة الدستور البحريني

27 comments:

DGmaT_SharaF said...

يادي الليله اللي مش حتعدي؟!!؟؟

ويادي البطن الدستوريه ؟؟؟!!!؟؟

bo bader said...

مع الأسف الحالة كسيفة .

خربانة من زمان !

فريج سعود said...

لازم يصير في تنبيه على اذا ما كانت الجلسة ستصبح ممتعة

علشان الناس تحضر وتستمتع

kuwaiti_cool said...

والله مشكلتنا صارت بنوابنا

اللي صارو حكوميين اكثر من الحكومه

مالت

جبريت said...

ما هي ماشيه حلاوه والكل يتكسب من صوب يالله ما عليه سهالات

ابشر بمجلس وطني دستوري بعد دستور البحرين الي قام يتعلم البعض منه الخنوع

الا بقولك

قصف سعدون حماد انا يعجبني لسبب انه لسانه فالتوه رغم اني ما اشتهيه واعترض عليه الاعتراض الكلي بس خله يقصف ونشوف منو الي اخذ ومنو ما اخذ ومن تم التسهيل له ومنو لا

تتوقع منو هالنائبه؟؟

معلومه قديمه نائبه بالعربي الفصيح تعني مصيبه او بلاء

ma6goog said...

ليش محد يستشد بفتوتي؟

راعيها said...

والله برافوا عليك يا عاجل ... أثرايك تعرف الدستور ..
أقول ... ترى سيتم اقرار تصميم جامعة الشداديه وفق قانون الاختلاط .. بتكلفه رهيبه و شكل غبي ... و انتوا خلكم ورا مسلم البراك ..و الموضه الجديده سعدون حماد

الديره صارت اكثر تشددا من السعوديه و ايران ... صار محمد هايف يحكم و يتشرط ... و احنا نركض على المال العام ... من مكان الى مكان

التيار الوطني اللي يصف مع سعدون حماد ما نبيه و لانصدقه ... اليد اللي تصوت مع محمد هايف والطبطبائي لا تمثل الكويت ... لقد خذلتم الدستور و الكويت .. وجاهرتم بالعصيان على حقوقنا المدنيه كافه ... والا تدري شلون ... هاجم الراشد زياده يمكن ترتاح

نور الليل said...
This comment has been removed by a blog administrator.
مَـــــعْــــمَــــعَـــــه said...

قالها الوشيحي سلف المناطق الداخلية غير عن سلف المناطق الخارجية

ويستمر مسلسل حماد - الصرعاوي

Q8i said...

عـلي الـراشد :

ماعنده غـير كلمة " داس ببطن الدستور" وما سمعت اقتراحاتك اللي نامت بالدستور
انت والجمل مالك


الـشي الثاني المضحك


الراشد يـقول اسقاط الفوائد مخالف للشريعه الإسـلاميه و لا بعض الاعضاء لايعرفون الشرع الا باستجواب رئيس مجلس الوزراء



واحنا نقولك

يالـراشد يا بوحملة الإخـتــلاط و سوية لويه من لا شــيء

ماتدري ان الاختلاط حرام !!


ولا انت تبي تاخذ من الشرع اللي يمشوي مع هــواك واللي مو وياك تكفر فيه !!


والله احنا نعيش في زمن اغبر

اللي امثال علي الراشد عضو بمجلس الامه
والـمصيبه الأكبر كان قـــــــاضي !!!!!!!!

عين بغزي said...

انا اقول يستاهلون اهل الكويت
عيل نعطي الفلسطيني والعراقي
ونخلي أهلنا لا وبعد اقول دلعونا ليش ماتدلعونا ؟ بس تعرفون تكسرون حدايقنا ومظلاتنا ودوانياتنا حتي الشجر ماسلم منكم
ارجوكم دلعونا :)
انا ماعندي قرض بس فرحان للجميع

كويــتي لايــعه كبــده said...

شنو الفرق بين علي الراشد وخلف دميثير غير ان واحد بدوي والثاني لأ؟

الشرهة على اللي يستحي هالأيام

Q8i said...

^^^^^
كويتي لايعه جبده

نـسخه طـبق الأصـــل


لكن لاحبتك عيني ماضامك الدهر


في ناس جـاهزين يـفسرون كلام و مواقف الراشد بطريقه تخليه مـــلاك


لكن دميثير مالنا مصلحه وياه
او بالاصح مو من ربعنا عشـان نبرر مواقفه

well_serviceman said...

فعلا صدقت الصحف عندما وصفت الوضع بمدرسة المشاغبين!!!

مهزله!

عاجــل said...

DGmaT_SharaF

الدستور محتاج للتعديل كي يكون عنده اكثر من بطن

عاجــل said...

bo bader

ما نبي غير خط نوقف التدهور عنده

عاجــل said...

فريج سعود

مثل اعلانات الاتجاه المعاكس

عاجــل said...

kuwaiti_cool

شنهم مومصدقين انهم قاعدين مع وزراء

عاجــل said...

جبريت

مجلس وطني يوك

دام فيه ضمير حي

عاجــل said...

ma6goog

ايه الله مطقوق

عاجــل said...

راعيها

قول لي وين السطر اللي ازعجك؟؟

لان اغلب البوست اخبار وتعليق عليها

والفهامية بالدستور خليتها لك

عاجــل said...

نور الليل

تعليقك تم مسحه لانه تضمن كلمة لا اظن انك تقبل كتابتها في مدونتك

عاجــل said...

مَـــــعْــــمَــــعَـــــه

صراع على الهامش
والوطن همه اكبر منهما

عاجــل said...

Q8i

المشكلة اذا اختلف النواب بسلاح الفتاوى

يعني الواحد وين يذلف

عاجــل said...

عين بغزي


ملينا دلع

عاجــل said...

كويــتي لايــعه كبــده

بيعها وارتاح

عاجــل said...

well_serviceman

مدرسة المشاغبين
عقلوا بالأخير