Tuesday, August 11, 2009

أخاف صج؟؟؟

ممنوع العناق أو التقبيل
لا والله من صجكم؟؟
شايفيني طايح له تلمم في سولاف فواخرجي ولا هي مغرقتني بالقبلات
مثلا مثلا
نيكول كيدمان متعودة تسحبني لما اسلم عليها وتمطخ فيني وانا امسح سعابيلها ولا حمرتها بإيدي
يا وزارة الصحة
انا مقاطع سلام الرياييل من زمان
والحريم من بعيد لبعيد
يعني قصدكم تبون تحروني
تبون تقلبون علي المواجع
يبا بلاكم تلاقونه بمكان ثاني مو بالتقبيل والعناق
وسلمللي على انفوخنزور

48 comments:

t.q8 said...

ههههههههههه
لوول
يبا ليش تفهمهم غلط
على نياتهم موقاصدين
وعلى شان يرضون الناس ان يقولون
احنى مهتمين بالموضوع ومسيطرين عليه بس الباقي عليكم

حياتي هدف مو عبث said...

على الأقل تفتك من ريحة نفس الناس اللي تلوع الجبد ولا من ريحتهم الصجية

ma6goog said...

حسافة

عاد انا محترف عناق و تقبيل

كويــتي لايــعه كبــده said...

قصدهم يقللون من فرص الانتشار

بس يعني شلون بالديوانية "الله بالخير الله بالخير" من بعيد؟

الشباب ما يجيب راسهم الا البوس
(من غير سعابيل)

هالحـــــزة said...

ركز على كلمة القبلات ...

كااااااااااااااااااك

عنيف said...

اي خلهم يمنعونا من التقبيل والسوالف

من زمان ما نبي تقبيل


ياخي ناس ماكله بصل وناس ما تفرش وناس مكثرة ثوم اقوم اقبلها

اذا قال ليش ما قبلتني اقول وزارة الصحه قالت مو انا

another day said...

صـــــــــــــج

زيـن واللـه

إنه منعونــا

تدري لان إحنا عيـال

NEW YORK CITY

THAT S why

لا عنــــــــــــــــاق ولا تقبيــــــــــل بعد اليــوم


وتأبه المرؤة

ayo0oh said...

لووووووووول

اي والله عاد احنا البنات ستمية بوسه بالخد الواحد

وغير اللمه الي جنه فينا نقص مااااانفج لي باجر ماكو مشكلة

المهم نعبر عن الشوق والوله

جنة الحواس said...

أمي من قرت هالمسج و هي مصدقة

و موراضية تروح تسلم على أختي اللي توها رادة من أمريكا


يعني في ناس أمي تنفع معاهم هالمسجات
:/

ChEMiCaL-ENG said...

السلام عليكم


اهديك هذا البوست من شقران


< http://shagranq8.blogspot.com/2009/03/blog-post_26.html >

أبو الدســتور said...

انطر رمضان ياي و بينتشر بعد الفطور

Q80 Blogger said...

عناق !!!!!!

وين هذا ؟

Mok said...

hahahahahahahahahq

اجار الدين كشمش said...

الفندق اللي انا ساكن فيه مقابله اكوا

قهوه وبار ..وانا كل قاعد

في البلكوونه اشوفهم ..من الساعه سبع المغرب الي طلوع الفير البووس ما يوقف بين الازواج اللي يرتادوونه

وانا تيني مسجات من الكويت تقووول الكويت تنصح بعدم البوس الخدي ..!!!1
يعني الحين وزارة الصحه ماااشااافت هالعالم
اششلون يتباوسون ..خطر يشفط معدتها بالسانه...وهي زوجته !!!1
فماالله

{~المباركية~} said...

الشفايف انفع

فريج سعود said...

ليلحين مو راضي تنسى سلافو

يبا الطيور طارت بأرزاقها

أحمد الحيدر said...

:)))

Blog 3amty said...

أي والله أي والله !

Snow White said...

أحسن قرار اتخذته وزارة الصحه لول :))

ZooZ "3grbgr" said...

بوست ريتد

:p~~

Chaotic pOsha said...

لا ويبونا نحط كمامات بالمدارس لول

وزارة شكبرها مهي عارفة تتعامل مع مرض ماينقالة خطير

خلني ساكته

Enter-Q8 said...

هات بوسه يا راجل

حَافِـيَةُ الَقَدمَيّـنْ ولِبَاسِي المَطـرْ said...

لي داومنا
شراح يصير فينا :|
عز الله محد بيتحطم الا البويات p;

AuThoress said...

احسن.. شعب يموت بالقبلات بين الجنس الواحد.. وشلونك وشخبارك ـ وماسكين أيدين بعض ـ للمزيد من انتشار كل الامراض


شفيها : مساء الخير من بعيد ـ مترـ مع ابتسامة صغيرة؟

يعني صج يحبون بعض الناس لدرجة التقبيل والاحضان كلما التقوا؟


عادات وتخاريف

عاجــل said...

t.q8

انزين خل يحلونها بسكات مو يقلبون علينا المواجع

عاجــل said...

حياتي هدف مو عبث

انا مفتك خلقه

عاجــل said...

ma6goog

شدعوه بيردك التحذير؟؟

عاجــل said...

كويــتي لايــعه كبــده

يقللون طل
اصلا لولا اننا بالصيف شان شفت العالم مسدحة بالشوارع

الحر فاكنا

عاجــل said...

هالحـــــزة

العناق اقوى

لانه لا عناق بدون قبلات

عاجــل said...

عنيف

وانت تبي الصحة

تحطها براسهم

عاجــل said...

another day

انا اعتزلت قبل لا العب

عاجــل said...

ayo0oh

ممكن تحسبوني معاكم لمدة ساعة

عاجــل said...

جنة الحواس

حتى مع الوالد؟؟

عاجــل said...

ChEMiCaL-ENG

شكرا

عاجــل said...

أبو الدســتور

شكله شذي

بيضرب عدل

عاجــل said...

Q80 Blogger

يقولون عندنا

عاجــل said...

Mok

اضحك
اضحك

شيء يضحك

عاجــل said...

اجار الدين كشمش

اصلا غلطان انك تفتح تلفونك

بس حسافة شكلك مقزرها مطالع بس

عاجــل said...

{~المباركية~}

الكويتي انفع

عاجــل said...

فريج سعود

اولا اسمها سولاف
بس عشان لا نخسر بعض

ثانيا
الطيور ما طارت

ثالثا
انا راسي يابس

عاجــل said...

أحمد الحيدر

ادري

من التلمم مو قادر حتى تكتب حرفين

عاجــل said...

Blog 3amty

أووووووسا

عاجــل said...

Snow White


لا احسن ولا بطيخ

هذولي

يبون يحروني

عاجــل said...

ZooZ "3grbgr"

انا اكتب حق 18 وفوق من زمان

وغالبا ابث بعد 12 ليلا

عاجــل said...

Chaotic pOsha

لا يبا لا تسكتين

قولي
قولي

هذي سالفة والله

عاد احنا كلش ما نحب الشماته

عاجــل said...

Enter-Q8


لا يحوشك

عاجــل said...

حَافِـيَةُ الَقَدمَيّـنْ ولِبَاسِي المَطـرْ

دزوهم علينا بالقهوة

صدقيني راح نطلع انوثتهم
من خلال العصر والدبغ والتشحيم

عاجــل said...

AuThoress

انا اؤيد

السلام من بعيد

فيما عدا حالات استثانية جدا جدا