Sunday, February 07, 2010

عاشور عابر للقارات

 هدد النائب صالح عاشور الامير خالد بن طلال برفع قضية ضده في المحاكم الكويتية اذا ثبت ان ما تفوه من كلام ضد الشيعة خلال زياته للكويت قد قيل وهو في الكويت  ، واكد عاشور في لقاء مع قناة العالم الإيرانية يوم أمس السبت : علينا ان  نواجه تلك الآراء برفع قضايا امام المحاكم ليكونوا عبرة  للاخرين
وكان الأمير السعودي خالد بن طلال قد وصف المسلمين الشيعة بالرافضة كما وصفهم بالعدو الذي لا يمكن الاغفال عنه ودافع بن طلال خلال زيارته للكويت عن الشيخ السعودي محمد العريفي الذي منعته الكويت من دخول اراضيها 

27 comments:

Anonymous Farmer said...

وليش تجيب إنت هالقضية الشنيعة

مرؤوسا بالطرف الشنيع الأول والثاني

والعريفي مترئسا كرسي الشناعة

لا تسلط الضوء على قضايا تثير الفتن

عاجــل said...

Anonymous Farmer

لانها خبر محلي راح تنشره الجرايد باشر
وخاصة الدار

لذلك ننصحكم ان تقوموا باللف على الجرايد الحين وتطلب منهم
يا جماعة لا تنشرون الخبر ترى قناة العالم ما بثته ولا صار من الأساس

كويــتي لايــعه كبــده said...

أكد على أي قناة !؟!؟!؟
بدون مستحى جذيه
ولي قالوا موالين لإيران زعلوا
؟

لنتخيل أحد نواب البدو ما يهتم ولا يصرح الا عن السعودية وعلى قنواتها الفضائية مثلا... شيكون الكلام وقتها؟
يطلع لك الراشد وما شبه واستلم ازدواجية وولاء وعرج وغيره... ترا الباب يصفق عـ الصوبين


اتمنى التحالفات الحكومية قصيرة النظر وتعمدها باللعب في تعزيز ودعم التفرقة أن لا تكون قد كبرت الى درجة تعجز الحكومة عن التحكم بها (وهي العادة) وتكون سبب توتر واحراج خليجي مع أكبر دولة خليجية وأمها

نار التفرقة الطائفية التي أشعلتها الحكومة تحرق بجلد الكويت

مع التحية لناصر المحمد والدار طبعا

ابو عبدالملك said...

جهز سلاحك

أبو الدســتور said...

مانخلص لا من عاشور ولا سوالفه

يبا واحد سعودي وقال جذي

قول حق الشيعه اللي بالحسا يرفعون قضية

ولا لازم احنا نطق الصدر

ولا عشان أمير سعودي
:)

اخت اشليويح said...

بالضبط على اي قناة ؟؟

يا ربي جني قريت شي فيه ايرااااااااااااان ؟

و الله لنا من تاريخ البرامكة خير و اصدق مثال فالتاريخ سجل كل شي

http://ar.wikipedia.org/wiki/%D8%A8%D8%B1%D8%A7%D9%85%D9%83%D8%A9


فهل نستفيد من التاريخ

bo bader said...

مادري لي وين بتوصلنا رشيدة !!

بتودرنا ورا الشمس ...

عاجــل said...

كويــتي لايــعه كبــده

كله احنا بالويه ولا عارفين حجمنا ولا متى نبطل عن هالمواضيع

عاجــل said...

ابو عبدالملك

تموت على هالسوالف

عاجــل said...

أبو الدســتور

بالضبط
لو في غيرنا خير خل يتكلمون لكن دائما التعب قدر الدول العظمي مثل الكويت
لمناصرة المظلومين حول العالم

عاجــل said...

اخت اشليويح

قناة العالم ولو انك عارف الجواب
---
موضوع البرامكة لا ينطبق لانهم كانوا طبقة سياسية نافذة ومحيطون بهارون الرشيد

الوضع هنا مختلف

عاجــل said...

bo bader

تقصد رشيدة داتي؟؟؟

Faisal said...

يعني مثلا لو مصرح في قناة الجزيرة هل سيكون ولاءه لقطر ؟

لو مصرح لقناة العربية راح يكون ولاءه لدبي ؟

لو مصرح لقناة فنون راح يكون ولاءه للجابرية ؟

شنو هالحجي !! إذا الأمير السعودي قال هالكلام في أرض الكويت، فصالح عاشور وأي مواطن كويتي يقدر يرفع قضية عليه، والدستور يكفل هالشي.

