Thursday, October 08, 2009

عدالة العدالة

اعتصام صورناه على الماشي أمام مجلس الأمة نفذه صباح اليوم طلبة كويتيون يدرسون بالثانويات السعودية المسائية والتي رفضت وزارة التربية الإعتراف بشهاداتهم
وقد حضر النائب على الدقباسي جانبا من الإعتصام
---
خبر : قناة العدالة فصلت مذيع ومعد البرنامج الذي استضافة الجويهل
---
تعليق : المفروض القناة تفصل نفسها عن العمل

24 comments:

جبريت said...

ههههههههههههههههه

فقير واهو شكو؟؟؟

بعد الجويهل دفع فلوسه وقال ابي احد يستضيفني ببلاش اهي ؟؟

ياللع ما عليه الجويهل يوظفه بقناة داخل السور مالته مادري شسمها لووول

وخوووووش عداله يا عداله انكم ما فصلتوا المعد الي المفروض ينفصل وفوقه المصورين الي صوروا والفراش الي غسل القلاصات بعد ما زقهم الجويهل زقوم ببطنه

nanonano said...

الصج
الصج
الصج

و أسمح لي عاجل

مو مهم..المذيع أو المعد اللي يقبل أن يشتغل في جذي فضائيات..خل يتحمل عواقب تعامله مع جذي أشكال

مَـــــعْــــمَــــعَـــــه said...

ضحوا بالورع لانه الحلقة الاضعف بس زين يسوون فيه خل نفتك من مرتزقة الاعلام

عاجـل said...

جبريت(عنيف سابقاً


اسم قناته الجديدة

سور الكويت

واللي موعاجبه
خل يدش بطوفته

عاجـل said...

nanonano

طريقة التعامل تضحك وتثير الإستغراب
اما ليش اشتغلوا هناك
ترى في طابور طويل من العاملين في قنوات من الوطن حتى فلاش

هذولي موعارفين او مو حاسين ان في شيء غلط

عاجـل said...

مَـــــعْــــمَــــعَـــــه

تقطع غصن وينبت مكانه عشرة

لازم الفساد يجتث من جذوره

هالحـــــزة said...

على قولة - ابلة سلوي - القناة الى راح تخسرني ...

جبريت said...

همينه ردينه على الشهادات؟؟؟

ما خلصنا من سالفة الشهادات شنو هذا كل يوم بسالفه وطاليعن بسالفه مو هالنواب الله بالخير اي شي يفيد مصالحهم راحوا وراها

هالحـــــزة said...

أيــــــــه عفية عليج خالتي موضي عندج ايااااااااهم ,, الطالب عندنا يدرس فرنسي وانجليزي وياكل هوى , والافندين يرحون السعودية دقدقه ووناسة وهياته وازيدكم من الشعر بيت ما يدامون ويمكن يكونون قاعدين في الكويت , واخرتها ينجحون وبنسب عالية , ويدخلون الجامعةو تطبيقي ويمكن بعثات بعد على شهادات بوطقة ..

خلاصة الكلام
++++++++++

استريحووووا حالكم حال طلبة الفلبين بس على ثانوية ..

حسام بن ضرار said...

زين يسوون فيهم التربيه

و الى المزيد من القرارات لسد باب الارتزاق و التسلق على القوانين

bo bader said...

عاد صج حسافة على الورع ، ويهه وايد لايق على قناة الدعالة * .

الطيور على أشكالها تقع !

====
* ترى مو غلطة إملائية !

Eng_Q8 said...

يعني مرقعينها ؟؟

بالنسبه للشهادات

الكل يبي يصير متعلم والكل يبي يصير دكتور والكل يبي يصير جامعي بس وايد منهم ما يبون يدرسون


شهالديره الي لا دكتورها دكتور ولا مهندسها مهندس ولا محاسبها محاسب

تدري ليلي بالسعوديه لييييييييش

انا اقول سلمت يمناك يا دكتوره وجان زين تسحبين شهايد الي محسوبين علينا جامعيين واهم لا جامعيين ولا قاله الله

خالف تعرف said...

اذونا هالنواب كل
مخالف راح يجيبله رقعتين خام واعتصموا جدام المجلس اطلعوا لهم نواب الصحافه

اذا تحبون العلم لي هالدرجة شدوا حيلكم اهني!!

enter-q8 said...

على كشختهم مدراء ادارات
مو حملت متوسطة

انا اقول عادي سعود اللحين يروح قناة اسلامية يمكن قناة العفاسي

يعني بعكس ايام الجامعه

عين بغزي said...

الوضع يبط الجبد

الحوري said...

عندي سؤال
ليش ما يعاملون طلبة الثانويه السعوديه مثل ما يعاملون
طلبة النازل عندنا
خو نفس الشي طول السنه لعب ووآخر السنه تقديم امتحان من ١٠٠ درجه

well_serviceman said...

بالنسبه للإعتصام ، او بالأحرى "لتعريض الوجه" فأنا أخالف ذلك نهائيا ، إلى متى سنجامل ونتعاطف مع من لا ضمير له؟ وزارة التربيه اليوم باتت تستفيق بشكل تدريجي ولكنه طويل ، وهذا ما يجب فعله منذ التسعينات وليس اليوم! لقد اصبحنا اليوم نفتقد المهندس ، واصبحنا نفتقد المحاسب والمدير وو وو و و و و القائمه تطول ، لو حصرت عدد المهندسين والمحاسبين ومديري اعمال وتسويق ، لتجدهم لا يتعدون الألف ولا ألفين شخص "طبعا اكلمك عن الجيل الجديد وليس السابقين"

بالنسبه حق العداله ، مايشوفون شر، ترقيعتهم نفس ويوهم ، انزين منو عطا البرنامج الحق باستدعاءه ، أليست القناة؟ صحيح مقولة "ضاعت عدالة العداله" والله

وتقبل مني اجمل التحايا عزيزي :)

Sn3a said...

وهالفقير شكو ينفصل!

الجويهل وايد من كلامه حق
واحطها بذمتي

Sn3a said...

حلوة هذي يعتصمون
نسبه كبيره منهم ماني قايله معظمهم بالكويت قاعدين وشهايدهم توصلهم
وفوق شينهم قوة عينهم ويعتصمون


وانا مدارس وتعب ومدارس خاصه وجامعات
وهذيل يزاحمونه بالوظايف وموعاجبهم
استريحو بس

SHOOSH said...

هب الإعتصامت بدت تصك على البلاك بيري

SHOOSH said...

هب الإعتصامت بدت تصك على البلاك بيري

SHOOSH said...

هبة*

أهل شرق said...

شكرأ لموضي الحمود

وجزاها الله الف خير

والفال لباقي وزارات الدولة

والرياضة

كويتيه said...

نقص على منو ؟
شهادات من الفلبين و اهم اصلا يا اصحاب الارض ماعندكم شهادات و تشتغلون بالبيوت و بالسياحه و البارات ؟
و احنا تبونا نعتمد شهادات عليا منهم ؟


شهادات الفلبين و الهند و بعض الشهادات السعوديه و المصريه و البحرينيه

غلط نعترف فيهم

الله ما يرضا !! والله حرام
ادرس و اتعب و اذبح نفسي و غيري سهاله ياخذها بجم دينار و يتوظف قبلي و بمكان احسن مني

لاااااا و اذا حطوه بمكان حساس يحتاج عقليه واعيه مخ دارس مثقف بس حاطين هالامعه شالحل بالله ؟