Thursday, August 06, 2009

حرقوها

شوية تأبين على القليل من التبرك بالقبور مع قفشتين من صحف الفتنة
ونص كوب من ياسر الحبيب ورطلين من ثوابت هذولي وثوابت هذولاك
وقلاص ونص من صمت العقلاء واصحاب القرار
حطوهم في جدر وخلطوهم شوي وتحتهم نار مو هادية
تصنعون اكبر قنبلة تفجر بالكويت واللي فيها

55 comments:

bo bader said...

أهم مكون هو صمت العقلاء واصحاب القرار !!

لييييييييييييييييش ؟؟

بنت الشامية said...

كلنا فى قارب واحد من 300 سنه
والديره مو ناقصه فتنه جديده نظيفها على الفتن الموجوده
الرحمه زينه فى الديره
ابعدوا كبريت الفتنه عن نفط السياسه
لكى لا نحترق جميعا
والتاريخ ملئ بالامثال
فلنحذر هذه الفتنه

ZooZ "3grbgr" said...

ياربي

مادري ليش اشوفها سخافه

ما اصدق يكبرون المواضيع جذي

ودي اقولهم

get a life !!

Bad-Ran said...

الشعب الكويتي عايش وهم الوحدة الوطنية .. شعب عنصري و متعصب

حسام بن ضرار said...

و ليش الشباب محترين من الفرقان المهري ما يمثل الاخوة الشيعه بعمومهم و الكثير منهم يستنكر مواقفه؟

و ارجوا من بعض اللي يدندون ليل نهار انهم ضد مواقف المهري ان يتحملون رأي الآخر في تصريحاته و مواقفه الطائفيه

اذا بيضرب ... اكيد بيحصل له من يرد عليه

هذا واقع و الكل يدري ان لكل فعل ردة فعل

كويــتي لايــعه كبــده said...

""
ونص من صمت العقلاء واصحاب القرار
""

يعني مو اصحاب القرار هم اللي متعمدينها!؟


المهري يبيله اللي يسد حلجه

C'est La Vie said...

ربعنا لي متى هذي سوالفهم؟

أحمد الحيدر said...

والله ما يرتاحون لما يشوفون الكويت باللي فيها تحترق ..

لكن شنقول ..

الشرهة على اللي يقدر عليهم وساكت ..

عنيف said...

صادق صادق لكن ليش العقلاء ساكتين هذا الي باط جبدي وين الكتاب الي ما يكتبون عنهم بس قاعدين يأججون الفتن وين السياسيين وين شيابنا يتكلمون عن الزمن الجميل وين وايد ناس لازم تقول عنهم وينهم

حسام بن ضرار said...
This comment has been removed by the author.
طموحة مملوحة said...

مجلة الفرقان اول كنت اقراها بس لقيت وايد مواضيع طائفية حتى وان كانت تمثل المجلة مذهبي لا يعني ان ارضى بكل ما يكتب علشان جذي ماقمت اقراها الحين

{~المباركية~} said...

عاد ليش او شالمناسبه يسون جذي
مالقوا مشاكل وفتن حبوا يشغلون فتن يديده

حياتي هدف مو عبث said...

ترى عادي كل واحد يكتب والثاني يرد عليه وهذا أمر جداً طبيعي ومافيه أي مشكله وكذلك يدل على الاهتمام لكن
الحساسية الزايدة من الطرفين أكبر خطأ
:)

Enter-Q8 said...

تكفى شوف حكومة بو مهدي شنو مسويه مع الكاتب ماله ابو شخه شنو قايل
نظام ولعها ولعها

Eng_Q8 said...

شنسويلهم

يبا في ناس يبونها تولع

mantovani said...

العقلاء قاعدين يلطمون على سيد القمني

مانتوفاني

Miss-Q8 said...

مادري شاللي يزعل بالموضوع = )
؟

الديوانية said...

على الرغم من انني بعيد كل البعدعن اطروحات الفرقان وما تمثله . الا ما انني اوافقهم 100% فيما ذهبوا من الدفاع عن ابن تيمية لانهم من اعلام الامة والامة التي لا تحترم اعلامهإ وعلمائها امة لا تستحق ان تعيش . وثانيا : الخطر الفارسي موجود رغما عن انف من يريدون ان يوهمونا ان ايران صديقة لنا . ايران واسرائيل وجهان لعملة واحدة يجب الحذر من الاثنين. يقول الشاعر (( اقرا التاريخ اذ فيه العبر *** ضل قوم ليس يدرون الخبر )) الحوادث التاريخية كلها شاهدة على الغدر والخيانة لدى الفرس ضد العرب ____ فمن الذي فتح ابواب بغدا لتيمور لنك اليس نصير الدين الطوسي الذي يترحم علية المقبور الخميني ولماذا يترحم علية ؟؟؟ لانه ساهم في قتل مئات الاف من السنة على يد المغول في ليلة وضحاها --- ثم قولولي بالله عليكم لو امر الخامنائي المهري وغيرة بعصيان الحاكم والالتحاق بجنوب العراق في حال قامة دولة شيعية في جنوب العراق هل سيقولون لا

الا الاخوة جميعا :::

ما نريدة هو المصارحة والمكاشفة
وايضا الشجاعة السياسية والاستعداد كدولة للاسوا لان الضعف التي تعيش فية الكويت هذة الايام شي لا يحتمل

اللهم احفظ الكويت وكل اهلها المخلصيين اللهم امين

بو حامد said...