عاجــل said...

Faisal


لو مصرح للسي ان ان اكيد عميل امريكي

اخت اشليويح said...

انا قصدت ان العرج دساس

اما عن انهم طبقة نافذة شنو تبي احسن من عضو مجلس امة عمة متهم في قضية اغتيال امير سابق و منحاش و عايش في ايران ؟

اعتقد ان وضعهم جداا ممتاز و ما ينقصهم شي ؟ و على قولة اخوانا المصريين بلاش افلام انا مظلوم و انا يتيم ؟ حقهم ماخذينة ثالث مثلث و احسن من غيرهم بعد ؟

و يارب يا ساتر على الهجوم اللي بحصلة

طموحة مملوحة said...

وليه انا اقول بسنا تحرش بالدول الثانية وخلنا بنفسنا لا يقعد عاشور يسوي لنا فيها كلش وايد يسبون بعض بيقعد يسوي فلم هندي الحين ؟؟

بسكم تحرش وخل عاشور يحترم هالشهر خاصة هالشهر ..

طموحة مملوحة said...

اذكر لمن حسني مبارك قال الشيعة ولاءهم لايران ( بدون سب ولا شتيمة )

قاموا عليه وبعدين يقولون البدو والسعودية و وو ووو الخ

انا ماقول كل الشيعة جذي بالعكس وايد شيعة مايحبون هالمشاكل بس المشكلة بالخمة الي بالمجلس الي تموت على اثارة الفتن

على قولة واحد من المعلقين ياكثر ماسبينا امريكا ولا سوت لنا شي والي بس يتكلم علينا بنص كلمة قمنا عليه شنو يعني احنا معصومين يعني ولا شالسالفة؟

جبريت said...

لا حول ولا قوة الا بالله

عاشور نائب عن الكويت ولا عن شيعة العالم؟؟؟

بالظبط خل يفسر لي هل هو نائب عن الكويت ام نائب عن شيعة العالم؟؟؟

ما قاله الامير غير مقبول نعم لكن شيبي عاشور؟؟؟

panadool said...

أنا أقول للأمير السعودى يا غريب كن أديب , يعنى زاير الكويت ومصرح تصريحات تأجج الفتنه الطائفيه بدلا من أن يدعم وحدة المسلمين ؟؟؟؟؟

خل يقول اللى يبى بديرته بالمملكه ,يعنى هالأمير السعودى يرضى مثلا أن يقوم شيخ كويتى ويزور المملكه ويمتدح بن لادن والقاعده ؟؟؟؟

السعوديه بالذات من أسوأ دول العالم فى ملف حقوق الانسان واللى بيته من زجاج لايقذف الناس


شكرا

ebtsamh said...

المحاكم ارقى بوايد من الطرق الثانية والدهاليز اللي بيعبرون فيها عن احتجاجهم

الله يكون بالعون بس

نور الليل said...

معاه حق

يرفع قضية ونص


هالأمير حسباله الكويت محافظة سعودية يتكلم فيها بالي يبي


يبا صج الموقف السياسي الرسمي معاكم بس وقف لا تتعدى الحدود

هناك أمور سيادية تمس أمن البلد


ولا حسبالك قاعد بالسعودية ؟؟؟


ومن قوات عينه يخلي الطبطبائي يتوسط و هو يكلم الشيوخ على واحد توه بالأمس طلع


الأخ منكوي بنار الشيعة يبي الكويت تنكوي معاه


روح يبا طفي مؤخرتك الحدودية

حقوقي said...

ههههههههههههه
حلوه عابر القارات

خوش حتى اللي برا ما سلموا منه
يبي يسكت كل الناس

لوووووول
يحليله بس

عين بغزي said...
This comment has been removed by the author.
Anonymous Farmer said...

زين أهم متخلفين يخلون خبر وبس

إنت وظيفتك التعقيب على هذا الحدث وليس فقط النقل حالك حالهم

Common_Sense said...

الخبر وين وتعليقات الناس وين

شكله فيه ناس تعلق من غير ما تقره الا العنوان

AyyA said...

هذا جزاء من ينتخب الإسلاميين
إكلوها

Enter-Q8 said...

الله ستر و لطف
اللي قايل هالكلام الامير طلال
مو الملك عبدالله