تحديث 2 : اجتماع عاجل لنواب كتلة الا الدستور والخيارات مفتوحة
---
تحديث : ألف ألف مبروك تم تنقيح الدستور بصورة غير مباشرة بعد أن رفعت الجلسة لعدم اكتمال النصاب
وغدا سترفع الحصانة تلقائيا عن نائب وسيحاسب رغما على المادة 110
مبروك علينا مجلس الشورى
---
مجلس الوزراء نزل بثقله متناسيا كل الشرفاء الذين ضربوا أثناء تأدية أعمالهم على سبيل المثال وأستنكر صنيعته المرشح الجاهل
---
من أجل غرفة التجارة لا مانع من نسيان تاريخ أحمد السعدون وكذلك تاريخ محمد الجويهل ولا مانع أيضا أن يلوث أسمه صدر الصفحة الأولى في جريدة محترمة معروفة بإتزانها ، اننا لا نعتب على الصحافة المصطنعة ولكن نعتب على من يتعمد كتابة ما في الصدور على لسان أداة زفرة ---
---
تعليق : النائب علي الراشد كم كنت أتمنى أن تختلف مع احمد السعدون في قضايا أخرى تستحق وليس من أجل الجويهل لأن اتهامك للسعدون وانت القاضي السابق دون دليل سقطة من المفترض ان لا تخرج منك ، نعم نختلف مع السعدون ولكن رجل بسنه ومكانته وتاريخه من المستحيل أن ينزل لهذا المستوى من البلطجة وبالمقابل انت ناصرت ممثل بارع ذو تاريخ أسود معروف عنه الكذب ولم تكتفي بإستنكار ما حصل له بل واتهمت وحددت الفاعل ورقبته بعد
25 comments:
عاجل من صجي..من صجي ما أدري شنو صار في علي الراشد..مو معقول..من أمس و أنا طايره بوهتي فيه
نانو
شوية إحترام مطلوبة لرئيس مجلس الأمة القادم
شلون رئيس مجلس أمة قادم و يدافع عن السعدون ؟؟؟
الريال شغله صح
nanonano
انا أكثر منك لانه هذه الغلطة متروكة لنواب اخرين هذا وقتهم
بالنسبة لعلي الراشد ما هي غريبة عليه !
إذا الريال يبي ينسف الدستور ، أكيد ما يهمه السعدون
والا أكو واحد عاقل يصدق خريج سجون سكير ويكذب السعدون !
بعدين لا تنسى; ان شعاره الانتخابي كان قضية المزدوجين !
كان رافع شعارها ومهتم فيها أكثر من الجويهل، عموما كفوه إذا الجويهل والقلاف ربعه
أما القبس ، من زمان صلينا عليها صلاة الجنازة .
تحياتي
bo bader
هذه المرحلة التي فقدت فيها الكثير من اعراف الممارسة الديمقراطية تتطلب القفز والمناقز على حقائق واضحة كالشمس
انا صليت اكثر من مرة بس بسكات
قلتها ياعاجل وانت الصاج ، مبروك علينا وعليكم مجلس الشورى!
بعد تدهور الأوضاع من سيء الى أسوأ
سؤال يلح علي
ألا من رجل حكيم غيور على وطنه قادر على أن يعيد الأمور الى نصابها الصحيح ؟؟
المجلسين بكبرهم مجلسي خزي وعار شللي بنترجاه منهم حتى الشرفاء منهم موقادرين على شلة الجهل والفجور
تحياتي لك وللجميع
well_serviceman
قمته
يـا سْـديـرَه
شكرا لمرورك
اللي قاعد يحصل مصيييبة يا زميلي كارثة
بس وين اللي يحس
يبون الكيكه من احمد الفهد
اشدعوه ...يا اهل البلوغات
مالكم نيه اتبرعون ؟
حق المنتخب
يعني اصدق عاد كلكم فقاره ؟
فيكم دكاتره و عيادات خاصه
ومدراء استثمار
لازم تحثهم يا عاجل
كششتيل
عاجل
