Thursday, August 13, 2009

شلون تحترمكم؟؟؟

قبل ما أبدأ أعلن تضامني مع الدكتورة معصومة المبارك ضد كل من يهددها
والسؤال المهم الآن ليس من الفاعل ؟؟ ولكن كيف دخلت رسالة التهديد الى مكتبها؟؟
والله يخليكم لا يطلع الفاعل بنغالي مثل الفقير اللي كسر مكاتب مجلس الامة عشان يدور على اكل
عندكم كاميرات الامن راجعوها زين ولا تنسون ترى الدوس خفيف في مجلس الأمة هاليومين
يعني بيطلع يطلع
---
بعض النواب الذين منحوا الثقة لوزير الداخلية والذين هم اليوم من المتحمسين حضور الجلسة الطارئة لموضوع المسرحين مصدومين من تضارب تصريحات الحكومة
مرة تقول بحضر ومرة ثانية تقول ما ني حاضرة
وازيدكم
مرة تخلي الوافد يحول اقامته بدون موافقة الكفيل واليوم تلحس كلامها وتقول لازم اذن من الكفيل
تدرون ليش قاعدة تلعب معاكم ؟؟
اولا هذي عوايدها
ثانيا فوق البيعة عطيتوها 30 صوت وقلتوا لها يلا أرمحي
تبونها تحترمكم
أكو وصفتين
اولا : لا تصفون معاها
ثانيا : لما تشوفونها تسوى الصح لا تشكرونها وايد

27 comments:

طموحة مملوحة said...

احم احم


ماتقدر الحكومة تعالج المشكلة الي بظهري :( ؟؟؟

ButterFlier said...

ناصر المحمد صلى بالمجلس شرق

ma6goog said...

موضوعك مو مهم

و موضوع الارهاب مو مهم

الموضوع المهم رسالة التهديد للفلكي عادل السعدون

Dakhtar Blue said...

منو مهدد منو؟

شسالفة؟ ما شفت شي بالجرايد!

Chaotic pOsha said...

الصراحة حتى انا ماني عارفة شسالفة ممكن توضحون

A.H said...

for Dakhtar Blue and Chaotic pOsha thisl is the link from Al-aan e-newspaper

http://www.alaan.cc/pagedetails.asp?nid=37412&cid=48

مشكلة تكبر كل يوم جدامنا وإحنا بس إنتطمش
القبس إلى الآن هي الوحيدة اللي قاعدة تتفاعل مع المشكلة بتوازن.

ابوالوليد said...

اللي مهتمين باجلسة المسرحين من النواب يبون يبيضون الوجه بعد سواده

حامض على بوزه

bo bader said...

الحين بعد ما عطوا الحكومة
Carte blanche !

تأخرتوا وايد يا نوائب ونائبات الأمة !

الباص مشى عنكم من زمان !

Enter-Q8 said...

ما ادري ليش اتذكر المصري لما يقول اتصدق امبارح خدت خازوق محترم

طنط معصومة تقول ان الرساله فيها صور يا معود من اللحين اعلن انا مالي شغل و اتذكر مقولة النفيسي لحادث الجارالله لما واحد من الحضور قال زين خل يفكونا منه فرد عليه و قاله خلاص اجل اقبل هالمبدئ على نفسك

عنيف said...

شلون جذي مهددين معصومه ومهددين الخرينج ومهددين الله العالم منو بعد بيطلع لنا هاليومين

ما يهددون الا الحكوميين؟؟؟

معقوله؟

أبو الدســتور said...

تصدق
شلون البنغالي كسر الابواب
وتبعتها الرسالة
شنو اللي قاعد يصير بحرس المجلس
ولا بس علينا التدقيق
لما ندش عندهم

q8mirror said...

اللي ذكروه بالتلفزيون ان الرسالة وصلت ها عبر بريدها الالكتروني!!!؟

Dakhtar Blue said...

أحلى مافي الموضوع

نسخة الرسالة على موقع جريدة الوطن... ونسخة الرسالة على موقع جريدة الجريدة

جريدة الوطن شالت "عيال أحمد" من الرسالة... وجريدة الجريدة خلتها

مادري ليش يعني!؟

t.q8 said...

بس سؤال
شنو محتوا الرساله!!

كويــتي لايــعه كبــده said...

أولا لا تظلمون البنغالي
يمكن يحفظون القضية لقلة الأدلة مثل علي الخليفة وأحمد الفهد
مو القانون على الجميع؟

ثانيا منو يقول انها تحترمهم أو تحترم نفسها أصلا؟

خلهم يحترمون نفسهم والشعب اللي نصبهم بعدين يصير خير

أهل شرق said...

فات القطار

والحكومة شفطت

حياتي هدف مو عبث said...

أنا ليش محد يهددني
:(

ولاّدة said...

الاحترام عملية تبادلية وهو مفقود بين جميع الأطراف في اللعبة السياسية

الحكومة لا تحترم لا الشعب ولا نوابه
النواب لا يحترمون الشعب ولا حكومته
الشعب لا يحترم لا النواب ولا الحكومة


ما باقي إلا شوية احترام من بعض الشعب للبعض الآخر
وبالمناسبة آنا أحترمك عاجل
:)

سرحان said...

حكومة أطفال

ZooZ "3grbgr" said...

في وصفه ثالثه


اســتــعــدلــوا



ولا شرايك؟؟

ZooZ "3grbgr" said...

على فكره

مو بو وليد كان عنده دوره عالفوتوشوب؟؟

تهقى هذي مخرجات الدورة؟؟

هههههههه

بو وليد

ان نادوك كلنا متضامنين معاك

بس بالكلام

:")

Eng_Q8 said...

هل اقدر اقول ان خالد العتيبي سبب من اسباب هذي الرساله :p

Enter-Q8 said...

يوبا الصورة الوحيدة اللي سويتها لمعصومة عند ام السعف و الليف لما قالت تشابه منو ما حطيت صورتها
حطيت فريد شوقي لابس حجاب بس فقط لا غير
عالفكرة ترى عاجل اهو اللي يصمم و انا انشر له
و كاسك يا وطن اهو اللي عنده السيرفر وزوز اهي اللي عندها الايميلات
و خروا عني ما اعرفكم يعني شنو تدوين اصلا انا عبالي شات

Eng_Q8 said...

انتر

لوووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووول

قتلتني حسبي الله عليك

ماعرفكمممممش انته مييين

ZooZ "3grbgr" said...

ظهر الحق

الرسالة اللي هددتها مكتوبه
مو بالايميل

يعني انا طلعت براءه ياهووو

آل تشات آل

:p~~

أهل شرق said...

حكومة تحترم شعبها

تحط احمد الفهد واحمد العبدالله بالوزارة

Um il sa3af wil leef said...

كسر الباب يدور أكل؟
:)