تكلموا عن الصحابه سكتنا قلنا بلاش حتى لا نخدش حياء الوحده الوطنية

فجروا بموكب الأمير قلنا عادي اهم شي الوحده الوطنية

اول من استخدم سياسه تعيين الشيعة قرب وزراء الشيعة قلنا طوف احنا اكبر


طلعوا بمظاهره وسكروا شوارع الرميثيه وشايلين توابيت قلنا مشي اهم شي الاخلاق

تكلموا عن أأمة السنه نسكت عادي


اشكره عيني عينك ينحاش ياسر الحبيب وغيره نقول عادي احنا اكبر


السنه بغوانتنامو كلوا تبن ولا احد تحرك تحرك جدي وعدنان يطلع من تفجيرات مكه بيوم وليله


واذا احد فينا تكلم ولا دافع ولا كان له رده فعل نقوله لحظه انتا غلطان وقاعد تضرب بالوحده الوطنيه ؟

سمو لي موقف واحد من مواقف السادة نواب الشيعة يساهم بتعزيز مفهوم الوحدة الوطنية ؟

aChar said...

What did al Forqan do wrong?

Oh wait yes.. just because they are islamic?

They have freedom of speech which is in our Distor! And they were talking about IRAN! not anyone in kuwait...

SO WHATS THE BIG DEAL? I see Aldar newspaper as the one causing the trouble either way....

btw: are you shee3i?

aChar said...

بو حامد


Thank you ! :)

You said it better.

aChar said...

سؤال: في احد قرأ رد رئيس تحرير المحلة بالوطن؟

من التعليقات امبين محد قرئ و حكمين من الظاهر
...

لما المهري سب شيخ الاسلام عادي؟
وهو رمز من رموز السنة...

ولكن التطاول على مهري غلط؟

what a double standard!

فريج سعود said...

قلناها من قبل

المهري حلاته ساكت

والفرقان مو مقصرين عدد وترك ضرب بعقائد الشيعة وبالمانشت العريض






بوحامد


نسيت حوت المرينا ترى الي مدخله شيعي بعد

Q80 Blogger said...

الي يبي يحرق الديره اهو المهري

منو اهو عشان يتعرض لرمز من رموز الإسلام .. ؟

وتبون الناس تسكت ؟

في احد غلط على رموز الشيعه .. عشان يرد علينا بأن الي يتبع ابن تيميه ماله مكان في الكويت !!

ابشركم .. اذا طبقنا هذا القرار .. ماكو احد راح يظل بالديره

Enter-Q8 said...

اقول عاد بلا مهايط و حيا ماله داعي
بطوا الدمل و قولوها
منو اللي ورى محمود حيدر
و مخليه يتكلم و يشعلل الوضع
اهني مربط الفرس

DGmaT_SharaF said...

Bad-Ran said...
الشعب الكويتي عايش وهم الوحدة الوطنية .. شعب عنصري و متعصب

August 6, 2009 4:


صح لسانك ..
ومن امن العقوبة اساء الادب!!؟؟
لا وطالعلنا صالح عاشور ويقول حتى لو المقصود رئيس الاركان الايراني مانرضى عليه لانهم جيرانا !!؟؟؟

Edrak said...

مال اجمعهم كلهم و احرقهم اب بانزين

ليبرالي تائب said...

ان الحمد لله نحمده ونستعينه ونستهديه ونستغفره ونعوذ بالله من شرور انفسنا وسيئات اعمالنا من يهده الله فلا مضل له ومن يضلل فلا هادي له واشهد الا اله الا الله وان محمدا عبده ورسوله صلى الله عليه وعلى اله وصحبه اجمعين ورضي الله عن خلفاءه الخمسة ابي بكر وعمر وعثمان وعلي ومعاوية وعلى بني امية اجمعين والتابعين وتابعيهم الى يوم الدين و انّا معهم باحسان الى يوم الدين ومبارك البذالي وعثمان الخميس و بن جبرين... وبعد

الحل الوحيد للقضاء على الطائفية واجتثاثها من عروقها هو بابادة الفرق المخالفة لشريعة السلام وطرد المشركين من جزيرة العرب وجزيرة العرب تمتد من اليمن جنوبا الى الكويت شمالا.

أهل شرق said...

