Saturday, August 28, 2010

رحموني من أم عنبر

رحـــــــــــــموني
مو معقولة اللي قاعد يحصل حرام
انا شخص مو متابع ولا أبي أتابع فندق أم عنبر أو مسلسل زوارة الخميس
كل ما أروح مكان ، مسجات ، بي بي ، ايميلات
لحق شوف المنصور وهو يبوس الهام وأنا شكو بالطقاق بعد كل البلاوي الرمضانية التي عملتها الفجر السعيد منذ منتصف التسعينات وحتى هالأيام انا ما واحد ما أعترف برمضان بغير المسلسلات التاريخية وبعض الأعمال بهدف الطنازة والتسلية لا أكثر
كل ما أروح مكان
لحق شوف مشاري البلام وهو قاعد عرقان ويقول حق المطوعة أم البراء أسف الظاهر أني تعبان
يعني الراجل ما بيعرفش
يا نهار أسود الله يحرق جدوركم يا حق
مسج تافه يقول لحق جابا ذا هنت تقول ما يهمني خدامتي تنام مع السايق المهم شغلي يمشي
من اليأس سألت سؤال حق الجماهير المتابعة الجائعة للجنس الكويتي في عصرية رمضان منو الشريف بهالمسلسل؟؟؟
شرحولي أن الوضع زفت ... فبعد آراء جابا ذا هنت في خادمتها والسايق ، ما بقي غير الكونتسية سعاد عبدالله والأطفال في المسلسل هم الوحيدين اللي مضبوطين
قلت لهم تطمنوا
أم نصيب أو جابا ذا هنت راح تطلع تاجرة هيروين والكونتسية هي اللي توزع
ما أقول الا مالت عليكم وعلى فعايلكم أنتو من صوب وبوملاقة ومليق من صوب أخباركم قاعدة تضغط على اللي ما يبي يعرف سواد ويهوكم
يعني معقولة ما في أسرة كويتية محترمة معقولة كلنا نلبس بدل ونسكن في قصور ونعيش مثل البقر معلقين في رقابها جرس يسمونه تيلفون نقال ، كلنا عايشين في المجمعات والمطاعم
ما كو شيء عدل حتى المطوع الوحيد - الإستاذ عبو - بالمسلسل تلفان قاعد يرضع ليل نهار مع وحده أسمها غرور - مالت على الأسم واللي مختاره واللي حطته - يعني تحطيم كل صورة حلوة والحجة هذا جزء من المجتمع الكويتي
يا شباب أحنا راضين بس وين الأجزاء الثانية اللي تكمل الصورة
وين الكويت الصجية ؟؟ أتحداكم تكتبون عنها لأنها راح تمنع هذا اذا عرفتوا تكتبونها لانها فوق مستواكم فوق مستوى فهمكم لذلك اخترتوا الطريق السهل جدا طريق الشوتايم
يا خسارة النجوم الكبار لما يتساقطون تحت وقع المال الرخيص وقطار المنافسة الرمضانية الذي يبدأ بالإثارة وينتهي بالكسافة وقلة الإحترام
طبعا هناك الكثير من الكثير الذي يعرض ولكن ما أزعجني هو شيء واحد هو فندق أم عنبر

27 comments:

le Koweit said...

اتفق معاك بكل حرف كتبته

انا واحد من الناس تعشمت خير بمسلسل زوارة خميس
واهو المسلسل الوحيد اللي تابعته
لكن للاسف كل ماله وينحدر مستواه
حواره اصبح مبتذل
مشاهد فيها ايحاءات جنسية
وغيره وغيره

انغشيت فيه والله !

طلعوا كلهم مثل بعض
هبة حمادة وفجر السعيد
كلكوا زي بعض :P

عاجـل said...

le Koweit

وانا مو متابعه
لكن تعبت من اللي يكلموني عنه

YusuF.AsKR said...

العمل الفني الحين أصبح صفقه تجاريه ومايربح المنتج إلا بهالاعمال المليئه بالايحاءات الجنسيه والقصص الهابطه

لاتنسى أن الجنس يشكل عامل جذب في المجتمع مهما كان محافظ وبالتالي لابد من بعض الاغراءات اللي تجذب المشاهدين لضمان نجاح العمل عالاقل تجارياً

أعتقد أن هالظاهره مو بس بالكويت بل انها موجوده بالاعمال المصريه والسوريه بعد

أوورفواار

:)

الجودي said...

في أحد مسلسلات فجر السعيد الأولى كان فيه مشهد فعلا غريب كان حسين المنصور الولد الصغير في عايله المفروض محترمه و راقيه و في مشهد كان زعلان من زوجته و مختفي عن أهله بس أخوه الكبير عرف مكانه وراح له كان المكان خاص والولد الصغير زعلان من زوجته و قاعد يشرب خمر لآن مضايق مشهد ماني قادره انساه ولا افهم مسبباته وإشلون الأخ الكبير قعد يناقشه بمشكلته مع زوجته وما كان فيه أي مشكله إن كان يشرب خمر كان الوضع حده عادي اذكر استنكرت المشهد ومن حولي استنكروه بعد

و الحين بعد أكثر من 8 سنوات إذا مو أكثر ما اذكر يطلع علينا كازينو أم عنبر بكل مافيه من شواذ القاعده فعلا شي غريب مو واحد في الأسرة لا لا لا الأمور تطورة الأسرة كلها قاضيه البنت بويه و الثانيه ترد لزوجها من ورى أهلها و الأبو العود عينه على أخت زوجته و غيره و غيره مثل ما ذكرت النقد اعتقد ماكوا درجه نقد ممكن اتوازي الإسفاف إلي بالمسلسل طبعا هذا كله جهة و اليده و اليد إلي يتصوخون على عيالهم من الأحفاد


إلا اتهقى بعد جم سنة شنو بيقدمون التطور بصراحه يخرع سنه ورى سنة


الله يحفظ هالديرة و ربي يغفر لناهالبلاوي إلي يعرضونها علينا

إيه مشاهدين المسلسل +15 وفق تقييم أبو ظبي

سوري على الإطاله

و يعطيك العافيه

كويــتي لايــعه كبــده said...

