Wednesday, October 06, 2010

الغرفة مع الكرة والكرة مع الغرفة

تخيلوا مجرد تخيل وليس حقيقة
أن النائب مرزوق الغانم يتلفت يمين ويسار ويقول حق زميله صالح الملا والله يا بومحمد شني تعبان وايد وبروح مايو كلينك أتعالج من بوفهاق .. وعاد ما أوصيك كمل أنت المسيرة وأستجوب رئيس الحكومة
---
طبعا هذا المشهد الخرافي ليس ببعيد أن يحصل طالما الضرب مستمر على غرفة التجارة من قبل نواب أمس واليوم والحسبة جدا واضحة ومكشوفة تيونا بالرياضة نجيكم بالغرفة ووحدة بعشر
ولو نحسبها الوضع جدا صعب على جماعة الرياضة في مقابل راحة كبيرة يعيشها الشيخ أحمد الفهد لأنه لا يخسر مثل خسارتهم فهو باق وهم تحت رحمة الإنتخابات أو الأهل اذا زعلوا عليهم
خلوني أشرح
لما يشب مرزوق ولا بوصلوح ومعاهم أبوالمكاسب المريحة عادل الصرعاوي على موضوع الرياضة ويحاول الكبار التدخل .. الثلاثة يقولون سنعوا عيالكم وبعدها نلقى عيالهم يصعدون درجة بعد درجة يعني تواطؤ رسمي من السلطة مع طلال وأخوه أحمد
لكن لما تشب فرقة الكومبارس على قانونية غرفة التجارة وتستخف صحف الغرفة دفاعا عنها والشياب رايحين رادين على الطبيب من الخوف ويحاول الكبار التدخل .. معسكر الفهد يقول قضبوا عيالكم وهنيه حطوا عشرين خط
مرزوق الغانم ينضغط في البيت وفي دواوين الضاحية والشامية وكل الدواوين المعطرة وكل ما يروح مكان يلاقي واحد انت شتبسوي فينا عشان الطمباخية؟؟؟ فكنا منها لا تخرب علينا
ومن هالكلام وايد
الحين نرجع للسطر الثاني هل تظنون أن مرزوق الغانم راح يكمل للنهاية ؟؟؟ شخصيا صعبة أتوقعها من مرزوق خصوصا ، لأن الكسرة من بقية كتلة العمل الوطني بصالح الملا أنا متوقعها جايه جايه ، خبركم فيها ناس ممكن تحلف بالعلن وترد بكلامها ثاني يوم وفيها ناس تحب تبلع لسانها مدة طويلة بعدين يطلعون لهم تخريجه ما لها معني غير احنا قلبنا
ويلا يا بوصلوح خلك مع هالعالم المهزوزة بمواقفها لأنك ما تسمع الكلام واللي ما يطيع يضيع

12 comments:

بو حامد said...

اجد الأمل دائما حين اراك

عاجــل said...

بو حامد

نفس شعوري
ولو انك مصختها في الغياب

As YoU LiKE said...

فرقة الكومبارس حسن جوهر ؟
شلونك عاجل ؟ شخبارك ؟

والله مالي شغل بالغرفة بس اللي يبيه طلال الفهد أو احمد الفهد يصير غصبن على شوارب مزروق الغانم ولعبته .. ليس حبا فيهم اما كرهاً بممزوق !

عاجــل said...

As YoU LiKE

انا بخير

منو ياب اسم حسن جوهر؟؟
محد غيرك

اجار الدين كشمش said...

والله انك ما ادري شقووول ؟

ههههه اهل الضاحيه من الحين انا اقولك
قااالوووها ..اشلنا بالكره !!!1

لكن للحين بدون وجوود مرزوق
الله اعلم جان سمعها ما ادري

بس مانبي نظلم الريال
اهو للحين واقف بحلوووجهم

فمالله

Q80 Blogger said...

اهوا ما كمّل المشوار سابقا .. لما قرر تأجيل الإستجواب لي بعد العطله الصيفيه وأهوا يدري أنّ طلال ماراح يتحرك من مكانه .. تتوقع ألحين راح يكمل المشوار ؟

أتوقع راح يكنسل الموضوع مثل ما قلت

بس ما كنت متوقع أنّ الغرفه مهمه للبعض لهذه الدرجه !!!

عين بغزي said...

أهمممممممممم

وجهة نظر تستحق الاهتمام خصوصا بعد سكوت مرزوق العجيب !!

bo bader said...

عادي

هوشة مصرية على طريقة سيب وأنا أسيب !

فريج سعود said...

والله قامت تتداعى الحصون وتسقط الواحدة تلو الأخرى

هذه تيجة حتيمة للحيد عن الحق

زين يصير فيهم

مالهم الا يسون انتخابات الاندية والغرفة بيوم واحد

علشان كل واحد يجابل شغله

ButterFlier said...

لا ياخوي مو مرزوق الغانم اللي يقص بربعة

و صدقني اول من بيصعد رىيس الوزراء بوعلى

و مو مرزوق الغانم اللي بردة مصالح ضيقة

بوعلى عندة الكويت اهم من اهلة و جماعته و تذكر كلامي

الحوري said...

عقب ما انفتحت الملفات صعب تتسكر ،،،
اعتقد ان الغرفه رايحه رايحه بسكوت مرزوق والا بوقوفه مع صالح ،،، وموضوع الرياضه لازم ينحل علشان جذيه ما اعتقد ان مرزوق يقص بربعه .
وخلاص موضوع الغرفه مو بيد مرزوق علشان يتراجع ،،، وعلي وعلى اعدائي هذا هو الحال ،،،
واحنا ما لنا الا نقعد على الحيطه ونسمع الزيطه

بروفسور حمادو said...

التيتي تنقد البطة ، و البطة تنقد التيتي

:)