خبر عاجل : سرت اشاعة قبل قليل تفيد بإستقالة وزير الكهرباء من منصبه
---
نكرر اشاعة
---
---
السياسة
الراي
القبس
الجريدةوالله قلة حيا
والله ناس ما تعرف الذوق شلون صاير
تعال يا مواطن قلل أستهلاكك على حسب امكانات وزارة الكهرب!!! بذمتكم هذا طلب؟؟
أحد قال وين حرامية خطة طواريء 2007 وتوابعها ؟؟ أحد سئل ولا فتح موضوع الفساد اللي نتذكره بشهر القطع المبرمج وننساه أول ما يطلع نجم سهيل؟؟؟
احنا اليوم امام خيارين اما نأتي بشعب يتناسب مع امكانات الحكومة أو حكومة تتناسب مع امكانات الشعب وحسب تجربتي
أعتقد أن الخيار الأول هو الأسهل
مو عدل؟؟
29 comments:
يبا الي قاعد يصير كله تهيئات تهيئات يا ابني
ودرجة الحراره لم تتعدى الاربعين والكهربا 100% ومحطاتهم صحتها بومب
اجرب نفسي اقدر اتماشى مع الخيار الاول ولا لا
أنا أقول شب الاتريك و حلل الكهرباء دام أنك دافع الفاتورة أول بأول
أنصحك بشراء ماكينة توليد كهربائية " سايلنت " احتياطيا، ولا مذلتهم
إحم
خبر عاجل
بلشوا بعض بيوت رميثيه بإخراج وايرات كهربا تحسب لأي طارئ والمكينه موجوده ببيت خالي قوتها 120 الف توها واصله من المزرعه والشباب مسوين لهم قطيه حق درام الديزل الي فوقهاعشان يتمتعون بالكهربا بالصيف وبراد المكيفات وربعها
قويه اذا استقال صج
ودليل واضح على ضعف الحكومه
ياليته يفعلها
فانا واحد من الناس اللي كلوها بالحــر
عدل ونص .. يمهل ولا يهمل بالحرامية
ستغفرالله من مصيبه لي مصيبه
كما قلت بالبوست السابق
هل الديره اله يستر عليها
المجلس و الحكومه ناقشوا كل شي الا الكهربا
المخجل بالامر ان اهتمامات الحياتيه للشعب
لا تطرح الا اذا قضى الامر
لا نتكلم عن التعليم الا اذا الوزير شخصية خلافيه
لا نتكلم عن الاعلام الا اذا الوزير مطلوب
لا نتكلم عن الحريات الا اذا قمعت حريه ولدنا وو لد فريجنا الي بالقطعه الي يمنا مومصيبه و الي مو منا عادي
الكهربا لين طفت صارت قصه
و غدا يوما جديد
الشريعان او غيره مو مهم المهم ان هناك محطه يجب ان تبنى منذ زمن من المسؤل عن ايقافها او سرقتها
أحسن له يستقيل..لأن تصريحاته أقبح من ذنبه
ما أعتقد الخبر صحيح ..
الوزير عازمي يعني وراه عدد مو هين من النواب وولا واحد يا صوبه بنقد قوي او تلويح باستجواب ليش يستقيل ؟
بتقولي كهربا وشعب ومادري شنو ؟ واهو شكو؟!؟!؟ أهم شي وضعه السياسي .. هذا حال كل الوزرا عندنا .. والأداء والكفاءة أشياء ثانوية
تحياتي ..
زين سوى
بيخلونه ممشة الزفر
والمسؤلين الحقيقيين يتمردشون
أبي مجلس الوزرا اللي عقد جلسة طارئة على مود يخت الحرية
وينننننه
؟؟؟؟؟؟؟
هل الشعب معفي من الذنب ؟
شعب أغلبه ما يدفع فواتير الكهربا مع أنها تكلفه فلسين للكيلوواط الواحد و تكلف الدولة
29 فلس
الدولة تدفع عنا
27 فلس
و الفلسين اللي أغلبنا ما يدفعهم نتحلطم عليهم
على قولة مسلم البراك
هل يعقل هذا الكلام ؟
:)
الخطأ مشترك يا عاجل بين الشعب المدلل و الحكومة النايمة
باختصار شعب دلوع و حكومة مو قد المسؤولية
و الشعب إذا قام يدفع اللي عليه ذيك الساعة خل يتحجى
تخصيص قطاع الكهربا و الماي راح ينهي هالمشكلة نهائياً
و سلامتكم
يستقيل !!