اتفق معاك ببعض الامور ولكن لو انا مكان السعدون وصار هالشي جدامي ما اكمل ندوتي بصراحة @@ وبعدين ليش كل هذا الي صار ؟؟ احد يتكلم عن الدستور واحترام مواده يشوف الغلط جدامه ويسكت ؟؟ حتى لو ماله ايد بالموضوع وحتى لو الجويهل كذب مولازم اسوي شغلة تثبت جذبة الجويهل ؟؟ العقل يا جماعة نعم احنا مع فلان بس مو بالغلط بعد نوقف معاه بكل شي ترا لو نصير عادلين ولا واحد بمجلس الامة يستحق ندافع عنه لان مع الايام قاع اشوف الكويتيين يكرهون بعض مع الاسف الشديد ويمكن الفوز امس ركد الموضوع شوي وعلى الكلام الي كاتبه فوق لووووول اي والله انا اطالع رولا واقول مو جذي الواحد يلزق مو جذي علجة علجة وشدعوة معطينها ويه لوووول
السعدون تاريخه زفت
مشكلتك يا عاجل إنك منت عارف شنو تبي
nanonano حجية
على شنو ناقده على علي الراشد ؟
وايد له مواقف ماتعجبني لكن اللي يوقف مع ناس ترسخ الهمجية والتخلف وتحارب الدستور وبعدها أتقوم بالتنظير وتسوي نفسها بوالعريف .. لا يبا استريحي
بو بدر
لاعاجبتك القبس ولا أعضاء منتخبين من الشعب .. ماتقولي منو اللي عاجبك ؟
صاحبك اللي يبدولي إن خررف ؟ السعدون ؟؟
تاريخ السعدون كله أصبح عقدة نفسية إسمها كرسي الرئاسه .. عشان كرسي الرئاسه تحالف مع ناس همج لاتؤمن بالحريات ولا بالرأي الآخر
السعدون يا حبيب قلبي اللي شوي وتعبده وتسويله ديانه خاصه فيه طالب بيوم من الايام بتعديل الماده الثانية
تعرف شنو الماده الثانية حبيبي ؟ هذا انت وماشاء الله عليك كبير بالعمر المفروض اتكون فاهم
بس للأسف التطبيل والإنقياد عماكم
الماده الثانية يا بعد جبدي مو بس إنتهاك للدستور إلا تدمير للدولة بكبرها مو بس الدستور
صاك عيونك ؟ ساد اذنك ؟ ماتبي تسمع ؟ بس تبي تلحق وتطبل وتمجد ؟؟
رمز ؟ على شنو؟
وبليز بلاش مزايده دستور ومادة مادري ايش .. نعرف بالدستور اكثر منكم ، إنقياد لا يبا ما ننقاد احنا أحرار .. مواقف وطنية الحمدلله الكل يشهدلنا وعملنا للكويت لا للسعدون ولا لفلان
بسكم عباده للأشخاص فتحوا عقولكم وعيونك
كلامك كله عدله
يا فويس كويت
وازيد الاخوان المعلقين انه في احد الانتخابات
افتتح السعدون المقر الانتخابي
في الروضه للصانع املا ان يصوت له الاخوان المسلمين للرئاسه
وتجاهل افتتاح وزيارة مقر فيصل الشايع
حسافه على تاريخه
لكن السياسه كالرياضه اذا
اللاعب النجم ما يعتزل في الوقت المناسب ...يفسد كل تاريخه
وتاتيه الشتايم من الجماهير بالجمله
السعدون لم يعتبر من مشاري العنجري والخطيب والصقر
فمالله
تذكروا ..
الجويهل سينجح ويلقن اتباع السعدون والمسلم والبراك ..
والسعدون سيسقط وتستمر الحـرب !!
الراشد خلاص ياخوي عليه العوض صار مدمن على اللهج والتعظيم حق الحكومة
والقبس ياخوي صارت مثل الباقي تدافع عن عنصريتها باي طريقة انت ناسي انه اصحاب التحرك الدستورين الجدد وهذا الشي مايعجبهم يبون كل شي لهم فقط
علي الراشد ما هو الا اداة حكوميه يتفق عليه الحضر ويستمعون لكلامه على الاقل بهذه الطريقه يستطيعون ضرب خصومهم سواء كان احمد السعدون ام غيره بمجرد التلويح بالمبلغ وهو يحجي وهو ينطبق عليه ما قاله الملعون صدام حسين عن حسني مبارك
هذا مثل التلفون قد ما تحط بيه فلوس يحجي
الاهم من هذا انه ليست فقط القبس التي نسفت تاريخ السعدون بل كل الصحف النزيهه انجرت وراء كذب الجويهل وانزوت تحت عباءته
عاجل...
