Tuesday, November 02, 2010

تراك لجيتنا

والله مسخرة : هذولي ربعك يا بوصلوح .. الغانم أيد كلام الصرعاوي عن أحمد الفهد وقال ان كلامه يمثل كتلة العمل الوطني - لا رئيس ولا ناطق رسمي لها وعمرها ما صوتت شكل شكل - وردت عليه زميلتكم في العمل النضالي وعضوة الحركة الثورية الشعبية النائبة سلوى الجسار قائلة : لا عيوني انا محد يمثلني

مرة ثانية وثالثة هذولي ربعك يا صالح راح يغرقوتك وراح يطلعون منها بالزينة وراح أذكرك

---


النائب الحضري دوما والمطوع حسب الحاجة عادل الصرعاوي عاد لطريقته القديمة وهي الكلام في غير وقت الكلام والصمت في غير وقت الصمت

اليوم صرح : احمد الفهد وزير تنمية الفساد .. درينا يعني جايب شيء من عندك بس احنا مواطنين ما نقدر نحاسب وانت نائب تقدر تسوي الكثير

السيد عادل الصرعاوي ترى محد أعترض على رئاسة جاسم الخرافي غيرك ولما صارت انتخابات الرئاسة ما سجلت حتى موقف ورشحت نفسك وما خليت الرئيس ياخذها بالتزكية

عزيزي الصرعاوي احمد الفهد امامكم في الحكومات السابقة ومحد حاسبه

الله يخليك لا تسوي مثل صاحبنا صالح الملا عندك شيء وتبينا نوقف معاك ليل نهار

سووووو شيء ونفذه بسكات وخلنا ننصدم فيه الصبح وبعدها روح نام وخلنا نكمل عنك الباجي

تراكم تفشلون

8 comments:

mtfa2el said...

اذا تكلم مو زين و اذا سكت مو زين
شيسوي ؟

q8ity said...

لن يتحرك احد ضد احمد الفهد لان النتيجه معروفه و اعيد الغرفه اهم عند مرزوق والاهل و الاصدقاء و مناصبهم اهم عند الصرعاوي
و صالح الملا ما يدري شنو بيسوي قائم قائم لي متى
احمد الفهد موزع المناصب و العقود محد راح يستجوبه لو بالحلم حتي بالحلم ما يصير
اخر شي الحكومة تعترف ان الدوله مريضه و تعينه لتخطيطها صيدلي
منو اتشجع عاجل ميلان و لا مدريد ؟

الراية said...

الصرعاوي نظامه اسمع قرقرعة جدور ولا ارى طبخ

يامعود هذا ينافس القلاف في التناقض

Edrak said...

احسنت

le Koweit said...

صدقت والله...
ما عنده ما عند جدي
:)

جبريت said...

فشلونا التيار الوطني وربع الحضر كلام بكلام ابي استجواب الرياضه ما من محاسبة انسان فاسد ما من كل كلامهم فشووووووووووووش

خالف تعرف said...

الكلام هالديرة تمشي بالكلام

تنمية
مراقبة
قرارات

كله كلام بكلام

Unknown said...

الــصـرعـــاوي //

ياخي إستـــح ! جعجعه من غير طحين

أحـمد الفهد فاسد و مفسد

إنــزين ســو شـــي ؟

الـصرعاوي بيسوي نفسه بطل لكن من ورق

بطولات كلاميه ما نـــبي

نبي أفـعال



ونفس الشي الـصرعــاوي أكثر نائب يتفنن باستخدام كلمات وقحه تجاه زملائه النواب

في نائب ما تهاوش معاه ؟

من سعدون لـ دميثير مرورا بالـعمير اللي بغت توصل ل تشابك بالايادي

وسعد الشريع ، والبراك

الخ الخ الخ


شـهالنائب اللي متهاوش مع 3\4 النواب
و هو من يبدأ بقط عليهم كلام فيه من قلة التربيه والادب الكثيير


وبالاخير يقول انا مــطوع !!


مادري معايير التدين والالتزام عنده شنوووو