الله يهيدهم هالي عندهم نعرة الطائفية

ياجماعه فكروا شوي بحال ومصلحة هالبلد ترى قاعدين نحرق بعضنا البعض واحنا ماندري

لكم دينكم ولي دين وفكونا

وهالحكومة لها 1000 دين ومذهب
يعني مذهبهم مذهب الطرمبة

فهموا ولاتصيرون مغفلين عن ألاعيب الحكومة

ترى ماعندكم غير هالديرة
واذا حرقتوها بالطائفية ماتقولون وين بتولون

ام سؤلك عن العقلاء
اعتقد ان كل مواطن يحب هالارض لازم يكون عنده عقل ويخاف على هالديره

عاجــل said...

bo bader

انا مثلك ودي اعرف ليش

عاجــل said...

بنت الشامية

والله اللي قاعد اشوفه ان الجماعة ماشين بطريقهم ولا كأن في البد غيرهم

عاجــل said...

ZooZ "3grbgr"

الحياة لديهم أضيق مما تتخيلين
مع ان الله عطي ووسع

عاجــل said...

Bad-Ran

المشكلة اني مو لاقي وايد يقولون هالطرفين خل يسكتون احسن لهم

عاجــل said...

حسام بن ضرار

ومن اللي بدا
انت
لا انت
لا انت

وآخرتها

خل يسكتون اثنينهم

عاجــل said...

كويــتي لايــعه كبــده

هو وكل واحد يطرح مثل هالكلام
واصحاب القرار
اضعف من السيطرة على اللعبة اللي خلقوها وبلشونا فيها

عاجــل said...

C'est La Vie

لما يبقى في الكرة الأرضية غيرهم

عاجــل said...

أحمد الحيدر

شرهنا لما نشف ريقنا

عاجــل said...

عنيف

يا مسافرين

يا خايفين يتفشلون لان محد ملتفت صوبهم

عاجــل said...

طموحة مملوحة

أصلا شنو الإبداع فيها
كلها نقل بنقل والتفكير بالجديد لان العلماء قالوا وانتهى الامر

عاجــل said...

{~المباركية~}

لما لقوا الضعف نفذوا منه
هذولي يحبون هالأجواء

عاجــل said...

حياتي هدف مو عبث

هذا مو نقاش
هذي فتن وتفرقة

ياريت كان في حوار اصلا

عاجــل said...

Enter-Q8

عاد هذولي عبالهم ان اللي قاعد يسوونه
وايد

ما يدرون ان النار راح تحرقهم اول ناس

عاجــل said...

Eng_Q8

وين الإطفائي

عاجــل said...

mantovani

سيد القمنى خذا الجائزة وخلص
بعد ليش اللطم

بعدين نحن بحاجة لأكثر من اللطم

عاجــل said...

Miss-Q8

سلامتك

بس في موجه غبار راح تعدي بعد كم ساعة

عاجــل said...

الديوانية

يبا ما راح يخلصون لانهم على النقيض
ولا شلون السلفي يعيش راح يجابل الرافضة

والشيعي شلون ما ينام بدون ما يبوس يزيد ومعاوية

خل يسكتون ترى احنا ما نتحمل نخسر وطنا وامنا عشان احد

عاجــل said...

بو حامد

والحل

نروح نخيط حلوجهم ؟؟
ولا اللي نجابل اللي فتح لهم الطريق

عاجــل said...

aChar

ليش تسألني بيني وبينك

انا شيعي ولا سني ؟؟؟

عاجل الحين صار سني ولا شيعي؟؟

هزلت

عاجــل said...

فريج سعود

لما توقف عند حادثة على طول تتصنف
مع انك قبلها عندك موقف من غيرها
والكل سوا


المشكلة اكبر من طرفين
المشكلة في ثقافة تسامح قاعدة تندثر

عاجــل said...

Q80 Blogger

ابن تيمية
مات الله يرحمه وعلمه خلده حتى يومنا الحاضر
وابشرك عنده حصانة اقوى من النواب
ودليلك ان المدافعين عنه محاوطينه من كل صوب

السؤال منو يقدر يقتل الميت؟؟؟ولا يمحي سيرتة؟؟؟

شفت شلون الوقت قاعد يضيع
والوطن يتفلش

عاجــل said...

Enter-Q8

الارضية خصبة
وجاء الوقت المناسب
ولا قبل هالسوالف متروكة للكمبارس

اليوم الصكة بين النواب

عاجــل said...

Edrak

حتى هذا الحل ما راح ينهي الإشكال
ولا كنا ارتحنا من الف سنة واكثر

الحل في تعزيز التسامح
ونبذ المشاحنات

عاجــل said...

ليبرالي تائب

ادري انك قاعد تنكت

ولا ما شاء الله كم حرب الواحد بيدشها
مع الفرق ولا النصاري ولا اليهود ولا الملاحدةووووو

يا قوي

عاجــل said...

أهل شرق


الدنيا حلوة وواسعة لكن وين اللي يرضى بوجود الإختلاف

Common_Sense said...

في الكويت لا يوجد شي اسمه ثقافة التسامح