أحد لاقي شغل هاليومين؟
انا مع الراي الاول ان الحكومة تتبع سياسة الجويهل و تنقص عدد الشعب
الا بسالك
شنو هالوزير اللي يبي يستقيل
ليش يبي ينزل انتخابات
حكومة مؤلفه من 36 وزير على اقل ترجيح
16+20
نقطة نظام سعادة الرئيس
اخوي متفائل
شكو الشعب شكو دفع الفواتير
اقول انت شفت الناطحات اللي كل يوم تطلع بالكويت شفت المشاريع
هذي مو كهربا
انت تدري مجمع واحد او عمارة وحده تغطي فريج الى فريجيين
عندك عجز بالطاقة الانتاجية من ورى التحرير
تقولي الشعب
بغيت اسالك ايهو اكثر بالكويت بيوت الحكومة و الا السكن الخاص
ابيك تحسبها من ناحية الكم و ناحية الاستهلاك
و على قولة كاسك يا وطن
شكرا عفوا
إتصدق...
من جم يوم بالببي سي
كنت اسمع وانا بطريجي للدوام
والا يقول طواريء الكهربا..
وانقطاعها وتحميل وبلاوي...
انا ييت على نص الخبر...والا اخر شي طلعت أخبار غزّة!!!
يعني أحنا وغزّة واحد!!!!
مو شي يبجي؟
مسى الورد
Enter-Q8
هلا باخوي الحبيب
أدري بالناطحات و العمارات و مؤسسات الدولة اللي تصرف الكهربا
بس الشعب مشارك بالموضوع بإهماله و عدم دفعه لفواتير الكهربا
الحين هل تلوم العامل على شغله إذا ما عطيته فلوسه ؟؟
الحكومة مو مسؤولة انها تصرف على الشعب الكهربا ببلاش .. كل دول العالم يدفعون فواتير الكهربا إلا احنا
و لا أنا غلطان ؟
غلط أصلا انه نقول حق الناس ترشيد و اهم ما يدفعون خل يدفعون و بدون ترشيد ذيك الساعة تنحل أزمة الكهربا
العزيز متفائل
صدقني المشكله مو بالدفع
هل يوجد عجز بميزانية الكهربا اهني المقصد
هذي النقطة اللي حبيت اوضحها
عـدل وفوق العدل بعد
الحمدلله على كل حال
ليش فيه عندنه احد بهذه الامانه والجرأه عشان يستقيل؟ لو اهو مو مستذبح عالمنصب "عالطل" جان ما تفاقمت مشكلة الكهربه من البدايه اصلا
والقهر كله ، ان كل ماصار عندنا شي قطوه عالحراره ولا عالمواطنين ، ولا مره وقف ريال واحد فيهم وقال الخطأ منه
اللهم لا اعتراض
ليش يستقيل؟
خل يستقيل سموه يمكن يمشي الحال عقبه
بالمناسبة
عدلين
سمعوا هالخبر
في وزارة الأشغال يتم إطفاء التكييف و الليتات لوول ( الإضائه ) في الساعة الواحده ظهرا تماشيا مع سياسة وزارة الكهرباء و الترشيدو
"
"
"
ولكن يستمر التيار الكهربائي لتشغيل أجهزة الكمبيوتر حتى يتمكن الموظفون من إنهاء أعمالهم ....
موظفه مقهوووووورة تشتكي
إشرايكم
الله المستعان
جان زين يطلع الخبر صج...
على الله يطلع خبر استقالته
صج
شباب أنا وزير الكهربا القادم
موعلشان احل مشكلة الكهربا
لاوالله الشق هني عود
يبلله رئيس حكومة جديد
:)
الا علشان أغير تفكير الشعب الكويتي
عن نسفة غترة الشريعان
باط جبدي تقول
داش سوق الفحاحيل
على هالنسفه
:))))
وزير منظره
=====
عدل عدل
مودتي
للأسف شعب تافه لايستحق إن الحكومة تستمع له لأنه شعب نايم فلسفجي أناني دايما يتحلطم وإذا سألته شنو تبي تسوي عشان تغير الوضع ماكو إجابة. مثل هالشعب يستحق مثل هالحكومة وأردى بعد ومثل ماقال الدكتور عبدالله النفيسي (آنا غسلت إيدي من الشعب الكويتي) كلام مؤلم بس واقعي جدا. الحقوق تؤخذ ولا تعطى هذي نظريتي البسيطة. وللأسف بيت الشعر هذا يشرح وضع الكويت حاليا:
كبهيمة عمياء قاد زمامها *** أعمى على عوج الطريق الجائر
الله يرحم الحال
شحقه يستقيل ؟
بيته ما راح تنقطع عنه الكهرباء ، وبعدين إهو مو ملزوم بالناس اللي تستهلك كهرباء وايد .
خل يضحون شوية علشان الوطن الغالي !
=====
شرايك فيني وأنا مع الخيار الأول ؟
الحمدالله ما عندنا وزير للطقس
جان من زمان مغتالينه
Post a Comment