Saturday, May 01, 2010

تخريع تخريع

خرعونا بالمطر والعواصف والسرايات وانثبرنا بالبيت نطالع سخافة العبدالجليل وقلنا يلا هانت وراح نفتك من الغبار والحساسية
مر الوقت ساعة فوق ساعة ويوم بعد يوم ما صار شيء لما بحثت في السبب والحقيقة
عرفت التالي يقولك
حكومتنا حبت تبنى مفاعلين نوويين واحد سلمي للكهرباء والثاني شري حق الأسلحة
وعشان لحد يشوفهم قالوا خل نخرع الناس بالسرايات
واللي تم لما الحين هو وصول المعدات فقط والحفر راح يبلش في يوليو والحجة هي مشاريع التنمية وآخر مرحلة وهي التجارب النووية راح تصير تحت مجلس الامة

15 comments:

الديوانية said...

اما سخافة العبدالجليل يجب وضع حد لها يا شباب
اتمنى اطلاق حملة لدعم هالشرطي المسكين اللي ماله لا ناقة ولا جمل في وفاة الام -- واللي صار لازم ما يمر مرور الكرام لان الامر فيه سخافة ما بعدها سخافة وحدة ماتت بعد يومين او ثلاثة ايام بعد الاشكال اللي صار
شنو اللي صار بالبلد علشان يقلبون الدنيا في قناة الوطن

none said...

يولي الشرطي النذل اللي تل بنيه المخافر عشان اشرتله واهي معصبه؟ لو متربي ووولد ناس وعنده اخلاق جان على الاقل يوم يا ابوها قالهم خلاص في ستين الف داهيه اخذوا بنتكم.

يالجاهل ماتت بعد يومين بإرتفاع ضغط الدم.

لكن ماقول إلا كل من يرى الناس بعين طبعه، واذا انت شايف ان دشه المخافر والجرجره بالدوريات شيء طبيعي فاخذها مني مو كل الناس متعودين على جذي.

حقوقي said...

انا لو تسمحلي اخوي عاجل بعلق على تعليقات الاخوان
الديوانية و none

يا شباب ليش دايم نستعجل بالحكم؟
واحد يدافع عن الشرطي والثاني يهاجم الشرطي !!

احنا ما سمعنا الا راي البنية
وسمعنا القصة من جانبها اهي فقط
(وطبعا سمعناها مع موسيقى حزينة وحركات)
ما يصير نحكم الا لما نسمع القصة من الشرطة
ونسمع وجهة نظره ونشوف شنو اسبابه

عقبها من حقنا نحكم ونقول هالشرطي
مظلوم ولا ظالم

وياريت ما نستعجل مرة ثانية
ولا تخلون خالد العبدالجليل يقص عليكم :)

أحمد الحيدر said...

هههههههههههه كل شي جايز بهالديرة :)

عاجــل said...

الديوانية

لا حد لها طالما يطلع لك كل اسبوع

عاجــل said...

none

مع اني تكلمت عن المطر والأسلحة النووية محد قال لي ان الدنيا امطرت

عاجــل said...

حقوقي

تفضل

عاجــل said...

أحمد الحيدر

مفاعلين مو واحد

why me said...

LOL



ترا ابريل خلص


انسميها جذبة مايو

;p

الجودي said...

عاجل

الدنيا مطرت ومطره حلوة بعد

:p

الـبـيـرق said...

هل بات التهويل و "الكلك" الإعلامي من عاداتنا ؟! شخصياً أراها كذلك

بنت الشاميه said...

الاعلام الامني بوزارة الداخليه
لا زال يهيب بالمواطنين والمقيمنن ان يتخذوا الحذر من التقلبات الجويه التى تعبر البلاد خلال الساعات القادمه

=======
بس والله ماني شايفه احد منحكر
و قاعد بالبيت

انت ليش صدقتهم
؟؟؟؟؟؟
والله مااا يندرى عنك

AyyA said...

يا معود الديره من غير النووي و كل يوم عندنا مشاكل فنيه، هالدور مع النووي أقل غلطه و نروح جفي

ما أدري منو هذا العبقرينو اللي إقترح علينا النووي!٠
و أنا إذا كنت في هيئة الأمم كنت رفضته رفضا باتا
ما أثق لا في العاملين في الحكومه و لا في المقاولين

تحياتي

حسام بن ضرار said...

على قصة الفيلم اللي عرضه العبدالجليل

لازم يكون المبدأ في التعاطي الاعلامي مع مثل هالقضايا، هو قوله تعالى:

فتبينوا ان تصيبوا قوماً بجهالة


و شحقه شغل التهويل و المبالغات؟ و شنو الداعي لتدخل الاعلام في الموضوع

هل ستصبح فقرة العبدالجليل سنّه للتأثير على الرأي العام؟

مثل ما قالوا الشباب: بمثل هالامور، الحياد يفرض الاستماع للطرفين

nanonano said...

ما شاء الله عليكم يا الكويتيين

ما توهلون؟؟؟!!!؟

تأخرت الأمطار يوم واحد

يا حافظ..كل شي تبونه بسرعه و تفتكون..و عقب تطلع النتيجه..كلها غلط