نعم انت مشكلتك انك مو عارف شنو تبي!؟
الوقوف مع الحق وين ما كان خسارة
الناس يوم اكتشفت وجودها مع الحالف الوطني التجاري ما ينفعها بشكل شخصي راحت لأحضان الحكومة وانقلبت بما كانت تدعي من قيم 180 درجة والسبب واضح... شيكات يمين ويسار وتصويت للمناصب الأعلى من مجرد عضو بالبرلمان ومناقصات لأشقاء وانت اللي رايح. طبعا بالمقابل لازم تطالب بتعديل الدستور وتهاجم ظل السعدون وتكون رأس الحربة في خطة السلطة الغير محترمة في تعزيز العنصرية الخ
وبالنهاية أنا ودي أنام بمردانك أكثر لكن انت من كبار المدونين ومن تكتيك النقاش ما أقدر فخلني أفتر على الباجين
كويــتي لايــعه كبــده - ضد رفع الحصانة
انا ما عندي مشاكل كلش
بالعكس مرتاح ما أقوله في أول بوست هو نفسه ما أقوله اليوم
لان الوقوف على المبدأ راحة نفسية
اما مرداني فنام فيها في الصيف بصراحة بالجو البارد ما اتحمل
نانونانو...
علي الراشد ينقد عليه!؟
راعي "كلونا البدو" والقاضي السابق اللي يتلاعب بتحديد الإتهامات والكاذب بنزع حصانته بالماضي بسبب قضية والمنقلب 100% عن كل ما كان دون ذرة حياء... ما ينقد عليه
يجب عليك استخدام كلمات مثل "همج" و"تخلف" وتعزيز العنصرية. جذيه يكون اللي يعرف السياسة... شوف شنو اللي يربحك شخصيا ولا تلتفت للحق والباطل بالأمور فهذا كلام سذج. شوفينا بالتحالف الوطني التجاري كسرنا بأميننا خالد الفضالة ورميناه وهو منا وفينا علشان يحوشنا طشار من تنمية أحمد الفهد. البلد يحترق؟ عساه يحترق بس على الأقل احنا ضبنا نفسنا
بو بدر...
بسكم عبادة للأشخاص! ما تشوني ما نقزت الا بعد تطرقكم لعلي الراشد؟
هذا وانت الكبير اللي المفروض فاهم!؟ لا تزايدون (دائما بصفة الجمع) علينا (صفة الجمع أيضا) نعرف الدستور أكثر منكم حتى لو بندوس عليه ونساند اللي قاعد يكسره ميخالف. بعدين يا كبيرهم ليش ما تتحلى بالأخلاق اللي تكتكت منا (صفة الجمع) وأنا خير مثال؟
السعدون؟ منو السعدون؟ وأي تاريخ؟ ننسفه ونكذب أبو التاريخ... لا من 36 سنة (ما شاء الله) من رفض الإغراءات والصمود على المبادئ اللي غيره ما كمل دورتين الا وانقلب على راسه ولا من مؤتمر جده والوقفة البطولية التاريخية واذا ما تعرف التاريخ أو تقراه مثل ما نشتهي فعليك الرجوع له. صاك عيونك؟ ساد خشمك عن ريحة الراشد وفساده؟ لا عيوني بطلهم واستنشق كرسي الرئاسة القادم... الخرافي الحكومي اللي تحايل على الدستور في أواخر الثمانينات مو أحسن من الراشد اللي عينه على كرسي الرئاسة بعد الخرافي والمكتسبات؟ انت بس اسأل الخرافي وهو يقول لك.
القناعة العامة بالبلد أن البلد رايح فأخذ اللي يطلع بيدك وتم ترسيخها من فوق لي تحت وانت جاي –عفوا- ياي تكلمنا عن حق وباطل؟ لا عاجبك لا القبس ولا ملاكها ولا أعضاء منتخبهم الشعب؟ حبيبي بس احنا لنا الحق ما تعجبنا أعضاء منتخبها الشعب. هم همج وتخلف وحتى لو نزيهين نطعن فيهم ولو أصحاب شهادات عليا هم احنا احسن لو احنا طرق شهادة الثانوية. احنا أحرار... ننكب أمين تحالفنا مقابل صفقات الأبواب المسكرة ونشغل أنفسنا بالكلام عن المبادئ والمساواة وأول اختبار لها نبط على الويه!
بليز حبيبي بليز
عاجل...
خل الراحة النفسية لك
وخل كرسي الرئاسة القادم والمناقصات والصفقات لنا
واللي اختشو ماتو
Post a Comment