Monday, February 01, 2010

سقوط التعديلات وشيخ الإسلام

كما توقعنا قبل اكثر من أسبوع تراجعت الحكومة عن تعديلات خنق الحريات الصحافية بعد أن تبين لها أن الوقت غير مناسب ووجود معارضة لا بأس فيها 
 ولكن سقط في هذا الإختبار نواب كتلة بوراكان الذين وجدوا الوقت لمقابلة رئيس الحكومة بخصوص الرياضة ولم يكلفوا نفسهم عرض قضية الحريات على الرئيس وتبيان أنهم لن يقفوا بالمستقبل مع حكومة تخالف القسم الدستوري
راح يرد واحد متحمس - صرحوا - راح أرد : لقوا وقت حق الرياضة ونسوا الحريات
---
ونسيت بعد سقط المدون الجرافيكي حاكي عقالي في هذا الإختبار فبعد أن تعهد بعمل بانر لحملة المدونات المناهضة لقمع الحريات كبر المخدة لما أنتهت القضية  ولو كانت السالفة هجوم على صالح الملا أو نواب كتلة بوراكان لكان البانر جاهز بمجرد التخاطر وليس الكلام
تعال فشش الحين
---
مثلما يعيش النائب فيصل الدويسان أزمة اثبات أنه شيعي وسوبر بعد يعاني شيخ الإسلام النائب محمد المطير اثبات انه سلفي معتق وسابق الكل والدليل

22 comments:

well_serviceman said...

ههههه ، أبا وليد امكبر المخده الظاهر مثل ما قلت.

نواب أبو راكان وغيرهم ..بل اكاد اقول كل النواب الحاليين.. "تلش" مامنهم فايده

المتأسلمين.. من زمااااااااااان ، بس عاجل اليش ما شفنه واحد من هالمتأسلمين يتكلم عن قضية البذالي وانتشار مكالمته المضحكه مع السفير اليمني؟

جبريت said...

لا تلمهم يا اخي فهم مشغولين بالرياضه مو تدري الرياضه وملاحق الكور اهم من الحريات

اما شيخ الاسلام ومعانة الدويسان فهم سيان ماكو فرق سيم سيم وكل واحد يبي يمثل دوره على اكمل وجه

الا المطير ما سمعت له حس بالمجلس الا لما قال عن عطلة السبت لليهود وهذا تشبه باجي السوالف خرمس ليش؟

ساره النومس said...

مممممممممممممم


ماعليه لا تشن حملة الهجوم وماعندك خبر عن ظروف الشخص :)


بس الموضوع غريب شوي بصراحة

جبريت said...

صوتي لك سنقل يا عاجل

ترا بلش التصويت على موقع كويت بلوقر

http://www.kuwaitbloggers.com/

هذا موقع التصويت

bo bader said...

كل اللي صار لقياس رد الفعل وجس النبض مثل ما يقولون .

تعديلات المرئي والمسموع ونتقيح الدستور مجرد مثالين على طريقة تعامل السلطة مع قياس الرأي العام الكويتي ، مثل تسريبات أسماء الوزراء قبل تشكيل الوزارة أيضاً لقياس رد الفعل - فقط لا غير .

متى رد فعل الشعب يكون بارد ويعطيهم مثل هالفرصة ؟

هذا مر بط الفرس !

ولو لقوا فرصة راح يسوون اللي يبونه .

عين بغزي said...

الرياضة قاعدة انتخابية جيدة بدرجة سذاجه!!

اما بخصوص المدون حاكي عقالي ابووليد نلتمس له العذر الرجال يمكن عنده ظروف حتى ماقمت اشوف تعليقاته على المدونات مثل قبل اتمنى يكون بخير..

نائب محمد المطير مادري شسالفة احس وده يسوي أكشن الظاهر يماشي سيد القلاف !!

enter-q8 said...

تمون بس نواب كتلة بو راكان ما يمونون
و لا ادري عنهم
وانت تدري انك تامر مو على بنر على الرقبة
شيك ايميلك

Eng_Q8 said...

الاخ الي فوقي

عقب شنو ؟؟؟

Edrak said...

Enter-Q8


ويييو زفوووه :P

enter-q8 said...

كاسك انت تدري ان البنر مالك انت بالذات موجود عندي من 9 شهور
فا موزين لك

ادراك زين يوبا زين

يا جماعة اقروا الجرايد اليوميين اليايين و ما راح تلومني
ويل سيرفر شنو صار على اللي وصيتك عليه و الا تبي تسوي نفسي

le Koweit said...

والله تراجعوا ؟!
زيييين الحمدلله :>

صارلي 3 ايام بالمخيم غايب عن الدنيا

بس ياخوي عاجل
على قولتهم المتهم بريء حتى تثبت ادانته
اسمع كلام بو وليد وشوف شنو عذره
عقب احكم عليه :)

وقواك الله

Eng_Q8 said...

هذا تهديد صريح

عاجل شوف صاحبك الظاهر اهو مع القوانين والدليل التهديد فلا تلومه الريال صار حكومي

رد على الاتهام ليش ما سويت البنر لا تقعد تلف وتدور كشفناك يا خالد للاسف للاسف للاسف

عاجـل said...

well_serviceman

بويا هذا ما نعرفه

عاجـل said...

جبريت

ما ألوم الا نفسي

عاجـل said...

طموحة مملوحة

لانه غريب شوي
انا قاعد اتحركش فيه

عاجـل said...

جبريت

تسلم

عاجـل said...

bo bader

بالضبط
بالضبط


ولذلك لا أثق في الحكومة وانا بعين مفتوحة

عاجـل said...

عين بغزي

نلتمس له الف عذر

لكن لانه معودنا على السرعة في القصف ما قدرت اطوفها

عاجـل said...

Enter-Q8

كلامك بالأيميل قطع قلبي


حالتك
صرت مثل الشايب اللي يشوف الحلوين
ويكتفي بالسلامات

عاجـل said...

حقوقي

كثر من المخيم

عاجـل said...

حقوقي

كثر من المخيم

عاجـل said...

Eng_Q8


رد علي وشرح لي ظروفه بعريضة
وقبلناها