يعني هالحين بتفهمني انه طايفك مستوى الممثلين والكتاب بأغلب الحالات والبقية من العاملين بمجال الـ"فن"؟ هم كويتيين أصلا علشان يكتبون أو يمثلون لك الواقع الكويتي؟ ما بقى عراقية على سورية على إيرانية على كردية على باكستاني على سوري على بدون الا وركب اسم مستعار والا الأكبر منها وهي لقب "الكويتي" أو "الكويتية" بعد اسمها. حتى الكويتي منهم الله يستر عليه من مستوى ولك بمساخة حاليما خير مثال

فاقد الشيء لا يعطيه

شوتايم واقطع

جبريت said...

كل الي قلته كلام مغيب بالنسبه لي لانه انا ما اتابع الا الاخبار واتابع مباريات الدوري العنقريزي ان وجدت مباراة ارسنال والله يخلي الشوتايم يالله خله لامه يالله

aziz said...

اسكت بس في حلقة اليوم شكله واحد اغتصب وحدة من بناتهم (المتزوجة والحامل!). شنو هالمسلسل المؤرف.

cheese 7cake said...

ااي والله فلشلونا الله يفشلهم

اصلا وحده من رفيجاتي سعوديه تقول شسم الشارع اللي عندكم اللي اي سيارة تسفط وتركب معااه بنت قلت لها: نعم وين قاعده انتي حسبالج احنا بتايلند ...الناس ماخذه فكرة ان احنا جذي من هالمسلسلااات المنحطه اللي ما تمثل الا اصحابهاا واللحين كملتها حليمه بعد

cheese 7cake said...

وصج شنوو فندق ام عنبر اول مرة اسمع فيه مسلسل هذا ولا برنامج وعلى اي قناه؟؟

الراية said...

اكثر مسلسل بعد الفطور تحط حب وتضحك عليه من كثر السخافه والحبكه التعبانه

الا ياعاجل ماتدري ام نصيب اخر المسلسل تحب منو ؟؟

بنت الشاميه said...

عاجل انا اخالفك الراي
بالنسبه للفضاله

هذه مجاملات رمضانيه يجب ان تكون فى حدودها الاجتماعيه بعيدا عن السياسه
رئيس الوزراء قام بزياره حركه سياسيه
ليبارك برمضان بدون اي اجنده سياسيه
وعليه ان يستقبل بكل ترحيب
ويودع بكل ترحيب
وماقام به التحالف ورئيسه هو الصح ووضع الزياره باطارها الاجتماعي فقط
اما دخوله للسجن فهو بحكم محكمه وفى اطار العمل السياسي

فاذا اردنا ان نلقي اللوم على التحالف وورئيسه فالننتظر قليلا ونرى مواقفهم السياسيه مستقبلا
فهي الفيصل والحكم على التحالف كحركه

وعلي سبيل المثال
كل رموز الدوله تزور كل الرموز السياسيه بدواوينها
من معارضين ومن الموالين
ولم يتغير الوضع من قبل الدستور
ومن بعده
وخير مثال صارخ الرموز السياسيه
التي انسجنت سنة 1939 و1976
وحل مجلس 1986 ورموز دواوين الاثنين
لا زالت تستقبل
حسب ما انت ذكرت سجانيهااا
مو بس الفضاله

وفى الاخير
ترا هذا مو دفاع عن الفضاله
او عن التحالف
بس هذا هو العمل السياسي
الذى افهمه
واسفه على الاطاله

Someday said...

شوف ساهر الليل و عايزه اتجوز و وسع صدرك

enter-q8 said...

انا قايلك خلك على شيخ العرب همام
اشوه مو متابع شي

q8ity said...

لا اتعور راسك في رمضنيات الدوري الانجليزي امبلش و توه برشا فازو و الوقت الفاضي جابل 24 و لا هاوس و لا هيروز اونس

Edrak said...

http://www.nationalkuwait.com/vb/showthread.php?t=136790
شكله طافك هل اعلان

شنو صار على كتاب محمد الرشيد صرخة في وجه الحكومة ؟

عاجـل said...

(( أبوغرايم ))

مو كل خراب يقولون انه جزء من المجتمع

كلنا بدلات
كلنا جنوس
كلنا خبول
كلنا منتلفين

عاجـل said...

الجودي

استفتاء طماشة علينا

عاجـل said...

كويــتي لايــعه كبــده

والله مو طايفني ومن هيك بطلت متابعة

عاجـل said...

جبريت

زين تسوي

عاجـل said...

aziz

لا تقول لي
ما ابي اعرف شيء

عاجـل said...

cheese 7cake

لا تلومينها

من الهباب اللي شافته

عاجـل said...

الراية

ام نصيب تطلع
تدور نسوان

عاجـل said...

بنت الشاميه

اختلفي معاي كما تحبين

انا شخصت العلة بإختصار

الاحداث اللي لحقتها مجرد برهان

عاجـل said...

Someday

عايزة اتجوز داش بالحسبة
ونيس حيل

عاجـل said...

Enter-Q8

ما شي معاه زين
حلقة وحلقة

عاجـل said...

q8ity

طافح كرة
يكفي كأس العالم زهقنا
لولا واكا واكا

عاجـل said...

Edrak

جاوبتك في البنر في حزتها

والحين هم ما راح تشوف

ماكو
ماكو
ماكو

لا يوجد كتاب